Beringer (Abt von St. Blasien)

Dr Beringer († 974 z Sankt Bläsi) isch zerscht Prior und drno vo anne 946 bis 974 dr Apt vom Chlooschter Sankt Bläsi im Schwarzwald gsi.

wie s Chlooschter Sankt Bläsi im spoote Middelalter usgseh het

Er isch dr erscht Apt vo däm Huus gsi, wo vorhär sid em 9. Joorhundert en Ussestazioon vom Chlooschter Rhynau gsi isch und sech öppe ane 946 vo dr Muetteraptei glöst het und sälpständig worden isch. Dr Beringer het s nöje Chlooschter dr Regle vom heilige Benedikt understellt. Dr Bischof vo Konschtanz isch anne 950 uf Sankt Bläsi die erschti steinigi Chlooschterchile cho yweie.

Wo dr Apt Beringer ane 974 gstorben isch, het dr Konvänt langi Zyt kei Nochfolger im Rang vom ene Apt gwäält. D Vorsteher, wo Yzo, Werner, Sigfrid und Beringer gheisse händ, sind nid Äpt gsi. Dr zwöit richtig Apt isch dr Werner gsi, wo s Chlooschter vo anne 1045 bis 1068 regiert het.

Literatur ändere

  • Johann Wilhelm Braun (Bearb.): Urkundenbuch des Klosters St. Blasien. Teil I, Von den Anfängen bis zum Jahr 1299. Reihe A: Quellen. Veröffentlichungen der Kommission für geschichtliche Landeskunde in Baden-Württemberg, 2003, ISBN 3-17-017985-3.
  • Ausstellungskatalog: Das Tausendjährige St. Blasien, 200jähriges Domjubiläum. 2 Bände, 1983 ISBN 3-7617-0221-3.