Riga

Riga isch d Houptstadt vo Lettland. So het öpe 700.000 Ywooner und isch di gröschti Stadt vom Baltikum.

Riga
Riga (Lettland) Riga Riga
Koordinate	56° 57′ N, 24° 6′ O56.9524.1
Symbole
Wappe Wappe
Basisdate
Staat	Lettland
Republik-Stadt	Riga
Höchi	7 m
Flechi	307 km²
Iiwooner	698.529 (2016)
Dichti	2.275,3 Ew./km²
Website	riga.lv
Riga Riga

Geografii

Lage

S Stadtzäntrum liit am Fluss Düna (lettisch: Daugava) und d Vorort uf der Nordsyte chöme as Meer a. Det isch d Bucht vo Riga, wo ein Deil isch vo der Oschtsee.

Gschicht

Am chlyne Fluss Rige (lettisch: Rīdzene), eme Näbefluss vo de Düna, isch im 12. Joorhundert e Handelsplatz entstande, wo Chouflüüt us der Oschtsee higgange sind. Ane 1201 het der Bischof Albrecht vo Buxthoeven vo Breme d Stadt Riga gründet, wo wenig spöter zu der Grubbe vo de Hansestedt ghört het. Si isch gly zur Houptstadt vom Piet Livland worde. I der Stadt isch der Sitz gsi vom Ärzbischof vo Riga. Vo 1492 a het der Dütsch Oorde d Macht gha über Livland.

1581 isch d Stadt Riga zu Pole cho, 1621 isch si vo de Schwede eroberet worde, 1656 hend se d Russe belageret, aber nit chönne erobere; erscht ane 1710 isch Riga a Russland gfalle.

Noch em Erschte Wältchrieg isch Riga d Houptstadt vo der nöie, unabhängige Republik Lettland worde, wo vo 1944 bis 1990 der Sowjetunion agschlosse gsi isch und derno wider d Unabhängigcheit gunne het.

Literatur

• Andris Kolbergs: Porträt einer Stadt. Geschichte Rigas Altstadt. Übers. usem Lettische vo der Anita Muitniece. Riga 1998, ISBN 9984-07-113-8.
• Andreas Fülberth: Riga. Kleine Geschichte der Stadt. Böhlau, Köln/Weimar/Wien 2014, ISBN 978-3-412-22165-2.

Weblink

 Commons: Riga – Sammlig vo Multimediadateie