Bettina Stucky

D Bettina Stucky (* 18. April 1969 z Bärn) isch e Schwyzer Schauspiileri.

Lääbe

D Bettina Stucky isch e Doochter vum Klassische Archeoloog Rolf Andreas Stucky. No dr Matura het si vu 1988 bis 1992 e Schauspiiluusbildig am Konservatorium fir Musik un Theater Bärn gmacht.

Vu 1992 bis 1994 het si ne Engaschmänt an dr Wuppertaler Bihne ghaa. Ab 1994 hetr si as freii Schauspiileri Gaschtverpfliichtlige unter anderem am Staatstheater Kassel, am Theaterhuus Jena, bi dr Freie Gruppe Theater Affekt z Berlin, wu si 1997 s Sonny in Gärten des Grauens vum Daniel Call (Reschy: Ricarda Beilharz) gspiilt het, un ab 1995 am Theater Basel, wu si unter anderem 1998 d Anita Wucht in Tätowierung vu dr Dea Loher (Reschy: Inga Helfrich) gspiilt het.

Vu 1998 bis 2001 het si ne fescht Engaschtmänt am Theater Basel unter em Schauspiildiräkter Stefan Bachmann ghaa. Deert het si unter anderem 1998 im Projäkt Das Beste aus: Menschliches Versagen (Folge 1) vum Ruedi Häusermann mitgmacht. 1999 het si s Maidli in Roberto Zucco vum Koltès gspiilt (Reschy: Barbara Frey), d Warja in Der Kirschgarten vum Anton Tschechow (Regie: Stefan Pucher) un d Berta in dr Uruffierig vu dr Kotzebue-Adaptazion Stiefel muss sterben vum Thomas Brasch (Reschy: Katharina Thalbach), 2000 d Evelyn Steinbach in Staulage Nordföhn no Der Eissturm vum Rick Moody (Reschy: Barbara Bürk) un d Sophie in Franziska vum Frank Wedekind (Reschy: Stefan Bachmann) un 2001 d Irene Prantl in Glaube Liebe Hoffnung vum Ödön von Horváth (Reschy: Albrecht Hirche).

Im Spootjohr 2001 isch d Stucky ans Schauspiilhuus Züri gwaägslet, wu si scho anne 2000 in Hotel Angst vum Christoph Marthaler gaschtiert ghaa het. Deert het si unter anderem d Natalja Ivanovna in Drei Schwestern vum Tschechow (Reschy: Pucher) un in s Schuberts Die schöne Müllerin (Reschy: Marthaler) gspiilt.

Syt dr Spiilzyt 2013/14 gheert si zum Ensemble vum Dytsche Schauspiilhuus z Hamburg.

Anne 2003 het d Stucky ir eerscht Filmroll ghaa, d Titelroll im Fäärnsehfilm Meier Marilyn vu dr Stina Werenfels (Schwyzer Färnseh DRS).

Uusglääseni Filmografy

2006: Nachbeben
2007: Tod in der Lochmatt
2008: Robert Zimmermann wundert sich über die Liebe
2010: Stationspiraten
2010: Der letzte Weynfeldt
2011: SOKO Stuttgart (Fäärnsehserie, Stapfle 2, Folg 19)
2011: Der Tatortreiniger (Fäärnsehserie, zwoo Folge)
2013: Das kleine Gespenst
2013: Sitting Next To Zoe
2014: Über-Ich und Du
2015: Besser als Du
2016: Tatort: Kartenhaus
2016: Hotel Heidelberg: Tag für Tag
2017: Es war einmal in Deutschland …
2017: Die göttliche Ordnung
2017: Neben der Spur – Dein Wille geschehe
2018: Der Bestatter (Fäärnsehserie)
2018: Polizeiruf 110: Starke Schultern
2018: Unterwerfung
2018: Glaubenberg
2018: Polizeiruf 110: Crash
2018: Hotel Heidelberg: Kinder, Kinder!
2018: Hotel Heidelberg: … Vater sein dagegen sehr
2019: Hotel Heidelberg: … Wer sich ewig bindet
2019: Hotel Heidelberg: Wir sind die Neuen
2019: Danowski – Blutapfel
2021: Sörensen hat Angst
2021: Unter anderen Umständen: Für immer und ewig
2021: Goldjungs
2022: Nord bei Nordwest – Der Ring
2023: Helen Dorn: Der kleine Bruder

Heerspiil

2004 Lukas Bärfuss: Jemand schreit in unseren Rosen – Reschy: Erik Altorfer (Heerspiil – SRF2 Basel)
2006 Händl Klaus: Dunkel lockende Welt – Reschy: Erik Altorfer (Hörspiel – SRF2 Basel)
2012: Gerhard Meister: In meinem Hals steckt eine Weltkugel – Reschy: Erik Altorfer (Heerspiil – SRF2 Zürich)
2013: Urs Widmer: Vom Fenster meines Hauses aus – Reschy: Stephan Heilmann (Heerspiil – SRF)
2013: Emil Cioran: Vom Nachteil, geboren zu sein – Reschy: Kai Grehn (Heerspiil – Südwetrundfunk|SWR)
2014: Joachim Ringelnatz: Als Mariner im Krieg – Reschy: Harald Krewer (Heerspiil – NDR/DKultur)

Bryys un Uuszaichnige

2000 O.E. Hasse-Bryys
2002 Alfred-Kerr-Darstellerbryys – fir d Roll vu dr Natalja in Drei Schwestern (Anton Tschechow, Schauspiilhuus Züri, Reschy: Stefan Pucher) un d Roll im Ensemble vu Die schöne Müllerin (Wilhelm Müller/Franz Schubert, Schauspiilhuus Züri, Reschy: Christoph Marthaler)
2004 Schwyzer Filmbryys – fir iri Roll im Film Meier Marilyn
2014 Rolf-Mares-Bryys fir iri Roll as senegalesischi Frau in Nach Europa am Schauspiilhuus Hamburg
2019 Schwyzer Theaterbryys

Literatur

Alfred Ziltener: Bettina Stucky. In: Andreas Kotte (Hrsg.): Theaterlexikon der Schweiz. Band 3. Chronos, Zürich 2005, ISBN 3-0340-0715-9, S. 1771.

Weblink

Bettina Stucky in dr Internet Movie Database
Bettina Stucky bi crew united
Bettina Stucky bi filmportal.de
d Bettina Stucky bi swissfilms.ch
d Bettina Stucky bi dr Agentur Schlag