Birgitta Weizenegger

D Birgitta Weizenegger (* 27. Juli 1970 z Stoufa, Bayern) isch e dytschi Schauspiileri, Filmmacheri un Fotografi.

Lääbe ändere

Vu 1991 bis 1994 het d Birgitta Weizenegger e Schauspiiluusbildig am Theater der Keller z Köln gmacht. Derno het si as Darstelleri u. a. am Schauspiilhuus Düsseldorf, am Stadttheater Ingolstadt un bi dr Neue Schaubühne München gschafft, voreb si 1999 mit dr Roll vu dr „Ines Reitmaier“, speter „Ines Kling“, in d ARD-Färnsehserie „Lindenstraße“ yygstiigen isch. Die Roll het d Weizenegger bis 2011 gspiilt.

Näb dr Arbet as Schauspiileri schafft d Birgitta Weizenegger syt 2006 as Filmmacheri. 2011 het si ne aijehrigi Wyterbildig zur Produzänti im Kölner Filmhuus gmacht. Im Oktober 2013 het si mit irem Langfilm Herbstflattern uf dr Internationale Hofer Filmtage debütiert, wu si fir dr Millbrook Autorebryys un dr Neie Dytsche Filmferderbryys nominiert woren isch.

Anne 2014 het d Weizenegger d Fotokamera as neii Uusdrucksmeegligkait vu irem chinschtlerische Schaffe. Syt 2017 schafft si au as Porträt- un Theaterfotografi.

D Birgitta Weizenegger isch Mitgliid im Bundesverband Regie (BVR), dr VG Wort, dr VG-Bild Kunst, dr GVL un dr Dytsche Akademy fir Färnseh.

Filmografy (Uuswahl) ändere

1997: Tatort: Brüder (TV-Reihe): Schauspiileri
1999–2011: Lindenstraße (TV-Serie): Schauspiileri
2006: Lebe mich (Chuurzfilm): Buech, Reschy, Produkzion
2007: Evelyn (Chuurzfilm): Buech, Reschy, Produkzion
2008: Der arme Bub (Chuurzfilm): Buech, Reschy, Produkzion
2009: Herbstflattern (Trailer): Buech, Reschy, Produkzion
2013: Herbstflattern (Langfilm-Debüt), Dytschlandpremiere uf dr 47. Internazionale Hofer Filmtage Oktober 2013
2016: Staufner Geschichte (Haimetfilm, 25 min): Projäktlaitig
2018: Jubiläumsfilm Oberstaufen (Doku/Spiilfilm, 60 min): Idee, Buech, Reschy, Produkzion – DVD-Verdriib
2015 bis hite: Verschiideni Doku/Serie fir u. a. Saxonia Entertainment, Günther Bigalke TV, Cine Impulse Leipzig im Ufdraag vum MDR

Weblink ändere

Commons: Birgitta Weizenegger – Sammlig vo Multimediadateie

Dä Artikel basiert uff ere fräie Übersetzig vu dere Version vum Artikel „Birgitta_Weizenegger“ vu de dütsche Wikipedia. E Liste vu de Autore un Versione isch do z finde.