Hochschuel fir Wirtschaft un Umwält Nirdenga-Geislenga

D Hochschuel fir Wirtschaft un Umwält Nirdenga-Geislenga (dt. Hochschule für Wirtschaft und Umwelt Nürtingen-Geislingen, churz HfWU) isch e staatligi Hochschuel (University of Applied Science) z Bade-Wirttebärg mit Standort z Nirdenga un z Geislenga.

HfWU
Gründig	15. Novämber 1949
Drägerschaft	staatlich
Ort	Nirdenga, Geislenga
Bundesland	Bade-Wirttebärg
Land	Dytschland
Räkter	Andreas Frey
Studänt*ene	5.603 (WS 2020/21)
Mitarbeiter*ne	423 (WS 2019/20)
drvo Profässer*ne	186 (WS 2019/20)
Website	www.hfwu.de

Dialäkt: Undermarkgreflerisch

Sitz vu dr Hochschuel un Standort vu dr Fakultet Agrarwirtschaft, Volkswirtschaft un Management

Gschicht

Am 15. Novämber 1949 isch d Vorgängeryyrichtig vu dr HfWU as „Hecheri Buureschuel“ („Höhere Landbauschule“) grindet wore. Grindigsdiräkter isch dr Johannes Knecht gsii. Mit drei hauptamtlige Dozänte un 40 Studänte het mer in dr eerschte Johr aagfange, e neii Art vu dr landwirtschaftlige Uusbildig z etabliere. Unter em zweete Diräkter Eduard Nohe sin 1970/71 d Studiegäng Landespfläg un Bedribswirtschaft yygrichtet wore, 1972 isch d Bildigsyyrichtig dur e Gsetz vum 8. Februar 1972 in d Fachhochschuel Nirdenga (Fachhochschule Nürtingen) umgwandlet wore. Vu April 1977 bis Augschte 2002 het dr Eduard Mändle as Räkter d Nirdenger Fachhochschuel gfiert. Wun er pänsioniert woren isch, isch er dr dienschteltscht Hochschuelräkter vu dr Bundesrepublik gsii. No ihm isch dr Klaus Fischer fir segs Johr as Räkter vu dr Fachhochschuel chuu. Im Septämber 2007 het dr Werner Ziegler as Räkter sy Noofolg aadrätten. Un noch em Ziegler het am 1. Septämber 2013 dr Andreas Frey s Amt ibernuu, wu vu dr Hochschuel Osnabrück an d HfWU chuu isch.

D Fachhochschuel Nirdenga het anne 1988 z Geislenga en zweete Standort mit dr Studiegäng Automobilwirtschaft, Wirtschaftsrächt, Immobiliewirtschaft, Gsundhaits- un Turismusmanagement un Energy- un Recyclingmanagement iberchuu. Dert het s rund 1800 Studieblätz. Mit em neie Landeshochschuelgsetz vum 5. Jänner 2005 het dr Senat in dr Grundornig dr Name „Hochschule für Wirtschaft und Umwelt Nürtingen-Geislingen“ bstimmt.

Anne 2009 sin alli Aktivitete im Beraich „Internationals Finanzwäse“ in dr European School of Finance (ESF) zämegfasst wore. D ESF umfasst dr Bachelorstudiegang Internationals Finanzmanagement un au dr Masterstudiegang International Finance mit allne Lehr- un Forschigsaktivitete. Im Rame vum Bologna-Prozäss fir d Internazionalisierig vu dr Studienabschliss sin alli Diplomstudiegäng in Bachelor-Studiegäng umgwandlet wore. Syt em 11. Novämber 2015 sin di wirtschaftswisseschaftlige Studiegäng in dr School of International Finance at HfWU bindlet. D SIF het dodermit d ESF abglest un alli Studiegäng im Beraich Finance un Bedribswirtschaft zämegfiert. Syter anne 2018 wären alli effetlige Veraastaltige vu dr SIF in Zämearbet mit em Börseclub vu dr HfWU, em Effäkte Parkett, umgsetzt. Dr Name fir die Veraastaltigsraie isch SIF MATTERS POWERED BY EP. Der Leitspruch der SIF Studierenden, "Ewig Fragende sollt Ihr sein!", was an s lääbeslang Leere soll mahne un an s wunderfitzig blybe. Syt em 1. Februar 2020 isch d SIF in di International School of Finance (ISF) iberglaitet wore fir e sterkeri Uusrichtig uf Internazionalitet. Dr Name un dr Laitspruch vu dr Veraastalige het mer bhalte.

Hite het d HfWU näb dr Agrarwirtschaft aini vu dr greßere wirtschaftswisseschaftlige Fakultete z Bade-Wirttebärg. Am 24. April 2012 het d Hochschuel zäme mit irem AN-Inschtitut, em Europäische Inschtitut fir Financial Engineering un Derivatforschig (EIFD), dr Bildigsprys 2011 vu dr Bildigsstiftig iberchuu fir e Projäkt, wu s um lääbeslanges Leere in Verbindig mit neie Lehrmethode gangen isch, e Dailprojäkt vum Certified Financial Engineer Programm.

Im Friejohr 2019 het d Zytig Wirtschaftswoche d HfWU as aini vu dr beschte Hochschuele vu Dytschland ufzellt. Im Ranking vu dr bedribswirtschaftlige Studiegäng isch d HfWU unter dr Top 10 glischtet gsii.

Syter 2012 het d HfWU mit em Bodesee Campus au ne Standort z Konschtanz un bietet dert d Bachelorstudiegäng Gsundhaits- un Turismusmanagement un Sport- un Eventmanagement aa.

D HfWU het Kuntakt zue iber 100 Partneruniwersitete wältwyt. Näb em stark internazional uusgrichtete Profil, isch vor allem di noohaltig Lehr un Forschig seli wichtig an dr HfWU. D Hochschuel posiozioniert si scho syt vyl Johr as Modällhochschuel fir noohaltigi Entwicklig. E Zacihe doderfir isch, ass HfWU scho ne baar Mol doderfir u Bundesebeni uuszaichnet woren isch.

Integrazion vu dr Hochschuel fir Chunschttherapy

Am 21. Merz 2016 isch mit dr Unterzaichnig vun eme Vertrag zwisch em Land Bade-Wirttebärg, dr Stiftig fir Chunscht un Chunschttherapy Nirdenga un dr HfWU d Hochschuel fir Chunschttherapy (dt. Hochschule für Kunsttherapie Nürtingen, churz HKT) integriert wore. D Studiegäng vu dr HKT (Chunschttherapy un Theatertherapy) sin an dr Fakultet Landschaftsarchitäktur, Umwält- un Stadtplanig (FLUS) aagsidlet wore. Drotz dr Integrazion in d HfWU wird d Dregerstiftig vu dr HKT wytergfiert.

Studium

Studiegäng

Bachelor

• Agrarwirtschaft (B.Sc.)
• Automobil- un Mobilitetswirtschaft (B.Sc.)
• Bedribswirtschaft (B.Sc.)
• Gsundhaits- un Turismusmanagement (B.A.)
• Immobiliewirtschaft (B.Sc.)
• Internationals Finanzmanagement (B.Sc.)
• Chunschttherapy (B.A.)
• Landschaftsarchitäktur (B.Eng.)
• Landschaftsplanig un Naturschutz (B.Eng.)
• Noohaltigb Management – Energywirtschaft / Produktmanagement / Ressourcewirtschaft (B.Sc.)
• Rosswirtschaft (B.Sc.)
• Stadtplanig (B.Eng.)
• Theatertherapy (B.A.)
• Volkswirtschaftslehr (B.Sc.)
• Wirtschaftspsichology (B.Sc.)
• Wirtschaftsrächt (LL.B.)

Master

• Automobil- un Mobilitetsmanagement (M.Sc.)
• Controlling (M.A.)
• Immobiliemanagement (M.Sc.)
• International Finance (M.Sc.)
• International Management (MBA)
• International Master of Landscape Architecture (M.Eng.)
• Chunschttherapy (M.A.)
• Noohaltigi Agrar- un Ernehrigswirtschaft (M.Sc.)
• Organisazionsdesign (M.A.)
• Prozässmanagement (näb em Beruf) (M.Sc.)
• Stadt Landschaft Transformation (M.Eng.)
• Sustainable Mobilities (M.Sc.)
• Umwältschutz (M.Eng.)
• Unternämesfierig (M.Sc.)
• Unternämesreschtrukturierig un Insolwänzmanagement (LL.M.)

Extärni Studieprogramm

Bachelorprogramm

• Automotive and Mobility Business (B.Sc.)
• Bedribswirtschaft (B.A.)
• Business Management (B.A.)
• Gsundhaits- un Turismusmanagement (B.A.)
• Chunschttherapy (B.A.)
• Sport- un Eventmanagement (B.A.)
• Wirtschaftspsichology (B.Sc.)

Masterprogramm

• Aagwändti Anthropology (M.Sc.)
• Applied Quantitative Finance (MBA)
• Automotive and Mobility Management (M.Sc.)
• Digital Management, Marketing & Sales / Digital Business, Management & Leadership (MBA)
• Leadership and Sports Management (VfB-Master) (MBA)
• Internationals Projäktmanagement un Agils Projäkt- un Transformazionsmanagement] (MBA)
• Internationals Sportmarketing (MBA)
• International Tourism Management (MBA)
• Management and Finance / Real Estate / Production / Communication (MBA)
• Prozässmanagement (M.Sc.)
• Transformazionsdesign & Management (M.Sc.)
• Zuechumftstränd un Noohaltig Management (MBA)
• Unternämesfierig un Entrepreneurship (MBA)
• Verchehrs-, Strof- un Versicherigsrächt (LL.M.)
• Wirtschaftspsichology & Leadership / Business Transformation / Human Resource Management (M.Sc.)

(Stand: Wintersemeschter 2021)

B.A. = Bachelor of Arts, B.Sc. = Bachelor of Science, B.Eng. = Bachelor of Engineering, LL.B. = Bachelor of Laws, M.A. = Master of Arts, M.Sc. = Master of Science, M.Eng. = Master of Engineering, LL.M. = Master of Laws, MBA = Master of Business Administration.

Inschtitut un Forschig

S Inschtitutszäntrum fir Aagwändti Forschig (Institutszentrum für Angewandte Forschung, IAF) isch e zäntrali wisseschaftlifgi Yyrichtig vu dr Hochschuel. Iber s IAF wäre aawändigsorientierti Forschigs- un Entwickligsprojäkt un Dienschtlaischtigsufdreg im Rame vum Bildigsufdrag vu dr Hochschuel duregfiert. S IAF drait doderby zue dr interdisziplinere Zämenarbet vu dr Profässer*ne byy, unterstitzt si bi dr Yywärbig vu Drittmittelprojäkt un hilft ene bi dr Abwicklig un Koordinazion vu Forschigs- un Entwickligsprojäkt un Dienschtlaischtigsufdreg.

Dodriber uuse git s verschideni Fach-Inschtitut vu dr Hochschuel:

• Inschtitut fir Aagwändti Agrarforschig (IAAF)
• Inschtitut fir Automobilwirtschaft (IfA)
• Inschtitut fir Corporate Governance (ICG)
• Inschtitut fir Forschig un Entwicklig in dr Chinschtlerische Therapie (IKTn)
• Institute for International Research on Sustainable Management and Renewable Energy (ISR)
• Inschtitut fir Landschaft un Umwält (ILU)
• Inschtitut fir Stadt un Immobilie (ISI)
• Inschtitut fir noohaltigi Immobiliebewirtschaftig (IfnI)

An dr HfWU git s derzue An-Inschtitut, wu aigeständig gforscht wird:

• Inschtitut fir Finanzmanagement an dr HfWU Nirdenga-Geislenga
• Digital Business Institute
• European Institute of Quantitative Finance
• Inschtitut fir forensisch Sachverständigewäse (IfoSA)
• Inschtitut fir Kooperazionswäse (IfK)
• Inschtitut fir modärni Managemententwickig (ifmme)
• Inschtitut fir Stadt- un Regionalentwicklig (IfSR)
• Inschtitut fir wärtzäntriert Management (IWM)
• Inschtitut vu dr Wohnigswirtschaft (IWO)

(Stand Wintersemeschter 2021)

Standort

• Nirdenga: D HfWU het z Nirdenga verschideni Standort un fascht dr ganz Innestadtberaich zellt zum Campus. Dr historisch Altböu im Stadtchärn bstoht us verschidene Verwaltigs- un Vorläsigsgebei (CI1-7) un isch Härbärg fir d Mensa un au fir d Bibliothek. 300 Meter nerdli dervu isch s Fakultets- un Heersaalgebei vu dr Fakultet Bedribswirtschaft un Internazionali Finanze (CI10). Zum Campus Innestadt zellt au s Gebei CI11, wu in dr Hauptsach di therapeutische Studiegäng din unterbrocht sin. Im Sidoschte vu dr Stadt isch dr Campus Braike. In sällem Klinkerböu finde d Vorläsige vu dr Fakultet Umwält Gstaltig Therapy statt. Derzue isch dert näb dr Modällböuwärchstatt, em GIS-Labor un Computerryym au d Bibliothek vu dr Fakultät unterbrocht.
• Mit em Hofguet z Dachahausa het d Hochschuel au ne landwirtschaftlige Lehr- un Versuechsbedrib un mit em Hof Jungborn im Tiefenbachtal e Bedrib, wu in dr Hauptsach brucht wird fir dr Studiegang Rosswirtschaft.
• Geislenga: D HfWU isch z Geislenga mit dr Studiegäng vu dr Fakultet Wirtschaft un Rächt verdrätte. Di vier Gebei vu dr Hochschuel ligen alle in dr Nechi vum Bahnhof.
• Konschtanz: D Wyterbildigsakademy (WAF) vu dr HfWU bietet syter 2012 mit em Bodesee Campus z Konschtanz d Bachelorstudiegäng Gsundhaits- un Turismusmanagement un Sport- un Eventmanagement aa.

(Stand Summersemeschter 2020)

Diräkter bzw. Räkter

• Johannes Knecht (1904–1990), Agrarekonom un Grindigsdiräkter (1949–1968)
• Eduard Nohe (1911–1984), Agrarwisseschaftler un Räkter (1968–1973)
• Paul Eugen Bauer, Räkter (1973–1977)
• Eduard Mändle (1936–2013), Wirtschaftswisseschaftler un Räkter (1977–2001)
• Klaus Fischer, Räkter (2002–2007)
• Werner Ziegler (* 1950), Wirtschaftswisseschaftler un Räkter (2007–2013)
• Andreas Frey (* 1967), Wirtschaftswisseschaftler un Räkter (syt 2013)

Dozänte*ne un Absolwänte*ne, wu mer chännt

• Stefan Detscher (* 1980), dytsche Profässer fir Bedribswirtschaftslehr mit Fachschwärpinkt Digital Management un Digital Marketing
• Georg Erhardt (* 1950) dytsche Agrarwisseschaftler un Viidokter
• Georg Gallus (1927–2021), dytsche Agraringenieur un Staatssekreter im Landwirtschaftsminischterium z Bonn 1976–1993
• Herbert Henzler (* 1941), Unternämesberoter, syt 2021 Ehresenator der HfWU
• Gerhard Knecht (1942–2020). dytsche Agrarwisseschaftler, Profässer un Proräkter an dr HfWU
• Konstanze Krüger (* 1968), dytschi Zoologi un Verhaltesforscheri
• Rolf Kosiek (* 1934), dytsche Publizischt
• Markus Mändle (* 1967), dytsche Wirtschaftswisseschaftler, Profässer un Proräkter an dr HfWU
• Hosam el Miniawy (* 1976), dytsche Bolitiker (FDP)
• Carola Pekrun (* 1963), dytschi Pflanzeböuwisseschaftleri un Proräkteri an dr HfWU
• Dieter Rebitzer (* 1965), dytsche Finanzwisseschaftler in dr Immobiliewirtschaft
• Rüdiger Reinhardt (* 1960), dytsche Psicholog, Profässer fir Wirtschaftspsichology un Empirischi Forschig
• Judit Varga (* 1980), Bolitikeri (Fidesz), ungarischi Juschtizminischteri
• Joachim Rukwied (* 1961) dytsche Buur un Bresidänt vum Dytsche Buureverband
• Konrad Reidl (* 1952), dytsche Ekolog, Profässer fir Vegetazions- un Standortkund un aturschutz
• Felix Schreiner (* 1986), dytsche Bolitiker (CDU)
• Heinrich Otto Schüle (* 1963), dytsche Agrarekonom, Profässer fir Bedribswirtschaft an dr HfWU
• Franz Untersteller (* 1957), dytsche Bolitiker (Bindnis 90/Di Griene), Umwältminischter z Bade-Wirttebärg 2011–2021

Literatur

• Eduard Mändle: Fachhochschule Nürtingen: 50 Jahre. Sonderband der Nürtinger Hochschulschriften Nr. 2-1999, herausgegeben von Karl-Heinz Kappelmann, Nürtingen 1999. ISBN 3-9801864-6-6
• Andreas Frey: Hochschule für Wirtschaft und Umwelt Nürtingen Geislingen, Jahresbericht 2019, September 2020

Weblink

• Offiziälli Websyte

Fueßnote

0V Universitete un Hochschuele z Bade-Wirttebärg

48.627369.337585

Dä Artikel basiert uff ere fräie Übersetzig vu dere Version vum Artikel „Hochschule_für_Wirtschaft_und_Umwelt_Nürtingen-Geislingen“ vu de dütsche Wikipedia. E Liste vu de Autore un Versione isch do z finde.