De Bezirk Lienz [ˈli:ɛnt͜s] isch en Verwaltigsbezirk vom öschtrychische Bundesland Tirol. Er isch deckigsglych mit Osttirol.

Lag
Lage des Bezirks Lienz im Bundesland Tirol (anklickbare Karte)Bezirk ImstInnsbruckBezirk Innsbruck LandBezirk KitzbühelBezirk KufsteinBezirk LandeckBezirk LienzBezirk ReutteBezirk Schwaz
Lage des Bezirks Lienz im Bundesland Tirol (anklickbare Karte)
Basisdate
Bundesland Tirol
NUTS-III-Region AT-333
Verwaltigssitz Lienz
Fläche 2.019,87 km²
Iiwohner 48.818 (1. Jänner 2022)
Bevölkerigsdichti 24 Einw./km²
Kfz-Kennzeiche LZ
Website www.tirol.gv.at/bh-lienz

Geografii ändere

De Bezirk Lienz isch de gröschti Bezirk vo Tirol und de viertgröschti vo ganz Öschtrych. Er isch dur en öpe 9,5 km lange Streife vo Südtiroler (Ahrntal) und Salzburger Gebiet vo Nordtirol trännt und bildet e Exklave vom Bundesland Tirol. Osttirol gränzt a d Bundesländer Salzburg im Norde und Kärnte im Oste, im Weste und Süde sinds di italienische Regione Trentino-Südtirol und Venezie.

Täler und Flüss ändere

D Hopttäler vom Bezirk Lienz sind s Pustertal, s Iseltal, s Defereggental, s Virgental, s Kalser Tal und de Tiroler Tail vom Gailtal. D Hoptflüss vom Osttirol sind d Drau, en 749 km lange Näbedfluss vo de Donau, und di 57 km lang Isel, wo z Lienz i d Drau mündet.

Gebirge ändere

Grossi Flächene im Norde vom Bezirk Lienz ligged im Gebirge vo de Höche Tauere, wo bis zum högschte Bärg vo Öschtrych, em Großglockner uf 3.798 m ü. A. ufe goht. De südlich Tail vom Bezirk ghört zum Gebiet vo de Karnische Alpe.

Gmainde ändere

De Bezirk Lienz hät 33 Gmainde, under anderem d Stadt Lienz und d Marktgmainde Matrei in Osttirol, Nußdorf-Debant und Sillian. Di gröschte Gmainde vo Osttirol, gmässe a de Iiwohnerzahl, isch d Bezirkshoptstadt Lienz mit aktuell 11.871 Iiwohner, di chlinnscht Gmaind vom Land isch Untertilliach mit 220 Iiwohner. Flächemässig di gröschti Gmaind isch Matrei in Osttirol mit emene Gmaindsgebiet vo 277,75 Quadratkilometer, si isch au di zwaitgröschti Gmaind vom Bundesland Tirol. Di flächemässig chlinscht Gmaind isch Gaimberg mit ere Flächi vo nu 7,28 Quadratkilometer.

D Gmainde im Bezirk Lienz

Litratur ändere

  • Johann Holzner / Sandra Unterweger (Hrsg.): Schattenkämpfe. Literatur in Osttirol. Innsbruck 2006, ISBN 3-7065-4199-8.
  • Uwe Ladstädter (Hrsg.): Brachland. Eine Osttirol-Anthologie. Innsbruck 2000, ISBN 3-7066-2215-7.
  • Katholischer Lehrerverband: Bezirkskunde Osttirol. Innsbruck 2001, ISBN 3-7066-2267-X.

Weblink ändere

Koordinate: 46° 50′ N, 12° 46′ O