Duali Hochschuel Bade-Wirtebärg Hoedna

Di Dual Hochschuel Bade-Wirttebärg Hoedna (dt. Duale Hochschule Baden-Württemberg Heidenheim, ängl. Baden-Wuerttemberg Cooperative State University) isch ain vu dr Standort vu dr Duale Hochschuel Bade-Wirttebärg. Si isch anne 1976 as Ussestell vu dr Beruefsakademy Stuegert mit 38 Studiänte*ne, dodervy 15 im Beraich Tächnik un 23 im Beraich Wirtschaft, grindet wore. Dodermit isch si no dr Grindige in dr Wirtschaftszäntre Mannem un Stuegert anne 1974 un no dr Grindig vun ere Beruefsakademy-Ussestell z Villinge-Schwenninge anne 1975 di zwoot Beruefsakademy usserhalb vu dr Balligszäntre. Syt em 1. Oktober 1979 isch d Beruefsakademy Hoedna sälbschtändig. Zum 1. Merz 2009 isch si Dail vu dr Duale Hochschuel Bade-Wirttebärg wore.

Duale Hochschule Baden-Württemberg Heidenheim
Logo
Gründig 2009, as Beruefsakademy 1976
Drägerschaft staatli
Ort Hoedna
Bundesland Bade-Wirttebärg
Land Dytschland
Räkter Rainer Przywara[1]
Studänt*ene 2.350 (WS 2019/2020)[2]
Mitarbeiter*ne 130
drvo Profässer*ne 60 (hauptamtli)[3]
Website www.heidenheim.dhbw.de
Standort Marienstraße 20 in Heidenheim.jpg

GschichtBearbeite

S Studienaagebot vu dr Beruefsakademy Hoedna isch anne 1977 um dr Studieberaich Sozialwäse uusgwytet. Aktuäll wären an dr DHBW Hoedna Bachelor-Abschliss in iber 20 Studiegäng un -richtige aabote.[4] S Studienangebot umfasst d Studieberaich Gsundhait, Sozialwäse, Tächnik un Wirtschaft. An dr Duale Hochschuel Bade-Wirttebärg Hoedna sin ca. 2400 Studänte*ne immatrikuliert.

Im Juli 2010 isch zum eemolige Zollamt uf dr „Gleisharfe“ ne sibesteckige Neiböu derzue chuu. Dr Campus isch in dr Nechi vum Bahnhof un vu dr Innsstadt.

Dur e Bschluss vu dr Kultusminischterkumferänz sin akkreditierti Bachelorabschliss vu dr Beruefsakademie vum Hochschuelrächt här dr akademische Bachelor-Grad vu Uniwersitete un Fachhochschuele glychgstellt wore. Mit em neie Status un dr Positionierig as Duali Hochschuel Bade-Wirttebärg het mer si ne zuesätzlige Vordail versproche. Syter 2010 bietet d Dual Hochschuel näb em Bachelor au Master-Studiegäng aa. Noch em duale Konzäpt sin d Master-Studiegäng uusschließli näb em Beruef organisiert.

ZulossigBearbeite

Voruussetzig fir s Studium isch e Studieverdrag mit eme Partnerunternäme bzw. ere soziale Yyrochtig,wu kooperiert. Derzue brucht mer s Abitur oder s Fachbitur. S gälte di nämlige Zuelossigsvoruussetzige wie an Uniwersitete. Bim Fachabitur cha s syy, ass mer e Tescht fir d Ufnahm an dr DHBW mueß mache, ass mer cha studiere an dr Duale Hochschuel Bade-Wirttebärg. Unter bstimmte Voruussetzige derfe au bsundersch qualifizierti ohni Fachbitur, aber mit ere Wyterbildig as Maischter, Tächniker un Fachwirt an dr Hochschuele z Bade-Wirttebärg zuegloo.

Johr Zahl vu dr Studänte*ne [5]
2018 2400
2010 1660
2005 1240
1976 38

StudieaagebotBearbeite

S Studienaagebot vu dr Duale Hochschuel Bade-Wirttebärg Hoedna isch in di vier Studieberaich Wirtschaft, Tächnik, Sozialwäse un Gsundhait glideret. Aabot wäre die Studiegäng un Verdiefigsrichtige:

Studieberaich WirtschaftBearbeite

  • BWL-Bank
  • BWL-Marketing Management
  • BWL-Digital Commerce Management
  • BWL-Digital Business Management
  • BWL-Handel
  • BWL-Induschtry
  • BWL-International Business
  • BWL-Versicherig
  • BWL-Spedition, Transport un Logischtik
  • Wirtschaftsinformatik

Studieberaich TächnikBearbeite

  • Studiegang Informatik mit d Studierichtige
    • Induschtriälli Automatisierig
    • Informationsmanagement un -sischtem
    • Allgmaini Informatik
  • Studiegang Maschineböu mit dr Studierichtige
    • Produktionstächnik
    • Konschtruktion un Entwicklig
    • Allgmaine Maschineböu, Schwärpunkt Mechatronik
  • Studiegang Wirtschaftsingenieurwäse mit dr Studierichtige
    • Innovations- un Produktmanagement
    • Vernetzti digitali Sischte - Prozessmanagement
    • Produktion un Logischtik
    • Tächnische Verdrib
    • International tächnisch Projäktmanagement
    • Chemy- un Verfahrestächnik

Studieberaich SozialwäseBearbeite

  • Studierichtig Soziali Arbet mit eltere Mänsche/Burgerschaftlig Engaschmänt
  • Studierichtig Case Management im Sozial- un Gsundhaitswäse
  • Studierichtig Chinder- un Jugedhilf
  • Studierichtig Soziali Dienscht vu dr Juged-, Sozial- un Familiehilf
  • Studierichtig Sozialmanagement
  • Studierichtig Governance vu Sozialer Arbet (Master)

Studieberaich GsundhaitBearbeite

  • Aagwändti Gsundhaits- un Bfläägwisseschafte
  • Aagwändti Hebammewisseschaft
  • Interprofessionälli Gsundhaitsversorgig
  • Medizintächnischi Wisseschafte

WeblinkBearbeite

FueßnoteBearbeite

  1. Neuer Rektor Rainer Przywara im Interview (Stand 20. Oktober 2017).
  2. Bachelor-Studierenden aller DHBW Standorte. Abgruefen am 23. Juli 2020.
  3. Zahlen und Fakten auf dhbw.heidenheim.de (Stand: 10. Januar 2018).
  4. Informationstag zum Dualen Studium an der DHBW, uf swp.de
  5. Die Zahle cheme vu www.dhbw-heidenheim.de: Zahlen und Fakten (abgruefen am 6. Merz 2019).
  Dä Artikel basiert uff ere fräie Übersetzig vu dere Version vum Artikel „Duale_Hochschule_Baden-Württemberg_Heidenheim“ vu de dütsche Wikipedia. E Liste vu de Autore un Versione isch do z finde.