Bundesgricht vo de Schwiiz

Dä Artikel behandlet s Bundesgricht vo de Schwiz. Witeri Bedütige vo Bundesgricht findt me do.

S Schwiizerische Bundesgricht (BGer, rätoromanisch Tribunal federal^ⓘ^/?) isch s oberschti Gricht vo de Schwiiz und d Judikative vom Bund. Sit 1875 het s Gricht sin Hauptsitz z Lausanne. Afangs 2007 het s Eidgnössische Versicherigsgricht (EVG) mit em Bundesgricht fusioniirt. Di beide Sozialrächtliche Abteilige vom Bundesgricht hei ihre Sitz z Lözärn. De Präsident vom Bundesgrichts isch de Lorenz Meyer.

Gschicht

Mit de Gründig vom Bundesschtaat im Johr 1848 isch es elfköpfigs Gricht vo näbeamtliche Richter gründt worde, wo für Verhandlige vo sim Präsident an em geignete Ort isch zämmegrüeft worde.

Im 1875i het me s Gricht umorganisiirt, wobi me d Zahl vo de Richter schrittwiis erhöht het. Hüt het s Bundesgricht 35 bis 45 ordentlichi Bundesrichter. Doderzu chömmed nebeamtlichi Bundesrichter, wo aber höchschtens zwei Drittel vo de Aazahl vo de ordentliche Bundesrichter dürfet usmache. In de Regel sin Bundesrichter Mitgliider von ere politische Partei.

Stellig und Organisation

S Bundesgricht isch di oberschti Schwiizer Grichtsinschtanz, wo in der Regel letschtinschtanzlich Urteil von de kantonale Gricht überprüeft; es het au d Ufsicht über d Gschäftsführig vom Bundesschtroofgricht und em Bundesverwaltigsgricht. S Gricht isch in de Rächtssprächig unabhängig. D Oberufsicht ligt bi de Bundesversammlig, wo einisch im Johr s Budget, d Rechnig und de Gschäftsbricht vom Bundesgricht duet gnämige. Au d Richter wärdet vo de Bundesversammlig gwählt.

S Bundesgricht isch nitt, wie die meischte oberschte ussländische Gricht, es Verfassigsgricht, es darf Bundesgsetz nitt ändere oder überprüefe. Mehrheitlich isch me bisher in der Schwiiz der Meinig gsii, mit de Referendums-Abschtimmige vom Volk gäbs do derzue es uusreichends politischs Regulativ. Grundrächt allerdings chan me vor Bundesgricht probiere dure z setze, sogar auch bis zun ere europäische Instanz, em Europäisch Menscherächts-Grichtshof in Strassburg.

Weblink

Dä Artikel basiert uff ere fräie Übersetzig vu dere Version vum Artikel „Bundesgericht_(Schweiz)“ vu de dütsche Wikipedia. E Liste vu de Autore un Versione isch do z finde.