Burg Bärebärg
D Burg Bärebärg, au Bäreburg oder Wyberzahn gnännt, isch e Burgruine bi Burgbärg, eme Ortsdail vu Kennigsfeld im Schwarzwald-Boor-Chrais z Bade-Wirttebärg. Si lyt uf rund 718 Meter iber Normalnull uf eme Sporn vum Hutzelbärg.
| Burg Bärebärg | ||
|---|---|---|
| Alternativnäme: | Bäreburg, Wyberzahn | |
| Entstehigsziit: | um 1100 | |
| Burgetyp: | Spornburg | |
| Erhaltigszuestand: | Muurräscht, Grabe | |
| Ständischi Stellig: | Adligi, Grofe | |
| Bauwiis: | Quader | |
| Ort: | Kennigsfeld | |
| Geografischi Lag: | 48° 9′ 5,4″ N, 8° 26′ 31,2″ O | |
| Höchi: | 718 m ü. NN | |
| ||
Gschicht ändere
Die Spornburg isch wahrschyns Ändi 11. Johrhundert vu dr Herre von Burgberg böue wore, wu Dienschtlyt vu dr Herre von Falkenstein un vu dr Herre von Zimmern gsi sin. Anne 1116 isch si s erscht Mol gnännt wore. Wyteri Bsitzer sin d Herre von Geroldseck un d Grofe von Württemberg gsi.
Aalag ändere
Vum mächtige Durm us grob bhauene Quader sin nume no gringe Räscht erhalte, derzue dr Halsgrabe. Zue dr urspringlige Burgaalag ghert au no d Burg Burgbärg im Ortschärn vu Burgbärg.
Sag ändere
Ere lokale Sag no het dr gytig Burgherr Hans von Burgberg emol e alte Frau, wu bi me Sturm um Unterchumft gfrogt gha het, dervugjagt un si wäg ihrem wieschte Uussäh uuszännt, vor allem wäg ihrem ainzige Zahn, wun ere us em Muul fiiri gluegt gha het. Si heb e derno verfluecht mit däne Wort:
"Verfluecht solle Ihr un Eier ganz Gschlächt syy!
Eiri Burg soll verfalle bis uf e chlai Muurstuck,
wu eso soll uussäh wie myy ainzige Zahn,
wu Ihr mi derwäg uuszännt hän!"
D Herre von Burgberg sin derno wirkli uusgstorbe un vu dr Burg stoht nume no ne chlaine räscht – dr hitig Wyberzahn.
Literatur ändere
- Arthur Hauptmann: Burgen einst und jetzt. Burgen und Burgruinen in Südbaden und angrenzenden Gebieten. Verlag des Südkurier, Konstanz 1987, ISBN 3-87799-040-1
Weblink ändere
- D Burg Bärebärg uf burgen-und-ruinen.de
- Burge im Schwarzwald-Boor-Chreis uf burgeninventar.de