Evangelischi Hochschuel fir Chilchemusik Dibenga

Evangelischi Hochschuel fir Chilchemusik Dibenga
Gründig	1945
Drägerschaft	chilchli
Ort	Dibenga
Bundesland	Bade-Wirttebärg
Land	Dytschland
Rektor	Thomas Johannes Mandl
Studänt*ene	23 (SoSem 2021)
Mitarbeiter*ne	31
Website	www.kirchenmusikhochschule.de

Di Evangelisch Hochschuel fir Chilchemusik Dibenga (dt. Evangelische Hochschule für Kirchenmusik Tübingen) isch e chilchemusikalischi Schuel vu dr Evangelische Landeschilche z Wirttebärg. Si isch e staatli anerkännti Musikhochschuel.

Gschicht

D Dibenger Hochschuel fir Chilchemusik vu dr Evangelische Landeschilche Wirttebärg isch anne 1998 us dr Hochschuel fir Chilchemusik z Esslenga firigange, wu scho 1945 as Chilchemusikschuel grindet woren isch. Dozänte us dr Grindigszyt vu dr Esslenger Chilchemusikhochschuel, wu mer chännt, sin dr Hans-Arnold Metzger, dr Karl Gerok, dr Helmut Bornefeld un dr Hermann Stern gsii. Z Esslenga sin Chorlaiter, Organischte un Kantore vor allem fir dr chilchli Dienscht uusbildet wore. D Uusbildige sin in dr Regle abgschlosse wore mit em chilchemusikalische A-Exame, mit em B-Exame un anderen sonige Abschliss. D Esslenger Chilchemusikhochschuel isch anne 1989 zur Hochschuel fir Chilchemusik ghobe wore. 1995 isch si di erscht Hochschuel z Dytschland gsii, wu s Fach Jazz- un Popularmusik in dr Fächerkanon vum Chilchemusikstudium ufgnuu het. D Hochschuel isch im Spotjohr uf Dibenga umzoge un isch syter anne 2009 e staatli anerkännti Musikhochschuel in dr Dregerschaft vu dr Chilche.^[1]

Gebei

„Schwabenhaus“, friejer s Corpshuus vu dr Suevia Dibenga, hite Sitz vu dr Hochschuel

D Hochschuel isch syter 1998 im „Schwabenhaus“ z Dingena unterbrocht, wu anne 1899 böue wore isch. Des Huus het friejer dr Studänteverbindig „Suevia“ ghert un isch e dänkmolgschitzt Gebei an dr linke Syte vum Necker (Gartenstraße 12). Dert stehn dr Studänte*ne un Dozänte*ne unter anderem fimf Orgele, fimf Fligel, acht Klavier, drei Cembali, verschideni Keyboard, Gsangsaalag, Mischpult un Computerarbetsplätz zum Arrangiere un Tonmischle z Verfiegig. D Hochschuel fir Chilchemusik isch mit dr Chilchemusikalische Zäntralbibliothek mit iber 70.000 Medie d Härbärg vu aire vu dr greschte chilchemusikalische Note-, Biecher- un CD-Sammlige vu Dytschland.

Vum Spotjohr 2015 bis zum Friejohr 2017 isch s Hochschuelgebei generalsaniert wore. Anne 2019 het d Hochschuel fir Chilchemusik Dibenga e Neiböu vun ere norddytsche Barockorgele iberchuu, wu 2020 zum 75-jehrige Bstoh vu dr Hochschuel yygweit woren isch.^[2]

Profil

An dr Hochschuel fir Chilchemusik wäre näb dr grundständige Studiegäng Bachelor Chilchemusik B un Bachelor Popular-Chilchemusik B e Masterstudium Chilchemusik A, e Master Chilchligi Popularmusik u au ne Studium KA Orgele (Chinschtlerischi Uusbildig) aabote.

D Hochschuel lait große Wärt uf e chinschtlerisch aaspruchsvolli un gmainochi Uusbildig. D Uusrichtig vu dr Hochschuel zaigt si in dr Uusbildig zue qualifizierte Chinderchorlaiter*ne un Vokalpedagoge*ne mit em hochschuelaigene Chinderchor Tübinger Kinderkantorei un Fächer wie Gmaisinge, Liturgisch Singe, Bleser- un Posuunechorarbet, Jazz- un Popularmusik. D Studänte*ne kriege ne bsundersch indiwiduälli Ferderig dur e hochi Bedreiigsdichti an Dozänte*ne un e bewusst evangelischi Bregig, bsundersch iber d Arbet in dr theologische Fächer un dur e gottesdienschtli Läbe an dr Hochschuel.

Die Hochschuel fir Chilchemusik Dibenga schafft mit andere Uusbildigsyyrichtige un Partner zäme. Mit dr Kadolischen Hochschuel fir Chilchemusik Rauteburg bflägt me syter 1998 e bundeswyit aimoligi ekumenischi Kooperation uf Uusbildigsebeni. S git gmainsami Lehrveraastaltige, dr gmainsam Hochschuelchor un Megligkaite fir e Lehrer*ne-Wägsel iber d Hochschuele ewäg. Anderi Kooperatione git s mit dr Hochschuel fir Chilchemusik Haidelberch un em traditionsryche Evangelische Stift Dibenga, wu di wirttebärgische Theologe*ne uusbildet wäre. Dr Unterricht im Fach Musikgschicht bsueche d Studänte*ne am musikwisseschaftlige Inschtitut vu dr Uniwersitet Dibenga.

D Stiftschilchegmai St. Georg stellt dr Hochschuel d Stiftschilche un di groß Weigle/Rensch-Orgele fir Kunzärt un Briefige z Verfiegig. Dr Stiftskantor Ingo Bredenbach un dr Stiftsorganischt Jens Wollenschläger unterrichte an dr Hochschuel Orgeleliteraturspiil un Improvisation.

Dr Verband Evangelischi Chilchemusik z Wirttebärg macht s dr Studänte*ne megli, bi gmainsame Kirs un Workshop mitzmache, au s Posuunewärch vum Evangelische Jugedwärch vu dr Wirttebärgische Landeschiklche un musik+plus mache sonigi Kirs.

Lyt

Laitig

Evangelischi Hochschuel fir Chilchemusik Esslenga:

1945–1977 Hans-Arnold Metzger
1977–1990 Werner Schrade
1990–1998 Gero Soergel

Evangelischi Hochschuel fir Chilchemusik Dibenga:

1998–2009 Ingo Bredenbach
2010–2019 Christian Fischer
seit 2020 Thomas J. Mandl

Dozänte*ne

Yaeko Albrecht – Gherbildig
Guillermo Anzorena – Gsang
Patrick Bebelaar – Jazzpiano, Popularmusik
Tobias Becker – Arrangement, Bandlaitig, Jazz-/Pop-Musiktheory, Elektronischi Medie/Tächnik, Jazz-/Pop-Piano
Ingo Bredenbach – Orgele, Orgeleimprovisation
Barbara Bürkle – Jazz-/Popgsang
Frieder Dehlinger – Hymnology, Liturgik, Theologischi Grundlage, Gmainsinge / Liturgisch Singe
Ulrike Eberle – Horn
Johannes Fiedler – Cembalo, Generalbass, Orgele
Barbara Friebel – Gsang
Andreas Grau – Klavier
Ulrike Härter – Gsang/Chinderstimmbildig
Franz Jochen Herfert – Tonsatz, Partiturspiel
Martin Kaleschke – Orgele, Orgeleimprovisation, Orgelekund
Julian Knörzer – Chorlaitig (Jazz/Pop/Gospel)
Bernhard Leube – Gmaisinge, Liturgisch Singe
Marius Mack – Chorlaitig, Orcheschterlaitig
Thomas J. Mandl (Räkter) – Chorlaitig, Ensemblelaitig
Johannes Mayr – Orgele, Orgeleimprovisation
Manuela Nägele – Chinderchorlaitig, Laitig Dibenger Chinderkantorei
Albrecht Schuler – Posuune, Trumpete
Johanna Pommranz – Blockflete
Axel Schwesig – Kontrabass
Veronika Stoertzenbach – Chorlaitig, Orcheschterlaitig
Helmut Völkl – Musikwisseschaft
Marion Wetzel – Schlagzyg
Jens Wollenschläger (Proräkter) – Orgele, Orgeleimprovisation, Orgelemethodik

(Stand: Juli 2021)^[3]

Uusgläseni Absolwänte*ne

Manfred Brandstetter
Paul Horn
Johanna Irmscher
Friedemann Keck
Rose Kirn
Nicol Matt
Manfred Müller-Cant
Siegfried Petrenz
Edgar Rabsch
Martin Rößler
Ulrich Schaible
Burghard Schloemann
Werner Schrade
Manfred Schreier
Rainer Selle
Ulrich Siegele
Eckhard Weyand
Friedemann Johannes Wieland

Literatur

Vorlesungs- und Namensverzeichnis der Hochschule für Kirchenmusik Tübingen
Kirchenmusik als Erbe und Auftrag: Festschrift zum 50-jährigen Bestehen der Hochschule für Kirchenmusik Esslingen der Evangelischen Landeskirche in Württemberg, Herausgeber: Helmut Völkl, carus-Verlag 1995
1945–2015 Festschrift 70 Jahre Hochschule für Kirchenmusik Tübingen, 2015
Sesquialtera – Festschrift zur Einweihung der neuen Ahrend-Orgel im Februar 2020

Weblink

Commons: Evangelische Hochschule für Kirchenmusik Tübingen – Sammlig vo Multimediadateie

Fueßnote

↑ Konservatorien, Musikakademien, Kirchenmusikhochschulen und weitere kirchliche Ausbildungsstätten, abgruefen am 30. Oktober 2019.
↑ Die Hochschule für Kirchenmusik erhält eine neue Orgel, abgruefen am 30. Oktober 2019.
↑ Lehrende der Hochschule kirchenmusikhochschule.de, abgruefen am 10. Juli 2021.

Universitete un Hochschuele z Bade-Wirttebärg


Staatligi Universitete	Friburg • Haidelberch • Haalbrunn • Hoohoem • Kallsruh • Konschtanz • Mannem • Stuegert • Dibenga • Ulm
Privati Universitete	Friedrichshafe
Pedagogischi Hochschuele	Friburg • Haidelberch • Kallsruh • Ludigburg • Gmend • Waegaade
Chunschthochschuele (inkl. Musikhochschuele)	Friburg • Haidelberch • Kallsruh (Musik, Bildendi Chinscht, Gstaltig) • Ludisburg (Filmakademi, Darstellendi Chunscht) • Mannem (Musik un Darstellendi Chunscht, Popakademi) • Rauteburg • Gmend • Stuegert (Musik un Darstellendi Chunscht, Bildendi Chinscht) • Drossenga • Dibenga
Staatligi (Fach-)Hochschuele	Albstadt-Semmerenga • Bibra • Esslenga • Furtwange • Haalbrunn • Kallsruh • Kähl • Konschtanz • Ludisburg • Mannem (HS, HdBA) • Nirtenga-Geislenga • Offeburg • Oole • Pforze • Raveschburg-Waegaade • Reitlenga • Rauteburg • Schwetzinge • Stuegert (HfT, HdM) • Ulm • Villinge-Schwenninge
Chilchligi un Privati (Fach-)Hochschuele	Calb • Friburg (EH, HKDM, KH) • Hailbrunn • Haidelberch (Fresenius, SRH, HfJS) • Isny • Kallsruh • Konschtanz • Liabazell • Ludisburg • Mannem • Reitlenga • Riedlenga • Stuegert (AKAD, Freii HS, media, Merz, VWA, HfK+G, Macromedia)
Duali Hochschule Bade-Wirttebärg	Haalbrunn • Hoedna • Kallsruh • Löörech • Mannem • Mosbach • Raveschburg • Stuegert • Villinge-Schwenninge

48.5191666666679.06Koordinate: 48° 31′ 9″ N, 9° 3′ 36″ O

Dä Artikel basiert uff ere fräie Übersetzig vu dere Version vum Artikel „Evangelische_Hochschule_für_Kirchenmusik_Tübingen“ vu de dütsche Wikipedia. E Liste vu de Autore un Versione isch do z finde.

[1] Konservatorien, Musikakademien, Kirchenmusikhochschulen und weitere kirchliche Ausbildungsstätten, abgruefen am 30. Oktober 2019.

[2] Die Hochschule für Kirchenmusik erhält eine neue Orgel, abgruefen am 30. Oktober 2019.

[3] Lehrende der Hochschule kirchenmusikhochschule.de, abgruefen am 10. Juli 2021.

[1]

[2]

[3]