German Graduate School of Management and Law

German Graduate School of Management and Law
Aktivität	2005 – 2021
Drägerschaft	privat
Ort	Heilbronn
Bundesland	Bade-.Wirttebärg
Land	Dytschland
Studänt*ene	141 (WS 2019/20)
Mitarbeiter*ne	50 (WS 2019/20)
drvo Profässer*ne	30 (WS 2019/20)
Website	www.ggs.de

D German Graduate School of Management and Law gGmbH (GGS; bis 2009 heilbronn business school, hbs) isch e 2005 grindeti privati, staatlig anerkännti Stiftigshochschuel z Haalbrunn gsii, wu vu dr Dieter-Schwarz-Stiftig gferderet woren isch. Si het fir Hochschuelabsolvänte*ne Master-Studiegäng näb em Beruef aabote. D GGS het bis 2021 dr Studiebedrib unter irer Firmierig furtgfiert un isch druf in dr TU München ufgange.

Dialäkt: Undermarkgreflerisch

Gschicht ändere

D heilbronn business school isch anne 2005 as privati Hochschuel vu dr Dieter-Schwarz-Stiftig grindet wore. Dr Studiebedrib het mer zerscht sichergstellt mit Masterstudiegäng vu Partnerhochschuelet. Im Oktober 2006 het s MBA-Programm vu dr hbs un dr Masterstudiegang Business Law (LL.M.) aagfange.

D hbs isch am 7. Juli 2006 vum dytsche Wisseschaftsrot as Inschtituzion akkreditiert wore. Syt em 18. Juli 2006 isch si ne vum Land Bade-Wirttebärg staatlig anerkännti Fachhochschuel gsii.

Am 16. Juni 2009 isch d Hochschuel in German Graduate School of Management and Law umgnännt wore. Im April 2011 isch s Graduiertekolleg "Dynamic Capabilities and Relationships" zäme mit dr wirtschaftswisseschaftlige Fakultet vu dr Europa-Uniwersitet Viadrina Frankfurt (Oder) grindet wore.

Dur dr Wisseschaftsrot isch d German Graduate School of Management and Law im Septämber 2013 uf zeh Johr reakkreditiert wore.

Im Zug vu dr Ibernahm dur d TU München 2021 het d GGS dr operativ Bedrib yygstellt.

Organisation ändere

D GGS het fir Hochschuelabsolwänte*ne e Masterstudium näb em Beruef mit ere Duur vu vier Semeschter (18 bis 24 Monet) aabote. D Studiegäng hän als am Wuchenänd stattgfunde.

Im Oktober 2006 het s MBA-Programm un dr Masterstudiegang Business Law (LL.M.) aagfange. Insgsamt het d Hochschuel acht Masterstudiegäng aabote.

Syt 2008 het d GGS in dr Executive Education Furtbildigsaagebot in dr Beraich Wirtschaft un Rächt aabote. S Programm isch us speziäll kunzipierte Inhouse-Schuelige fir ainzelni Unternäme, uffigi Seminar wie s Leadership Certificate un d Raie Women in Management un au Vordragsraie bstande.

Presidänt vu dr Hochschuel isch vu Juli 2008 bis 30. Juni 2009 dr Thomas Armbrüster gsii. Vu Juli 2009 bis Juli 2011 hän dr Dirk Zupancic (Chief Executive Officer) un dr Tomás Bayón (Academic Dean) zäme d GGS glaitet. Vu Juli 2011 bis Dezämber 2016 isch dr Dirk Zupancic Presidänt un Gschäftsfierer gsii.^[2]^[3] D Zämenarbet mit dr Zupancic het ufghert, wu d Dieter-Schwarz-Stiftig entschide het, ass e staatligi Uniwersitet am Bildigscampus soll aagsidlet wäre, wu d GGS langfrischtig het solle din ufgoh.^[4] Vu Jänner 2017 bis zue dr Uflesig vu dr GGS 2021 het dr Tomás Bayón d GGS as Vorstand vu dr Hochschuel un ellainige Gschäftsfierer glaitet. D GGS isch schließli im TUM Campus Haalbrunn ufgange.

Studienaagebote ändere

Master of Business Administration (MBA) in General Management
Master of Laws (LL.M.) in Business Law
M.Sc in Business Management, ab 2007 in Kooperazion mit dr Leeds University Business School, vorhär zäme mit dr University of Glamorgan
Master of Science (M.Sc.) in Management Schwärpunkt Dienschtlaischtigsmanagement
M.Sc. in Management Schwärpunkt Handelslogischtik
M.Sc. in Management Schwärpunkt Innovazions- un Tächnologymanagement
M.Sc. in Management Schwärpunkt Verdribsmanagement
M.Sc. in Management (Vollzyt)

Brofässer ändere

Tomás Bayón
Daniel Benkert
Gerd Hahn
Martin Schulz
Christopher Stehr
Heinz-Theo Wagner

Weblink ändere

Offiziälli Websyte

Fueßnote ändere

↑ ^1,0 ^1,1 ^1,2 Statistische Berichte Baden-Württemberg, Statistisches Landesamt Baden-Württemberg, Artikel-Nr. 3234 20001 B III 1 - j/20 (Memento vom 19. Jänner 2021 im Internet Archive)
↑ Neuer Name und neue Chefs. In: Heilbronner Stimme. 5. Juni 2009 (uf stimme.de [abgerufen am 21. Juni 2009]).
↑ Heilbronn: Private Hochschule will mehr Aufmerksamkeit. In: Heilbronner Stimme. 16. Juni 2009 (uf stimme.de [abgerufen am 21. Juni 2009]).
↑ Stuttgarter Nachrichten, Stuttgart, Germany: Hochschulstreit: Präsident wirft hin: Heilbronn soll Universitätsstadt werden. In: stuttgarter-nachrichten.de. (stuttgarter-nachrichten.de [abgerufen am 29. Oktober 2017]).

49.1471599.218452Koordinate: 49° 8′ 49,8″ N, 9° 13′ 6,4″ O

Universitete un Hochschuele z Bade-Wirttebärg


Staatligi Universitete	Friburg • Haidelberch • Haalbrunn • Hoohoem • Kallsruh • Konschtanz • Mannem • Stuegert • Dibenga • Ulm
Privati Universitete	Friedrichshafe
Pedagogischi Hochschuele	Friburg • Haidelberch • Kallsruh • Ludigburg • Gmend • Waegaade
Chunschthochschuele (inkl. Musikhochschuele)	Friburg • Haidelberch • Kallsruh (Musik, Bildendi Chinscht, Gstaltig) • Ludisburg (Filmakademi, Darstellendi Chunscht) • Mannem (Musik un Darstellendi Chunscht, Popakademi) • Rauteburg • Gmend • Stuegert (Musik un Darstellendi Chunscht, Bildendi Chinscht) • Drossenga • Dibenga
Staatligi (Fach-)Hochschuele	Albstadt-Semmerenga • Bibra • Esslenga • Furtwange • Haalbrunn • Kallsruh • Kähl • Konschtanz • Ludisburg • Mannem (HS, HdBA) • Nirtenga-Geislenga • Offeburg • Oole • Pforze • Raveschburg-Waegaade • Reitlenga • Rauteburg • Schwetzinge • Stuegert (HfT, HdM) • Ulm • Villinge-Schwenninge
Chilchligi un Privati (Fach-)Hochschuele	Calb • Friburg (EH, HKDM, KH) • Hailbrunn • Haidelberch (Fresenius, SRH, HfJS) • Isny • Kallsruh • Konschtanz • Liabazell • Ludisburg • Mannem • Reitlenga • Riedlenga • Stuegert (AKAD, Freii HS, media, Merz, VWA, HfK+G, Macromedia)
Duali Hochschule Bade-Wirttebärg	Haalbrunn • Hoedna • Kallsruh • Löörech • Mannem • Mosbach • Raveschburg • Stuegert • Villinge-Schwenninge

Dä Artikel basiert uff ere fräie Übersetzig vu dere Version vum Artikel „German_Graduate_School_of_Management_and_Law“ vu de dütsche Wikipedia. E Liste vu de Autore un Versione isch do z finde.

[STATBW-1] 1,0 ^1,1 ^1,2 Statistische Berichte Baden-Württemberg, Statistisches Landesamt Baden-Württemberg, Artikel-Nr. 3234 20001 B III 1 - j/20 (Memento vom 19. Jänner 2021 im Internet Archive)

[2] Neuer Name und neue Chefs. In: Heilbronner Stimme. 5. Juni 2009 (uf stimme.de [abgerufen am 21. Juni 2009]).

[3] Heilbronn: Private Hochschule will mehr Aufmerksamkeit. In: Heilbronner Stimme. 16. Juni 2009 (uf stimme.de [abgerufen am 21. Juni 2009]).

[4] Stuttgarter Nachrichten, Stuttgart, Germany: Hochschulstreit: Präsident wirft hin: Heilbronn soll Universitätsstadt werden. In: stuttgarter-nachrichten.de. (stuttgarter-nachrichten.de [abgerufen am 29. Oktober 2017]).

[1]

[2]

[3]

[4]