Hoochschuel fir Foorschtwiirtschaft Rauteburg

Hochschule für Forstwirtschaft Rottenburg
Motto	Nah dran. Weit voraus.
Gründig	1954; (syt 1979 Fachhoochschuel)
Drägerschaft	staatli
Ort	Rauteburg
Bundesland	Bade-Wirttebärg
Land	Dytschland
Räkter	Bastian Kaiser
Studänt*ene	1.100 WS 2019/20
Mitarbeiter*ne	110
drvo Profässer*ne	31
Website	www.hs-rottenburg.net

Di Hoochschuel fir Foorschtwiirtschaft Rauteburg (HFR) isch e staatligi Hoochschuel fir aagwändti Wisseschafte z Rauteburg. Ziil vu dr insgsamt aacht Stuudiegäng isch e noohaltig Management bi dr Nutzig vu natyyrlige Ressource.

Dialäkt: Undermarkgreflerisch

Gschiicht ändere

Anne 1954 het s Land Baade-Wiirtebäärg im Schadenweilerhof bi Rauteburg e Foorschtschuel grindet, wu 1979 in d Fachhoochschuel fir Foorschtwiirtschaft umgwandlet wooren isch. Zeerscht het d Fachhoochschuel nume as „verwaltungsinterne Ausbildungsstätte“ fir Foorschtbeamti vum ghoobene Foorschtdienscht vu dr Länder Baade-Wiirtebäärg, Ryyland-Bfalz, Saarland un dr Bundesvermeegesverwaltig dient. Syter 1995 isch d Hoochschuel effetli zuegängli.

Im Februar 2006 het d Hoochschuel fir Foorschtwiirtschaft zum eerschte Mool s Predikaat Offiziäll Projäkt vu dr Wältdekaad „Bildig fir noohaltigi Entwicklig“ dur di Dytsch UNESCO-Kummissioon iiberchuu. D Wältdekaad isch e Projäkt vu dr Verainte Nazioone mit em Ziil, d Wäärt un Prinzipie vu dr noohaltige Entwicklig in dr Erzieig un Bildig wältwyt z integriere. S Projäkt het 2005 aagfange un 2014 ufgheert. S Predikaat „Offiziäll Projäkt vu dr Wältdekaad“ wird fir zwai Joor vergee. 2014 het di Dytsch Deutsche UNESCO- Kummissioon entschiide, as d HFR no 2006, 2008, 2010 un 2012 au fir s Joor 2014 Projäkt vu dr Wältdekaad blybt. Dodermit gheert d Hoochschuel zue dr weenige Projäkt, wu syter 2006 luckeloos vu dr UNESCO uuszaichnet woore sin.^[3]

Im April 2008 isch d Hoochschuel Gwiineri vum Wettbewäärb „Profil und Kooperation – Exzellenzstrategien für kleine und mittlere Hochschulen“ gsii, wu dur dr Stifterverband fir di Dytsch Wisseschaft un d Heinz Nixdorf Stiftig uusgschriibe wird.

Schadenweilerhof ändere

Schadenweilerhof

Schadenweilerhof, Dooryyfaart

D Hoochschuel isch im Schadenweilerhof, rund zwee Kilomeeter siidli vu dr Stadt in dr Neechi vum Rammert. Do isch bis ins 15. Joorhundert s Doorf Schadenweiler gsii, wu um 1100 em Chlooschter Hirsau gstiftet wooren isch. S Doorf isch im 15. Joorhundert verschwunde. Anne 1570 isch do uf em Baan dur d Heere Werner vu Themar en Aadelssitz böue woore. Bi re Belaagerig isch dr Aadelssitz im 17. Joorhundert fascht vollständig gschlisse woore. Speeter isch er in Bsitz vum Spitaal un dr Stadt Rauteburg iibergange. Dr Hoof isch e baar Mool abbrunne.

In dr Zyt vum Nazionaalsozialismus isch s SA-Hoochschuelamt Dibenga Päächter vum Hoof gsii un het deert e SA-Schuel yygriichtet. Noch em Änd vum Zweete Wältchrieg het s Guet as Unterchumft fir franzeeesischi Soldaate dient.

Stuudiegäng ändere

B.Sc. Foorschtwiirtschaft
B.Sc. Erneierbaari Energie
B.Sc. Ressourcemanagement Wasser
B.Sc. Holzwiirtschaft
B.Sc. Noohaltig Regionaalmanagement
M.Sc. SENCE (Sustainable Energy Competence, Noohaltigi Energywiirtschaft un -tächnik)
M.Sc. Ressourceeffiziänt Böue
M.Sc. Foorschtwiirtschaft

Uuszaichnige ändere

2006/2007: Projäkt vu dr Wältdekaad „Bildig fir noohaltigi Entwicklig“
2008: Gwinner vu dr Exzellänziniziatiiv „Profil un Kooperazioon“
2008/2009: Projäkt vu dr Wältdekaad „Bildig fir noohaltigi Entwicklig“
2010/2011: Projäkt vu dr Wältdekaad „Bildig fir noohaltigi Entwicklig“
2012/2013: Projäkt vu dr Wältdekaad „Bildig fir noohaltigi Entwicklig“
2014: Projäkt vu dr Wältdekaad „Bildig fir noohaltigi Entwicklig“
2016: Fairtrade University

Alumni ändere

Peter Wohlleben (* 1964), Feerschter un Buechautoor, eemoolige Voorsitzer vu dr ANW (Landesgruppe RLP)

Weblink ändere

Fueßnote ändere

Universitete un Hochschuele z Bade-Wirttebärg


Staatligi Universitete	Friburg • Haidelberch • Haalbrunn • Hoohoem • Kallsruh • Konschtanz • Mannem • Stuegert • Dibenga • Ulm
Privati Universitete	Friedrichshafe
Pedagogischi Hochschuele	Friburg • Haidelberch • Kallsruh • Ludigburg • Gmend • Waegaade
Chunschthochschuele (inkl. Musikhochschuele)	Friburg • Haidelberch • Kallsruh (Musik, Bildendi Chinscht, Gstaltig) • Ludisburg (Filmakademi, Darstellendi Chunscht) • Mannem (Musik un Darstellendi Chunscht, Popakademi) • Rauteburg • Gmend • Stuegert (Musik un Darstellendi Chunscht, Bildendi Chinscht) • Drossenga • Dibenga
Staatligi (Fach-)Hochschuele	Albstadt-Semmerenga • Bibra • Esslenga • Furtwange • Haalbrunn • Kallsruh • Kähl • Konschtanz • Ludisburg • Mannem (HS, HdBA) • Nirtenga-Geislenga • Offeburg • Oole • Pforze • Raveschburg-Waegaade • Reitlenga • Rauteburg • Schwetzinge • Stuegert (HfT, HdM) • Ulm • Villinge-Schwenninge
Chilchligi un Privati (Fach-)Hochschuele	Calb • Friburg (EH, HKDM, KH) • Hailbrunn • Haidelberch (Fresenius, SRH, HfJS) • Isny • Kallsruh • Konschtanz • Liabazell • Ludisburg • Mannem • Reitlenga • Riedlenga • Stuegert (AKAD, Freii HS, media, Merz, VWA, HfK+G, Macromedia)
Duali Hochschule Bade-Wirttebärg	Haalbrunn • Hoedna • Kallsruh • Löörech • Mannem • Mosbach • Raveschburg • Stuegert • Villinge-Schwenninge

48.4580555555568.9441666666667Koordinate: 48° 27′ 29″ N, 8° 56′ 39″ O

Dä Artikel basiert uff ere fräie Übersetzig vu dere Version vum Artikel „Hochschule_für_Forstwirtschaft_Rottenburg“ vu de dütsche Wikipedia. E Liste vu de Autore un Versione isch do z finde.

[1] Statistisches Bundesamt: Studierendenzahlen Studierende und Studienanfänger/-innen nach Hochschularten, Ländern und Hochschulen, WS 2012/13, S. 66–113)

[2] Professuure an dr Hoochschuel fir Foorschtwiirtschaft Rauteburg

[3] Aigebriicht vu dr Hoochschuel zum Wältdekaad-Projäkt

[1]

[2]

[3]