Bernhard Lasotta

ditsche Bolitiker
Dialäkt: Undermarkgreflerisch

Dr Bernhard Michael Lasotta (* 16. Jänner 1969 z Haalbrunn; † 11. Jänner 2019 au dert[1]) isch e dytsche Bolitiker (CDU) un Dokter gsii. Vu 2001 bis zue sym Dod isch er Mitglid vum Landdag vu Bade-Wirttebärg gsii.

dr Bernhard Lasotta, 2013

Uusbildig un Beruf ändere

Noch em Abitur am Hohenstaufen-Gimnasium z Bad Wimpfen un em Wehrdienscht het er an dr Universitet Haidelberch aafange Medizin studiere. Anne 1997 het er s Studium mit em ´Staatsexamen abgschlosse. Von 1997 bis 1999 war er Arzt im Praktikum am Heilbronner Klinikum am Gesundbrunnen. Syni Dissertation het er um des Zyt am Inschtitut fir Medizinischi Biometry un Informatik vu dr Universitet Haidelberch gschribe, wun er 1999 zum Dokter vu dr Medizin promoviert woren isch. S Thema vu syre Arbet het ´Beschreibung und Vergleich der Spontanerfassungssysteme für unerwünschte Arzneimittelwirkungen ghaiße.[2] Ab 1999 isch dr Lasotta Assischtänzdokter ´an dr Klinik fir Aneschthesy un operativi Intänsivmedizin vu dr SLK-Klinike Haalbrunn wore. Nääbeberuefli het er e baar Semeschter Bedriibswirtschaftslehr mit Schwärpunkt Chrankehuuswirtschaft an dr Verwaltigsakademy Rhyy-Necker z Manne studiert.

Bolitik ändere

Em Bernhard Lasotta sy bolitischi Karriere het anne 1985 mit sym Yydritt in di Jung Union aagfange. Vu 1989 bis 2009 isch er Stadtrot z Bad Wimpfen un Vorsitzer vu dr gmainsame vu CDU un Freie Wehler im Gmaitrot gsii. Vu 1994 bis 2009 isch er stellverdrättende Burgermaischter vu dr Stadt Bad Wimpfen gsii. Ab 2004 isch er Miglid im Chraisdag im Landchrais Haalbrunn un syter 2005 Vorsitzer vum CDU-Chraisverband Haalbrunn gsii.

Bi dr bade-wirttebärgische Landdagswahle 1992 un 1996 isch er Zweetkandidat vu dr CDU im Wahlchrais Neckarsulm gsii. Bi dr Wahl am 25. Merz 2001 isch er as Noofolger vum Hermann Mühlbeyer im nämlige Wahlchrais as Eerschtkandidat vu dr CDU aadrätte un het s Diräktmandat gwunne. Bi dr negschte Landdagswahl am 26. Merz 2006 het er sy Mandat mit 46,4 Brozänt vu dr Stimme chenne verdaidige, glych wie au am 27. Merz 2011 mit 40,7 Brozänt un am 13. Merz 2016 mit 25,8 Brozänt .

In dr 15. Wahlperiod vu 2011 bis 2016 isch er im Landdag Mitglid vum Ständige Uusschuss un vum Uusschuss fir Integration gsii un stellverdrättend Mitglid in dr Uusschiss fir Finanze un Wirtschaft un fir Arbet un Sozialornig, Familie, Fraue un Seniore. Derzue isch er integrationsbolitische Sprächer vu dr CDU-Fraktion gsii.

Familie un Privats ändere

Dr Bernhard Lasotta isch remisch-kadolisch gsii. Är het z Bad Wimpfen gwohnt, isch ghyrote gsii un Vater vu zwai Chinder. Nech ere schwäre Chranket isch er fimf Däg vor sym 50. Geburtsdag gstorbe.[3]

Weblink ändere

  Commons: Bernhard Lasotta – Sammlig vo Multimediadateie

Fueßnote ändere

  1. Katharina Freundorfer: CDU-Landtagsabgeordneter stirbt mit 49 Jahren. In: stuttgarter-zeitung.de. 12. Januar 2019, abgruefen am 12. Januar 2019.
  2. Beschreibung und Vergleich der Spontanerfassungssysteme für unerwünschte Arzneimittelwirkungen: unter Berücksichtigung der Methoden zur Kausalitätseinschätzung und der Praktikabilität für Arzneimittelsicherheit und Wirtschaftlichkeit in Gesundheitssystemen / vorgelegt von Bernhard M. Lasotta. Katalogyydrag vu dr Dytsche Nationalbiblothek, abgruefen am 12. Januar 2019.
  3. Reto Bosch: Bernhard Lasotta im Alter von 49 Jahren gestorben. In: stimme.de. 12. Januar 2019, abgruefen am 12. Januar 2019.
  Dä Artikel basiert uff ere fräie Übersetzig vu dere Version vum Artikel „Bernhard_Lasotta“ vu de dütsche Wikipedia. E Liste vu de Autore un Versione isch do z finde.