Hauptmenü ufmache

Exklave

es Territorium, wo ganz vom ene andere Staats- oder Gmeinds-Gebiet abtrännt isch
C isch ene Exklave vo B un ene Enklave in A.

En Exklave (vo franzöösisch exclavé ‚usgschlosse‘ us latiinex ‚us‘ un clavis ‚Schlüssel‘) isch e Deil vomene politische Gebiet, wo vom Hauptdeil vom säbe Gebiet dur es Stuck främds Land rüümlich abtrännt isch un wo mer aso usschliesslech öber främds Gebiet anechunt.

Byspiil für Exklave im Staatswäse sind Estavayer-le-Lac (Exklave vom Kanton Fryburg), Rüedlinge, Buechberg und Staa am Rhy (Exklave vom Kanton Schaffuuse), Büesinge am Hochrhy (Exklave vo Dytschland i de Schwyz) oder usserhalb vo der Alemannia s Kaliningrader Gebiet (Exklave, vo Russland), di Autonom Republik Nachitschewan (Exklave vo Aserbaidschan), Llivia (Exklave vo Schpanie i de franzesische Pyrenäe), Ceuta un Melilla (Exklave vo Schpanie z Marokko) oder Alaska (Exklave vo de Verainigte Staate). Bis nach em Zwöite Wältchrieg isch s süddytsch Hoochezollere eini vo über sächzg Exklave vo Preuße gsy.

In überdragene Sinn redt me au bi andere geografische Fragestellig vo Exklave, zum Bispiil bi de Verbreitigsgebiet vo Dier- un Pflanzearte oder – sälte – bi dr Verbreitig vo Spraache (Spraachinsle) un Kulture.

S Gegedeil von ere Exklave isch en Enklave. Us Schwyzer Sicht isch aso Büesinge en Enklave.

WeblinggBearbeite