Carola Wolle

Dialäkt: Undermarkgreflerisch

D Carola Wolle, geb. Weber (* 18. Novämber 1963 z Sontheim), isch e dytschi Unternämeri un Bolitiker (AfD). Syt Merz 2016 isch si Mitglid vum Landdag vu Bade-Wirttebärg.

Lääbe

D Carola Wolle isch z Beilstaa uf d Grundschuel gange un z Baodmer uf d Realschuel. Z Haalbrunn het si am Wirtschaftsgimnasium Abitur gmacht. Anne 1991 het si an dr Universitet Mannheim en Abschluss as Diplom-Chauffrau gmacht. Vu 1991 bis 2007 het si bi dr Daimler AG im Beraich Organisation un Personal gschafft. Syter anne 2008 isch si Gschäftsfiereri vu dr MSR-Technik Naegele GmbH + Co. KG, em Dienschtlaischtigsunternäme fir Styyrtächnik im Beraich Haizig un Klima. Si isch evangelisch, gschide un het e Suhn. Si wohnt z Beilstaa.

Bolitik

D Wolle isch anne 2013 Mitglid vu dr AfD wore, syt Juni 2014 isch si Mitglid vum AfD-Chraisverband Haalbrunn. Syt Juli 2015 isch si Mitglid vum Landesvorstand vu dr AfD Bade-Wirttebärg un syt Mai 2015 isch si Sprächeri vum AfD-Mittelstandsforum Bade-Wirttebärg.

Bi dr Landdagswahl 2016 isch si iber e Zwaitmandat im Wahlchrais Neckersulm in Landdag gwehlt wore.

Im Landdag isch si stellverdrättendi Vorsitzeri vum Uusschuss fir Wirtschaft, Arbet un Wohnigsböu un im Uusschuss fir Soziales und Integration. Stellverdrättend Mitgli isch si im Petitionsuusschuss, im Ständigen Uusschuss, im Uusschuss fir Europa un Internationals, im Uusschuss fir Wisseschaft, Forschig un Chunscht, im Uusschuss fir Finanze, im Uusschuss fir Umwält, Klima un Energywirtschaft un im Untersuechigsuusschuss „Rechtsterrorismus/NSU BW II“.

Sunschtig Engaschmänt

• Mitglid vum Verwaltigsroot vu dr Wirttebärgische Staatstheater Stuegert.

Weblink

• Abgordneteprofil bim Landdag Bade-Wirttebärg in dr 16. Wahlperiod