Lissabon

Lissabon, port. Lisboa, isch d Hauptschtadt vo Bortugal und au vom Regierigsbezirkii mit em gliiche Name und ligt an ere Bucht vo der Flussmündig vom Tejo im üsserschte Südweschte vo Europa an der Atlantikküste vo der Iberische Halbinsle.

Lissabon
Lissabon (Portugal) Lissabon Lissabon
Koordinate	38° 43′ 0″ N, 9° 10′ 0″ W38.716666666667-9.1666666666667
Symbole
Wappe Wappe Fahne Fahne
Basisdate
Staat	Portugal
Distrikt	Lissabon
Höchi	-226 m
Flechi	84,4 km²
Iiwooner	545.245 (2011)
Dichti	6.460,2 Ew./km²
Website	www.cm-lisboa.pt
Bild

As die gröschti Schtadt vo Bortugal mit em wichtigschte Hafe, em Regierigssitz, de oberschte Schtaats- und Regierungsbehörde, sächs Universitäte und dr Akademie vo de Wüsseschafte isch Lissabon s politische, wirtschaftlige und kulturelle Zentrum vom Land.

Lissabon isch dr Sitz von e baar Agenture vo der Europäische Union, drunder die Europäisch Beobachtigsschdell für Droge und Drogesucht und die Europäisch Seesicherheitsagentur. Au d Gmeinschaft vo de portugiesischsproochig Länder (CPLP) het ihre Hauptsitz z Lissabon.

Geographii

S Schtadtgebiet vo Lissabon entspricht au em Kreis und het ä Flächi vo 83,84 km² mit 517.802 Iiwohner (Schtand 1. Januar 2005). Im Iizugsgebiet vo der Schtadt (die so genannti Área Metropolitana de Lisboa) mit de Ortschafte Oeiras, Cascais, Almada, Amadora und andere läbe mit öbbe 2.683.000 (Schtand 2001) Iiwohnern meh as 25 % vo der portugiisische Bevölkerig.

D Baixa (dt. Underschtadt) lit direkt am Flussufer vom Tejo und wird vom Burgberg mit em Castelo de São Jorge, dr Alfama (der Lissabonner Altschtadt) und em Hügel vom Bairros Alto (dt. Oberschtadt) iigrahmt. Si isch s Geschäfts- und Bankequardier vo Lissabon.

Klima

Lissabon mit Blick uf Castelo de São Jorge und Ponte 25 de Abril (dt. Brugg vom 25. April)
über ä Tejo

Noch dr Klimaklassifikation vo Lauer und Frankenberg (1987) isch s Klima vo Portugal maritim und semihumid und ghört zu der subtropische Klimazone. Wil d Schdadt direkt am Atlantik lit, wird ihr Klima vom Temperaturverhalte vom Meer prägt: Nit sehr heissi Summer und verhältnismässig mildi Winter. D Temperaturen falle nur sälte under 0 °C. Schneefäll si no sältener. D Möned mit de högschte Niiderschlagswärt si vom November bis zum März (> 100 mm). Dr chüeli Kanareschtrom, wo in südliger Richtig der Küste noch fliesst, verursacht in der warme Johresziit hüfig Näbel. Im Winter isch Lissabon im Iiflussgebiet vo atlantische Tiefusläufer, wo viel Räge an dr Küschte bringe. Dr jöhrlig Rägedurchschnitt isch 629 mm.

Gmeinde

Charte vo de 53 Stadtgmeinde (freguesias) mit de 4 Bezirk (bairros)

Lissabon isch in 53 Stadtgmeinde (freguesias) iideilt, wo us administrativen Gründ vier Bezirk (bairros) aghöre:

Ajuda (2. Bairro) Alcântara (2. Bairro) Alto do Pina (4. Bairro) Alvalade (3. Bairro) Ameixoeira (3. Bairro) Anjos (1. Bairro) Beato (4. Bairro) Benfica (3. Bairro) Campo Grande (3. Bairro) Campolide (3. Bairro) Carnide (3. Bairro) Castelo (1. Bairro) Charneca (3. Bairro) Coração de Jesus (1. Bairro) Encarnação (1. Bairro) Graça (1. Bairro) Lapa (2. Bairro) Lumiar (3. Bairro)

Madalena (1. Bairro) Mártires (1. Bairro) Marvila (4. Bairro) Mercês (1. Bairro) Nossa Senhora de Fátima (3. Bairro) Pena (1. Bairro) Penha de França (4. Bairro) Prazeres (2. Bairro) Sacramento (1. Bairro) Santa Catarina (1. Bairro) Santa Engrácia (1. Bairro) Santa Isabel (2. Bairro) Santa Justa (1. Bairro) Santa Maria de Belém (2. Bairro) Santa Maria dos Olivais (4. Bairro) Santiago (1. Bairro) Santo Condestável (2. Bairro) Santo Estêvão (1. Bairro) Santos-o-Velho (2. Bairro)

São Cristóvão e São Lourenço (1. Bairro) São Domingos de Benfica (3. Bairro) São Francisco Xavier (2. Bairro) São João (4. Bairro) São João de Brito (3. Bairro) São João de Deus (4. Bairro) São Jorge de Arroios (4. Bairro) São José (1. Bairro) São Mamede (1. Bairro) São Miguel (1. Bairro) São Nicolau (1. Bairro) São Paulo (1. Bairro) São Sebastião da Pedreira (3. Bairro) São Vicente de Fora (1. Bairro) Sé (1. Bairro) Socorro (1. Bairro)

Bevölkerig

D Bevölkerig vo der Stadt sälber zellt knapp 550.000, und d Iiwohnerzahl für s Metropolitangebiet vo Lissabon isch rund 2.800.000 noch em Instituto Nacional de Estatística (Nationals Inschtitut für Schtatistik). Zum Metropolitangebiet zelle: Grande Lisboa, uf em nördlige Ufer vom Tejos, und Península de Setúbal im Süde. D Bevölkerigsdichti vo der Schtadt sälber isch 6.460 Iiwohner pro km². Lissabon isch eins vo de Metropolitangebiete in Europa, wo am schnellschte wachst. Noch erä Schätzig vo de Vereinte Natione wird d Bevölkerig no vor 2050 4,5 Millionen zelle.

es läärstehends Gebäude i de Innestadt

Wärend d Bevölkerig im Metropolitangebiet wachst, isch i fascht 30 Johr (vo 1981 bis 2007) d Bevölkerig i de Chärnstadt dramatisch zrugg gange. D Zuezügler sind vorallem Familie, wo dank ehrere finanzielle Mittel för di höche Wohnchoschte ufcho chöned – vor allem jungi Lüt und Verträter vom Mittelstand sind aber ewägg zoge. Däre Tendänz versuecht d Stadt entgege zwürke, indäm si i de Innestadt e Förderig vo Wohnruum betribt.

Iiwohnerentwicklig vo Lissabon (1801–2011)
1801	1849	1900	1930	1960	1981	1991
203.999	174.668	350.919	591.939	801.155	807.937	663.394
2001	2004	2005	2006	2007	2008	2011
564.657	529.485	519.795	509.751	499.700		545.245

Bildig und Wüsseschaft

Lissabon isch näbe Coimbra die wichtigschti Universitätsschtadt z Portugal und het ä baar Universitäte: D Universität Lissabon (gründet 1290) ghört zu de ältischte Universitäte in Europa, isch aber noch erä Pause vo meh as 400 Johr 1911 neu gründet worde, wo die medizinische und pharmazeutische Inschdidut, ä polytechnischi Hochschuel und literaturwissenschaftliche Institut neu organisiert worde si. Die Technische Universität Lissabon (gründet 1931) isch eini vo de gröschde Universitäte vo Portugal mit meh as 20.000 Studente und sibe Fakultäte. Die Neui Universität Lissabon, wo 1973 als dritti staatligi Universität gründet worden isch, isch sitdäm uf über 14.000 Studente agwachse und bietet es klassischs Lehrspektrum a. 1968 isch die Katholischi Universität Portugal gründet worde as Privat-Universität vo der katholische Chille mit vier Schtandort in Portugal, drvo ischt Lissabon der jüngscht. D Universität Lusíada Lissabon vo 1986 und die Internationali Universität Lissabon vo 1984 si Privat-Universitäte.

Literatur

• Johannes Beck: Lissabon, Erlangen 2009, ISBN 978-3-89953-459-7.
• Johannes Beck: Lissabon und Umgebung, Erlangen 2009, ISBN 978-3-89953-458-0.
• Walther L. Bernecker, Horst Pietschmann: Geschichte Portugals – Vom Spätmittelalter bis zur Gegenwart, C. H. Beck, 2001, ISBN 3-406-44756-2
• Rainer Groothuis und Christoph Lohfert (Fotos): Lissabon: das helle, traurige Paradies, Einleitung: Rafael Chirbes; Edel Momenti, Hamburg 2010 ISBN 978-3-941378-79-7
• Claus-Günter Frank: Lissabon – Entdeckungen in Portugals Metropole. Tübingen 2005, ISBN 3-937667-68-7.
• Horst Günther: Das Erdbeben von Lissabon und die Erschütterung des aufgeklärten Europa, Fischer, Frankfurt, 2005, ISBN 3-596-16854-6.
• Lydia Hohenberger, Jürgen Strohmaier: Lissabon, DuMont, 2005, ISBN 3-7701-6063-0.
• Annette Hüller, Lissabon, Marco Polo, 2008, ISBN 3-8297-0475-5.
• Gerhard Lauer, Thorsten Unger: Das Erdbeben von Lissabon und der Katastrophendiskurs im 18. Jahrhundert, Wallstein, 2008, ISBN 3-8353-0267-1.
• Susanne Lipps, Heidrun Reinhard: Lissabon, Polyglott-Verlag, 2009, ISBN 978-3-493-55908-8.
• Sara Lier: Immigranten in Lissabon, Vdm Verlag Dr. Müller, 2008, ISBN 3-8364-7226-0.
• Eva Missler: Lissabon, Baedeker, 2005, ISBN 3-8297-1058-5.
• A. H. de Oliveira Marques: Geschichte Portugals und des portugiesischen Weltreichs, Stuttgart: Kröner, 2001, 713 S., ISBN 3-520-38501-5.
• José Saramago: Geschichte der Belagerung von Lissabon, Rowohlt, Reinbek, 1992, ISBN 3-498-06249-2.
• Sabine Scholl: Lissabon, Artemis & Winkler, 2009, ISBN 3-538-07281-7.

Bilder

• Lissabon - Lisboa
• 
  Blick vom Castelo de Sao Jorge
• 
  Praça de Dom Pedro IV-Rossio
• 
  Largo das Portas do Sol
• 
  Catedral Sé - S Münschter
• 
  Praça dos Restauradores
• 
  Travessa da Portuguesa
• 
  Schdroßebahn 28
• 
  São Roque

Weblink

 Commons: Lissabon – Sammlig vo Multimediadateie

• Site vo de Stadtverwaltig (portugiesisch)

Fuessnoote

Dä Artikel basiert uff ere fräie Übersetzig vu dere Version vum Artikel „Lissabon“ vu de dütsche Wikipedia. E Liste vu de Autore un Versione isch do z finde.