Christina Stumpp
D Christina Daniela Stumpp (* 16. Novämber 1987 z Baggena) isch e dytschi Bolitikeri (CDU) un syt 2021 Mitglid vum Dytsche Bundesdag.
Lääbe ändere
D Stumpp isch uf eme Buurehof ufgwagse, wu hite ire Bureder wyterfiert.[1]
Noch ere Lehr zu Verwaltigswirti im mittlere Verwaltigsdienscht 2006 un ere aijehrige Arbet in dr Stadtverwaltig Woeblenga het si 2008 d Fachhochschulryfi an dr Chaufmännische Schuel Baggena gmacht un no an dr Hochschuel fir effetligi Verwaltig un Finanze Ludisburg Styyrächt (Ghobene Dienscht Styyrverwaltig) studiert un e Bachelor of Laws (LL.B.) gmacht.[2]
Vu 2011 bis Jänner 2021 het d Stumpp in verschidene Stelle as Sachbearbaiteri un Referänti gschafft, im bade-wirttebärgische Minischterium fir Finanze un Wirtschaft, im Minischterium fir Inners, Digitalisierig un Migration un im Minischterium fir Kultus, Juged un Sport. Vu Februar 2021 bis zue ire Wahl in Bundesdag isch si persenligi Referänti vum bade-wirttebärgische Landwirtschaftsminischter Peter Hauk gsii.[2]
Bolitik ändere
D Stumpp isch syter anne 2001 Mitglid vu dr Junge Union un syt 2003 vu dr CDU. Syt 2014 het si verschideni Ämter im Krais- un Regionalverband vu ire Bartei ghaa.[2]
Im Juni 2021 het si d Stumpp barteiintärn gege zwee Mitbewärber as Kandidati fir d Bundesdagswahl 2021 im Bundesdagswahlkrais Woeblenga duregsetzt. Dr bishärig Mandatsinhaber, dr Joachim Pfeiffer, isch nimi aadrätte.[3] Bi dr Bundesdagswahl 2021 het si s Diräktmandat mit 29,0 Brozänt vu dr Erschtstimme gwunne.[4]
Am 16. Novämber 2021 het dr Friedrich Merz aagchindet, ass er si, wänn er zum Bundesvorsitzer vu dr CDU gwehlt wird, fir s nei Amt vu dr stellverdrättende Generalsekreteri wett vorschlaa.[5]
Mitglidschafte ändere
Privats ändere
D Stumpp isch syter 2014 ghyrote un het e Suhn (* 2020). Si isch evangelisch.[2][8]
Weblink ändere
Fueßnote ändere
- ↑ Stuttgarter Nachrichten, Stuttgart Germany: Bundestagswahlkreis Waiblingen: Zweite Bewerbung auf Pfeiffer-Nachfolge. Abgruefen am 21. November 2021.
- ↑ 2,0 2,1 2,2 2,3 Deutscher Bundestag - Christina Stumpp. Abgruefen am 21. November 2021.
- ↑ Stuttgarter Zeitung, Stuttgart Germany: Waiblingerin wird CDU-Bundestagskandidatin: Klares Votum für Christina Stumpp. Abgruefen am 21. November 2021.
- ↑ Bundestagswahl 2021 Rems-Murr-Kreis, Ergebnis. Abgruefen am 28. September 2021.
- ↑ Robert Roßmann, Boris Herrmann: CDU-Vorsitz: Merz präsentiert Czaja und Stumpp für sein Führungsteam. Abgruefen am 21. November 2021.
- ↑ Stuttgarter Nachrichten, Stuttgart Germany: Bundestagswahlkreis Waiblingen: Zweite Bewerbung auf Pfeiffer-Nachfolge. Abgruefen am 21. November 2021.
- ↑ CDU Region Stuttgart: CDU Region Stuttgart - Christina Stumpp MdB |. Abgruefen am 21. November 2021.
- ↑ Über mich, christina-stumpp.de
|
Dä Artikel basiert uff ere fräie Übersetzig vu dere Version vum Artikel „Christina_Stumpp“ vu de dütsche Wikipedia. E Liste vu de Autore un Versione isch do z finde. |