Brigit Wyss

D Brigit Wyss (* 22. April 1960 z Lüsslige, heimetbrächtigt z Lüsslige) isch e Schwyzer Bolitikeri (Grieni).

D Brigit Wyss

LäbeBearbeite

D Brigit Wyss isch glehrti Schryyneri un Psychiatri-Chrankeschweschter. No ihre Uusbildige het si d Matura uf em zwete Bildigswäg gmacht un het derno Rächtswisseschafte studiert. Si schafft hite as Jurischti im Umwältberyych.

Syt em Jänner 2004 ghert d Wyss em Gmeirot vu dr Stadt Solothurn aa. Vu April 2005 bis Novämber 2007 isch si Kantonsreti vum Kanton Solothurn gsi. Syt em 3. Dezämber 2007 isch d Wyss im Nationalrot. Dert isch si Mitgled vu dr Gschäftspriefigskommission (GPK) un vu dr Kommission fir Rächtsfrage (RK). Bi dr Wahle 2011 isch d Brigit Wyss nit wider gwehlt wore.

D Brigit Wyss het zue dr drej griene Kandidate ghert, wu si fir d Bundesrotsersatzwahl in dr Spotjohrsession 2010 z Verfiegig gstellt gha hän. Am 3. Septämber 2010 isch si vu dr Fraktion vu dr Griene schließli au as Bundesrotkandidati nominiert wore.

D Wyss isch ledig un het zwei Chinder. Si wohnt z Solothurn.

WeblinkBearbeite

  Dä Artikel basiert uff ere fräie Übersetzig vum Artikel „Brigit_Wyss“ vu de dütsche Wikipedia. E Liste vu de Autore un Versione isch do z finde.