Bettina Oberli

D Bettina Oberli (* 6. Novämber 1972 z Inderlache) isch e Schwyzer Filmreschiseeri un Draaibuechautoori.

Lääbe

D Bettina Oberli isch z Samoa, wu iri Eltere in dr Entwickligshilf gschafft ghaa hän, un z Meiringe ufgwagse. No dr Schuel het si s Leererseminaar z Bärn absolviert un derno vu 1995 bis 2000 an dr Hochschuel fir Gstaltig un Chunscht Züri Film/Video studiert. Anne 2000 het si ire HGKZ-Diploom as Filmrescheeri gmacht. Dodruf het si divärsi Assischtänzstelle z New York un z Berlin ghaa. Ire erfolgryychscht Film bishäär isch Die Herbstzeitlosen (2006) gsii. Iri chuurze un lange Spiilfilm sin uf Feschtival uf dr ganze Wält zaigt woore un sin in verschiidene Länder im Kino z sääne gsii. Dernääbe drillt d Bettina Oberli au Musikvideo un Chuurzfilm. Im April 2013 het si am Theater Basel mit «Anna Karenina» iri eerscht Biine-Inszänierig zaigt.

D Oberli isch ghyroote mit em franzeesisch-schwyzerische Kameramann Stéphane Kuthy.^[1]^[2]

Filmografy (Uuswaal)

2000: Supernova (Chuurzfilm; Draaibuech, Reschy)
2002: Ibiza (Chuurzfilm; Draaibuech, Reschy)
2004: Im Nordwind (Draaibuech, Reschy)
2006: Die Herbstzeitlosen (Draaibuech, Reschy)
2009: Tannöd (Draaibuech, Reschy)
2012: Déposer les enfants (Co-Drehbuch, Co-Reschy mit em Antoine Jaccoud)
2013: Lovely Louise (Draaibuech, Reschy)
2017: Private Banking (zweedailige Fäärnseefilm: Reschy, Draaibuech)
2018: Le Vent Tourne (Co-Draaibuech, Reschy)
2020: Wanda, mein Wunder (Draaibuech, Reschy)

Uuszaichnige

2001: Nominierig fir dr Max-Ophüls-Bryys in dr Kategory „Beschte Chuurzfilm“ fir Supernova
2001: Prix Suissimage fir dr beschte Schwyzer Noowugsfilm fir Supernova
2002: Bryys fir Chinderchuurzfilm bi dr Oberhausener Kurzfilmtage fir Ibiza
2004: Nominierig fir dr Zabaltegi-Noowugsbryys am Filmfeschtival San Sebastian
2005: Nominierig fir dr Schwyzer Filmbryys in dr Kategory „Beschte Spiilfilm“ fir Im Nordwind
2005: Reschybryys Filmkunstfest Schwerin fir Im Nordwind
2005: Zürcher Filmbryys fir Im Nordwind
2006: Bryys vu dr Ekumeenische Jury am Filmfeschtival Setubal (Portugal) fir Die Herbstzeitlosen
2007: Prix Walo fir Die Herbstzeitlosen – Beschte Film, beschti Schauspiileri
2010: Nominierig fir dr Schwyzer Filmbryys in dr Kategory "Beschte Spiilfilm" fir Tannöd
2010: Spezialbryys vu dr Jury vum Schwyzer Filmbryys fir d Kameraaarbet an dr Stéphane Kuthy fir Tannöd
2010: Zürcher Filmbryys fir Tannöd
2013: Nominierig fir dr Schwyzer Filmbryys in dr Kategory "Beschter Chuurzfilm" fir Déposer les enfants
2014: Nominierig fir dr Schwyzer Filmbryys in dr Kategory "Beschti Filmmusik" fir Lovely Louise
2018: Beschti Hauptdaarstelleri un Beschti Nääbedaarstelleri bim Schwyzer Filmbryys fir Private Banking
2018: Variety Piazza Grande Award am Locarno Film Feschtival fir Le Vent Tourne
2019: Best International Feature Film am Santa Barbara Film Feschtival fir Le Vent Tourne

Literatur

Bettina Oberli im Munzinger-Archiv (Artikelaafang frei abruefbar)

Weblink

Bettina Oberli in dr Internet Movie Database
Cinéportrait vu dr Bettina Oberli bi swissfilms.ch (PDF, 512 KB)
d Bettina Oberli uf dr Websyte vu dr Fama Film AG

Fueßnote

↑ Sylvia Vogel: Schweizer Dream-Team. In: schweizer-illustrierte.ch. Schweizer Illustrierte, 11. November 2009, abgruefen am 29. Juni 2018.
↑ Cinzia Venafro: «Wir wollen Arbeit und Familie nicht trennen». In: blick.ch. Blick, 4. September 2013, abgruefen am 29. Juni 2018.

[1] Sylvia Vogel: Schweizer Dream-Team. In: schweizer-illustrierte.ch. Schweizer Illustrierte, 11. November 2009, abgruefen am 29. Juni 2018.

[2] Cinzia Venafro: «Wir wollen Arbeit und Familie nicht trennen». In: blick.ch. Blick, 4. September 2013, abgruefen am 29. Juni 2018.

[1]

[2]