Hoochschuel fir effetligi Verwaltig un Finanze Ludisburg

D Hoochschuel fir effetligi Verwaltig un Finanze (HVF) isch e intärni Hoochschuel vum Land Baade-Wiirtebäärg z Ludisburg. Ire internazionaale Name isch University of Applied Sciences – Ludwigsburg. D Hoochschuel dient derzue, Beamti vum ghoobene Verwaltigsdienscht uuszbilde. Näb dr Hoochschuel Ludisburg het au d Hoochschuel z Kääl där Zwäck. Boodi Hoochschuele sin Fachhoochschuele.

Hochschule für öffentliche Verwaltung und Finanzen
Logo
Gründig 1. Septämber 1999
Drägerschaft staatli
Ort Wappen Ludwigsburg.svg Ludisburg
Bundesland Baden-Württemberg Bade-Wirttebärg
Land DeutschlandDeutschland Dytschland
Räkter Wolfgang Ernst
Studänt*ene 2.706 WS 2017/18[1]
Mitarbeiter*ne 389[2]
drvo Profässer*ne 77[3]
Website www.hs-ludwigsburg.de

GschiichtBearbeite

Anne 1837 isch z Wiirtebäärg dur dr Cheenig Wilhelm I. d Dienschtpriefig fir Verwaltigsämter im Departement vum Innere yygfiert woore. Wu d Priefigskandidaate iiri Chänntniss häär ghaa hän, isch ine aafangs asälber iberloo bliibe. Ab 1887 sin staatligi Unterriichtskiirs z Stuegert yygfiert woore, wu ab 1913 obligatoorisch woore sin. Us däm Staatlige Unterriichtskuurs fir Verwaltigskandidaate het si ab 1933 di Heecher Verwaltigsschuel Stuegert entwicklet. Noch em Zweete Wältchrieg isch die 1945 in Staatliche Verwaltungsschule Stuttgart umgnännt woore. In ere Iibergangsfaase zwische 1971 un 1973 isch si wider in Höhere Verwaltungsschule Stuttgart zruggnännt woore. Ab 1971 isch d Jägerstraße 58 z Stuegert zum Hauptsitz woore. Zum 1. April 1973 isch d Schuel in dr Hoochschuelberyych yygliideret woore, dodermit isch si in Fachhochschule für öffentliche Verwaltung Stuttgart umgnännt woore. Ab 1979 hän d Absolvänte*ne dr Titel Diplom-Verwaltungswirt (FH) gfiert. Anne 1980 sin zue dr bishäärige Beamte*ne vu dr Inneverwaltig au d Studänte*ne vu dr Allgmaine Finanzverwaltig in Leerbedriib yygliideret woore. 1984 het d Hoochschuelwäg dr Ruumnoot fir di all mee Studänte*ne uf Ludisburg mieße umzie. Des isch gege dr Wiiderstand vu Dozänte*ne un Studänte*ne gschääne, wu d Hoochschuel in dr Landeshauptstadt hän welle halte. Ab doo het si Fachhochschule für öffentliche Verwaltung Stuttgart mit Sitz in Ludwigsburg ghaiße. Si dailt si syterhär mit dr Pedagoogische Hoochschuel Ludisburg ai Campus. Anne 1989 het mer dr Name an dr nei Standoort aabasst un ab 1995 het si Fachhochschule Ludwigsburg – Hochschule für öffentliche Verwaltung ghaiße. Dur d Zämeleegig vu dr Hoochschuel fir effetligi Verwaltig (FHöV) un fir Finanze (FHF) am 1. Septämber 1999 isch schließli d Hochschule für öffentliche Verwaltung und Finanzen Ludwigsburg entstande.

Räkter*neBearbeite

  • 1992–2005: Jost Goller
  • 2005–2011: Walter Maier
  • 2012–2015: Claudia Stöckle
  • syt 2016: Wolfgang Ernst

StuudiegängBearbeite

  • Grundständigi Stuudiegäng mit Beamtestaatus
    • Inneverwaltig (Public Management) / Bachelor of Arts (B.A.)
    • Ränteversiicherig / Bachelor of Laws (LL.B.)
    • Allgmaini Finanzverwaltig / Bachelor of Laws (LL.B.)
    • Styyr- un Wiirtschaftsräächt (Styyrverwaltig) / Bachelor of Laws (LL.B.)
  • Ufböu- un Kontaktstuudiegäng ooni Beamtestaatus
    • Masterstuudiegang Europäisch Verwaltigsmanagement, Master of Arts
    • Masterstuudiegang Public Management (fir Fierigschreft im effetlige Säkter), näb em Beruef, Master of Arts
    • Kultuurmanagement (Magischter- un Kontaktstuudium in Zämenaarbet mit dr Pedagoogische Hoochschuel Ludisburg)
    • Kommunaale Bilanzbuechhalter

Paartnerhoochschuele (Uuswaal)Bearbeite

  • South Central University for Nationalities, Wuhan, Provinz Hubei, China
  • Technische Universiteet Gabrowo, Bulgarie
  • Babeș-Bolyai-Universiteet Cluj, Rumänie
  • Escola Galega de Administración Pública, Santiago de Compostela, Spanie
  • Noordelijke Hogeschool, Thorbecke Academie, Leeuwarden, Niiderlande
  • Fachhoochschuel Legnica, Pole
  • Stolypin-Akademy vum Wolgabiet fir dr Staatsdienscht, Saratow, Russland

WeblinkBearbeite

FueßnoteBearbeite

  1. Studierende an Hochschulen Wintersemester 2017/2018, Statistisches Bundesamt, Wiesbaden, Artikelnummer. 2110410187004
  2. Personal an Hochschulen 2017, Statistisches Bundesamt, Wiesbaden, Artikelnummer. 2110440177004
  3. Personal an Hochschulen 2017, Statistisches Bundesamt, Wiesbaden, Artikelnummer. 2110440177004

Koordinate: 48° 54′ 30,2″ N, 9° 10′ 47,9″ O

  Dä Artikel basiert uff ere fräie Übersetzig vu dere Version vum Artikel „Hochschule_für_öffentliche_Verwaltung_und_Finanzen_Ludwigsburg“ vu de dütsche Wikipedia. E Liste vu de Autore un Versione isch do z finde.