Burg Wisneck

Di Burg Wiesneck isch e Burgruine im Ortsdeil Wisneck vu dr Gmei Buechebach im Schwarzwald im Landchreis Bryysgau-Hochschwarzwald z Bade-Wirttebärg.

Burg Wisneck
Burgruine Wisneck Burgruine Wisneck
Entstehigsziit:	1079
Burgetyp:	Ortslag
Erhaltigszuestand:	Ruine
Ständischi Stellig:	Grofe
Ort:	Buechebach-Wisneck
Geografischi Lag:	47° 58′ 0″ N, 7° 59′ 58,8″ O47.9666694444447.9996638888889
Burg Wiesneck (Baden-Württemberg) Burg Wiesneck

Lag

D Ruine lyt im Zartner Becki am Yygang vum Helledal, em Wagesteigdal un em Unteryybedal. D Burg isch strategisch ginschtig gläge un het d Stroß bewacht, wu iber s Wagesteigdal uf dr Durner uffegfiert het.

Um d Burg het sich scho frie d Ortschaft Wisneck bildet gha, wu anne 1837 uf Buechebach yygmeindet woren isch.

Gschicht

D Burg isch s erscht Mol anne 1079 urkundlig gnännt wore un isch im Bsitz vu dr Grofe vu Haigerloch gsi. Im Johr 1096 het sich s dr Grof Adalberg vu Haigerloch no dr Burg as vu Haigerloch-Wisneck gnännt. Eso hän sich d Burgherre zue Konkurrente vu dr Zähringer entwicklet, wu im Bryysgau vorgherrscht hän.

Im Johr 1118 het dr Bruno vu Haigerloch-Wisneck s Chloschter St. Märge errichte loo. Um 1121 isch d Burg s erscht Mol vu dr Zähringer gschlisse, aber bal wider ufböue wore. D Familie vu dr Grofe vu Haigerloch-Wisneck isch um 1170 uusgstorbe, dodermit isch d Burg un dr Bsitz an d Grofe vu Hoheberg gfalle. Si hän d Burg anne 1293 wyterverchauft.

Im Buurechrieg isch d Burgaalag vu eme Hufe vu ufständische Buure unter em Hans vu Bulgebach gstirmt un gschlisse wore, aber bal scho wider zem Deil wider ufböue wore.

Anne 1577 isch si an d Freiherre vu Sickinge-Hoheburg ibergange. Im Dryßgjehrige Chrieg isch d Burg anne 1646 vu dr Franzose gschlisse wore. In dr Zyt derno het d Burg as Steibruch dient fir d Lyt in dr Gegnig.

Aalag

Vu dr Burgaalag sind abgsäh vum Yygangsberaich hite nume no wenig Muurräscht erhalte. An dr Iberräscht vu dr Vorburg, dr Hauptburg un em Palas isch aber no guet z sähne, ass es eini vu dr greßere Burgaalage in dr Region gsi isch.

Verein

Anne 2002 isch dr Verein Burg Wiesneck e. V. grindet wore, wu wett Sorg drage fir d Burgruine Wisneck.

Galerii

• 
• 
• 
• 

Literatur

• Alfons Zettler, Thomas Zotz: Die Burgen im mittelalterlichen Breisgau. I. Nördlicher Teil Halbband A-K. Ostfildern 2003

Weblink

 Commons: Burg Wiesneck – Sammlig vo Multimediadateie

• Burg Wisneck uf burgeninventar.de

Dä Artikel basiert uff ere fräie Übersetzig vu dere Version vum Artikel „Burg_Wiesneck“ vu de dütsche Wikipedia. E Liste vu de Autore un Versione isch do z finde.