Christiane Langenberger
D Christiane Langenberger (* 21. April 1941 z Bärn; † 16. Augschte 2015 z Romanel-sur-Morges[1]; haimetbrächtigt ebedert) isch e Schwyzer Bolitikeri gsii. Si het vu 2003 bis 2004 as erschti Frau d Freisinnig-Demokratisch Bartei vu dr Schwyz (FDP) bresidiert.
Lääbe ändere
Ihre erscht bolitisch Amt het si ab 1987 as Gmaindsreti z Romanel-sur-Morges ghaa, vu 1994 bis 1995 isch si Gmaindsbresidänti gsii. Am 19. Juni 1995 isch si in dr Nationalrot yyzoge un isch dert 5. Dezämber 1999 Mitglid gsii. Am 6. Dezämber 1999 isch si in dr Ständerot gwehlt wore un het dert dr Kanton Waadt in dr Chlaine Chammere fir zwoo Amtsperiode verdrätte. Bi dr Wahle 2007 isch si nimi z Verfiegig gstande.[2] Bi dr Bundesrotswahl 1998 isch si as offiziälli Kandidati fir d Noofolg vum zruggdrätte Jean-Pascal Delamuraz nominiert wore. Di Verainigt Bundesversammlig het aber dr Pascal Couchepin in s Amt gwehlt. Im Jänner 2003 het si vum Gerold Bührer s Bresidium vu dr FDP ibernuu un het des Amt bis im April 2004 gfiert.
D Langenberger isch ghyrote gsii un het zwai Chinder ghaa. Si het z Romanel-sur-Morges gläbt, wu si am 16. Augschte 2015 noch ere lange Chranket im Alter vu 74 Johr gstorben isch[1].
Weblink ändere
Commons: Christiane Langenberger – Sammlig vo Multimediadateie- Christiane Langenberger uf dr Websyte vo dr Bundesversammlig
- Isabelle Moret: Eine grosse Vorkämpferin. Nooruef in: Neue Zürcher Zeitung vum 18. Augschte 2015.
Fueßnote ändere
- ↑ 1,0 1,1 Décès de Christiane Langenberger, ex-présidente du Parti radical. In: rts.ch, abgruefen am 19. Augschte 2015
- ↑ Wahlen 2007: Mitglieder des Ständerates, die nicht mehr kandidieren. parlament.ch, archiviert vom Original am 21. Mai 2015; abgruefen am 7. Oktober 2009.
|
Dä Artikel basiert uff ere fräie Übersetzig vu dere Version vum Artikel „Christiane_Langenberger“ vu de dütsche Wikipedia. E Liste vu de Autore un Versione isch do z finde. |