Cape Tribulation
S Cape Tribulation (änglisch: „Kap vom Unglück“ oder „Kap vo dr Noot“) isch e Landzunge an dr Ostküste vo Australie. Si befindet sich öbbe 45 km nördlig vo Port Douglas und 110 km nördlig vo Cairns in Queensland. Dört chömme dr Räägewald und s Great Barrier Reef zämme.
| Cape Tribulation | |||
 Blick vom Cape Tribulation us | |||
| Staat: |  Australie
| ||
| Bundesstaat: |  Queensland
| ||
| Koordinate: | 16° 5′ S, 145° 28′ O | ||
| Iiwooner: | 150 | ||
| |||
Dr Naame chunnt drvo, ass im James Cook si Schiff uf sinere erste Südseeräis am 11. Juni 1770 dört uf Grund gloffe isch und fast verlore gange wäär. D Repratuur het e Moonet brucht und erst denn het dr Cook chönne witerfaare.
Es het e Siidlig uf em Kap mit öbbe 150 Iiwooner. Mäistens cha mä mit eme normale Auti aanefaare. Dr Wääg goot mit ere Fääri über e Daintree River. Dr Ort sälber bestoot us meerere Resorts bzw. Unterkümft und e baar Restorant. Nördlig vom Kap lit Cooktown, wo mä en Allrad-Faarzüg brucht für zum aanezchoo.
Cape Tribulation ghört zum UNESCO-Wälterb vo de Wet Tropics of Queensland.
Weblink
ändere
Commons: Cape Tribulation – Sammlig vo Multimediadateie
|
Dä Artikel basiert uff ere fräie Übersetzig vum Artikel „Cape_Tribulation“ vu de dütsche Wikipedia. E Liste vu de Autore un Versione isch do z finde. |