Freii Hoochschuel Stuegert

Di Frei Hoochschuel Stuegert – Seminaar fir Waldorfpedagoogik isch e privaati Hoochschuel mit Stuudiegäng fir d Uusbildig vu Leerer*ne an Waldorfschuele. Si isch anne 1999 as wisseschaftligi Hoochschuel staatli anerkännt woore.

Freie Hochschule Stuttgart – Seminar für Waldorfpädagogik
Logo
Gründig 1928
Drägerschaft privat
Ort Coat of arms of Stuttgart.svg Stuegert
Bundesland Baden-Württemberg Bade-Wirttebärg
Land DeutschlandDeutschland Dytschland
Studänt*ene 215 WS 2014/15
Profässer*ne ca. 30
Website www.freie-hochschule-stuttgart.de

GschiichtBearbeite

Anne 1928 het di Frei Hoochschuel Stuegert mit dr seminaristische Uusbildig vu Waldorfleerer*ne aagfange. Di eerscht Waldorfschuel het ire Unterriicht unter dr Laitig vum Rudolf Steiner im Septämber 1919 uf dr Uhlandsheechi z Stuegert aagfange. Fir d Waldorfpedagoogik,w u si schnäll uusbraiter het, hän erfaareni Waldorfleerer dermit aagfange, Kiirs im Sinn vum erziejerische Aasatz vu dr Waldorfschuele aazbiete.

Nodäm si anne 1938 dur d Nazionaalsozialischte zwangswyys zuegmacht wooren isch[1] sin d Wyterbildigskiirs 1945 wider ufgnuu woore. Di Frei Hoochschuel isch bis in d 1970er Joor di ainzig soonig Uusbildigsstell fir Waldorfpedagoogik z Dytschland gsii. Näb dr poschtgraduale Uusbildige isch 1973 en grundständige Stuudiegang fir Klasseleerer*ne an Waldorfschuele yygriichtet woore. 1983 isch s Aagebot um Uusbildigskiirs fir Ooberstapfleleerer*ne uusgwytet woore. Us dr langjeerige Zämenaarbet mit em Eurythmeum Stuttgart isch d Eurythmyleerer*ne-Uusbildig gwagse.

AnerkännigBearbeite

Syter 1999 sin di grundständig Uusbildig fir Klasseleerer*ne an Waldorfschuele un di Ufböu- un Ergänzigsstuudiegäng vum Wisseschaftsminischterium Baade-Wiirtebäärg uubfrischtet staatli anerkännt. Fir di seminaristische Uus- un Wyterbildigskiirs isch s Seminaar fir Waldorfpedagoogik e Heecheri Fachschuele.

Im Rame vum Bologna-Prozäss vu dr Europäische Union het di Frei Hoochschuel Stuegert in dr Joor 2009 bis 2011 iri bishäärige Diploom-Stuudiegäng in modularisierti Bachelor- bzw. Master-Stuudiegäng umgwandlet un akkreditiere loo.

StuudiegängBearbeite

  • Bachelor "Waldorfpedagoogik" (Bachelor of Arts, 3 Joor)
  • Master "Klasse- un Fachleerer*i in dr Waldorfschuel" (konsekutiv) (Master of Arts, 2 Joor)
  • Master "Klasse- un Fachleerer*i in dr Waldorfschuel" (nit konsekutiv) (Master of Arts, 2 Joor)
  • Master "Oberstapfleleerer*i in dr Waldorfschuel" (Master of Arts, 3 Semeschter)
  • Bachelor "Eurythmy mit pedagoogischer Basisqualifikazioon" (in Kooperazioon mit em Eurythmeum Stuegert) (Bachelor of Arts, 4 Joor)
  • Master "Eurythmypedagoogik" (in Kooperazioon mit em Eurythmeum Stuegert) (Master of Arts, 1 Joor)
  • Seminaaruus- un -wyterbildig fir "Fachleerer*ne an Waldorfschuele" (fir Främdsprooche, Gaarteböu, Handaarbet, Bildendi Chunscht, Musik, Spoort, Wäärche) (2–3 Joor)

WeblinkBearbeite

FueßnoteBearbeite

  1. Hartwig Schiller: Physiognomie der Lehrerbildung: Menschen, Ideen und Praxis an der Freien Hochschule Stuttgart. Stuttgart o. J., ISBN 978-3940606-17-4

Koordinate: 48° 46′ 56″ N, 9° 11′ 32,2″ O

  Dä Artikel basiert uff ere fräie Übersetzig vu dere Version vum Artikel „Freie_Hochschule_Stuttgart“ vu de dütsche Wikipedia. E Liste vu de Autore un Versione isch do z finde.