George Gordon Byron

Dr George Gordon Noel Byron, 6. Baron Byron of Rochdale (* 22. Januar 1788 z London; † 19. April 1824 z Messolongi, Griecheland), bekannt as Lord Byron, isch e britische Dichder gsi, dr Änkel vom John Byron, eme Südseeforscher und britische Admiral. Dr Lord Byron isch dr Vater vo dr Ada Lovelace. Er isch au bekannt as Understützer vom Freihäitskampf vo de Grieche gege s Osmanische Riich.

Lääbe

1809 isch er im Middelmeerruum ume gräist: über Lissabon uf Spanie, isch z Malta gsi, z Albanie, z Griecheland und an dr Küste vo Chläiasie. 1812 het er die erste bäide Canti vo Childe Harold's Pilgrimage uusegee und isch sofort bekannt worde. Er het denn e Dächtelmächdel mit dr verhürootete Lady Caroline Lamb ghaa, was in dr änglische Gsellschaft e Skandal usglööst und si Ruef ruiniert het. Er het denn e Verheltnis mit sinere Halbschwöster Augusta gha, und s Mäiteli, wo im April 1814 uf d Wält choo isch, d Elizabeth Medora, isch woorschinlig si Dochder gsi. 1815 het er d Annabella Milbanke ghürootet und mit ere e Dochder, d Ada Lovelace, ghaa. Im Joor druf het si Frau en verloo.

Er het denn z Cologny am Gämfersee gwoont, won en dr Percy Shelley und däm si Partnere d Mary Shelley si go bsueche. D Mary Shelley het dört iire Roman Frankenstein or: The New Prometheus gschriibe. Vom Oktober 1816 aa het dr Byron mit dr verhürootete Grööfin Teresa Guiccioli z Italie gläbt und dr Pisan Circle gschriibe.

Am Aafang vo 1823 häi d Grieche im Byron s Kommando über die freije griechische Stritchreft aabote. Er het aagnoo, isch aber scho im Joor druf z Messolongi gstorbe.

Dr Iifluss vom Byron

Im Byron sini Protagoniste si as „Byronic Hero“ in dr Litratuur archetüpisch worde und häi mit iirer Liideschaft und iirem Äinzelgängerdum Iifluss uf mee as nume d Romantiker ghaa.

Dr Byron isch e Fründ vom Shelley gsi und het mit em Goethe korrespondiert, und si Wärk Manfred isch as Antwort uf em Goethe si Faust I däm gwidmet. Dr Goethe het im denn postum e Dänkmol gsetzt mit dr Figur vom Euphorion im Faust II. Dr Heinrich Heine het im Byron e Gedicht (Eine starke, schwarze Barke) gwidmet. Dr Iifluss vom Byron uf e jung Edgar Allan Poe isch grooss gsi, und au uf e änglisch Mooler William Turner und uf e russisch Dichder Alexander Puschkin.

E baar vo sine Wärk

Byron, 1830

Fugitive Pieces. 1806.
Poems on Various Occasions. Hours of Idleness. 1807.
English Bards and Scotch Reviewers. 1809.
Childe Harold's Pilgrimage. Cantos 1–2. 1812.
The Giaour. The Bride of Abydos Volltext (deutsch). 1813.
The Corsair. Lara. Ode to Napoleon Buonaparte. 1814.
Hebrew Melodies. 1815.
When in pain. 1816.
The Siege of Corinth. Parisina. Childe Harold's Pilgrimage, Canto 3. The Prisoner of Chillon. 1816.
Manfred. 1817.
Beppo. Childe Harold's Pilgrimage, Canto 4. 1818.
Mazeppa. Don Juan. Cantos 1–2. 1819.
Marino Faliero. Don Juan. Cantos 3–5. Cain. The Two Foscari. Sardanapalus. 1821.
Vision of Judgement. 1822.
Don Juan. Cantos 6–14. 1823.
Don Juan. Cantos 15–16. 1824.

Litratuur

T. J. Wise: A Bibliography of the Writings in Verse and Prose of George Gordon Noel, Baron Byron. 2 vols (Privatdruck 1933, repr. London, 1962 und 1972).
Leslie A. Marchand, Byron: A Biography. 3 vols. (New York: Knopf, 1957).
The Works of Lord Byron. Eds Ernest Hartley Coleridge und R. E. Prothero. 13 vols (London, 1898–1904; repr. New York, 1966).
Lord Byron: The Complete Poetical Works. Ed. Jerome J. McGann. 7 vols. (Oxford: Clarendon Press, 1980–1991).
William H. Marshall, The Structure of Byron's Major Poems (Philadelphia and Oxford University Press 1962; repr. 1974).
Leslie A. Marchand, Byron's Poetry. A Critical Introduction (Boston: Houghton Mifflin, 1965).
Frederick L. Beaty, Byron the Satirist (DeKalb: Northern Illinois University Press, 1985).

Biografie

Benita Eisler: Byron – Der Held im Kostüm. Blessing, 1999, ISBN 3-89667-082-4.
André Maurois: Don Juan oder das Leben Lord Byrons. Eine Biographie. Piper, 1990, ISBN 3-492-11210-2.
Hartmut Müller: Byron. Rowohlt, 1992, ISBN 3-499-50297-6.

Weblinks

Commons: George Gordon Byron – Sammlig vo Multimediadateie

George Gordon Byron im dütschsprochige Wikisource
George Gordon Byron im dütschsprochige Wikisource

Audiofeature über Lord Byron und die Spätromantik auf Bayern2 Radiowissen Mediathek
Wärch vu George Gordon Byron. In: Zeno.org.
Wärch vu George Gordon Byron. In: Projekt Gutenberg-DE.
Werke von Lord Byron im Volltext (s mäiste uf änglisch) im Project Gutenberg
Lääbe und Wärk vom Byron (änglisch)
Poetische Werke (änglisch)
Lord Byron: Hebräische Gesänge. Übersetzt vom Franz Theremin, 1820 (PDF, 108 KiB)
Lääsige vo Byron-Text (änglisch) zum freien Download bi LibriVox

Dä Artikel basiert uff ere fräie Übersetzig vum Artikel „George_Gordon_Byron“ vu de dütsche Wikipedia. E Liste vu de Autore un Versione isch do z finde.