Samoa

Dä Artikel beschäftigt sich mit em Staat Samoa. S US-amerikanische Ussegebiet findsch under Amerikanisch-Samoa; die ganzi Inselgruppe wird under Samoainseln beschriibe.

Samoa (samoanisch Malo Sa'oloto Tuto'atasi o Sāmoa; änglisch Independent State of Samoa) isch en Inselstaat, wo dr westlig Deil vo de Samoainsle umfasst und wo men em wäge däm – bis 1997 offiziell – au Westsamoa gsait het. Dr Staat het si Unabhängigkeit vo Neuseeland 1962 überchoo. Dr östlig Deil vo de Samoainsle ghört zu de USA.

Malo Sa'oloto Tuto'atasi o Sāmoa (samoan.) Independent State of Samoa (engl.) Unabhängige Staat Samoa
{{{ARTIKEL-FLAGGE}}} {{{ARTIKEL-WAPPEN}}}
Wahlspruch: Fa'avae i le Atua Samoa „Samoa ist gegründet auf Gott“
Amtsspraach	Samoanisch, Änglisch
Hauptstadt	Apia
Staatsoberhaupt	Vaʻaletoa Sualauvi II.
Regierigschef	Sailele Tuilaʻepa Malielegaoi, Naomi Mataʻafa
Flächi	2.831 km²
Iiwohnerzahl	192.001 (Stand 2010)
Bevölkerigsdichti	67,8 Iiwohner pro km²
Bruttoinlandsprodukt nominal (2007)	397 Mio. US$ (175.)
Brutto­inlands­produkt pro Iiwohner	2.101 US$ (112.)
Human Development Index	0,771 (94.)
Währig	1 Tala = 100 Sene
Unabhängigkeit	1. Januar 1962
Nationalhimne	The Banner Of Freedom
Zitzone	UTC −11 Stunde
Kfz-Kennzeiche	WS
Internet-TLD	. ws
Vorwahl	+685

Geographii

Samoa lit im südwestlige Pazifik nordöstlig vo Fidschi. Die grösste Insle si Savai'i (1.708 km²) und Upolu (1.118 km²) mit dr Hauptstadt Apia und em internationale Flughafe. Drzue chömme die bewohnte Insle Manono, Apolima und sächs Insle, wo bis uf e chliini Ferienaalag uf Namua unbewohnt si.

Klima

Klimadiagramm vo Apia

S Klima isch dropisch-ozeanisch mit ere Droche- und ere Rägezit (Novämber bis April). Es weiht e beständige Südost-Passat. D Tämpratur schwankt vo 20 °C bis 30 °C und bedräit im Durchschnitt 27 °C. Die jöhrligi Niiderschlagsmängi isch 2.870 mm, drvo ellei 1.900 mm vom Oktober bis zum Merz. Au wenn Samoa nid in dr Hauptiifallslinie vo de Hurrikan lit, wird s doch gelägentlig vo schwere Stürm droffe.

Bevölkerig

Pe'a, traditionelli männligi Tätowierig (tatau) vo Samoa

D Bevölkerig vo Samoa setzt sich us öbbe 92,5 % Samoaner, 7 % Euronesier (wo samoanischi und europäischi Vorfahre hai) und 0,5 % Europäer zsämme (gschetzt). Öbbe 5.000 Usländer läbe z Samoa (Stand öbbe 2004). Brozentuell si das nid meh as zur Kolonialzit. Denn het s in Dütsch-Samoa uf öbbe 24.000 Samoaner öbbe 300 Dütschi und öbbe 300 anderi Usländer gee.

Uf Samoa läben 180.741 Iiwohner, drvo 93.724 Manne und 87.017 Fraue (alli Zahle: Volkszelig Nov. 2006), drvo si 41,4 % zwüsche 0 und 14 Johr alt, 53,6 % sind zwüsche 15 und 64 und 5,0 % elter as 65. S Durchschnittsalter vo de Samoaner isch 20,8 Johr (Manne 21,0, Fraue 20,5 Johr). Lut Schetzige vo 2006 isch d Geburteroote 1,6 %, d T\Dodesroote 0,7 %, d Chinderstärblikeit (bis e Johr) 2,4 % vo de Läbiggeburte. Durchschnittlich bechunnt e Frau 4,2 Chinder. Drotzdäm nimmt d Bevölkerig vo Samoa jedes Johr um 0,2 % ab, wil 1,2 % vo dr Bevölkerig meh uswanderet, as es Iiwanderer git. E Hufe Samoaner läben im Usland, ellei z Neuseeland si s öbbe 130.000. D Iiwohner wärde durchschnittlig 71,9 Johr alt (Manne 69,0, Fraue 74,8). D Alphabetisierigsroote lit bi 98,7 % (2006).

Sprooche

Amtssprooche z Samoa si Samoanisch (e polynesischi Sprooch) und Änglisch.

Religion

Öbbe 98,4 % vo dr Bevölkerig si Christe. Vili draditionelli Vorstelligen wie dr Glaube an bösi Geister bestöhn immer no, si aber in die christligi Glaubenswält iibunde.

Weblingg

 Commons: Samoa – Sammlig vo Multimediadateie

 Wikimedia-Atlas: Samoa – geographischi un historischi Charte

• Länderinformatione vom Uswärtigen Amt zu Samoa

Einzelnachweise

-13.833333-171.75