Christine Lambrecht
D Christine Lambrecht (* 19. Juni 1965 z Mannem) isch e dytschi Bolitikeri (SPD). Vum 8. Dezämber 2021 bis zum 19. Jänner 2023 isch si Bundesminischteri vu dr Verdaidigung im Kabinett Scholz gsii. Noch ere lengere medialer Kritik an ire Amtsfierig het si aim 16. Jänner 2023 drum bätte, ass si as Minischteri entloo wird.
_(cropped).jpg)
Vu Juni 2019 bis Dezämber 2021 sich si Bundesminischteri vu dr Juschtiz un fir Verbruucherschutz un vu Mai bis Dezämber 2021 au Bundesminischteri fir Familie, Seniore, Fraue un Juged im Kabinett Merkel IV gsii. Vu 2011 bis 2013 isch d Lambrecht stellverdrättendi Fraktionsvorsitzeri un vu Dezämber 2013 bis Septämber 2017 erschti Barlemäntarischi Gschäftsfiereri vu dr SPD-Bundestagsfrakzion gsii. Vu Merz 2018 bis Juni 2019 isch si Barlemäntarischi Staatssekreteeri bim Bundesminischter vu dr Finanze gsii.
Familie, Uusbildig un Beruef
ändereD Christine Lambrecht isch e Dochter vu dr Karin un em Günther Lambrecht. Si isch z Mannem uf d Wält chuu un z Viernheim ufgwagse.[1] Dert isch si uf d Albertus-Magnus-Schuel gange un het anne 1984 ire Abitur gmacht. Derno het si an dr Uniwersitete Mannem un Mainz Rächtswisseschafte studiert un het 1992 s Erscht juristisch Staatsexame abglai. Noch em Rächtsreferändariat am Landgricht Darmstadt het si an dr Dytsche Hochschuel fir Verwaltigswisseschafte Speyer anne 1995 e Ufböustudiegang zur Magistra vu dr Verwaltigswisseschafte abgschlosse un im nämlige Johr di Zwoot Staatsbriefig gmacht. Dernpo het d Lambrecht as sälbschtändigi Rächtsaawälti z Viernheim gschafft. Derzue het si bis 1998 as Dozänti fir Handels- un Gsellschaftsrächt an dr Beruefsakademy Mannem glehrt.
D Lambrecht isch vu 2015 bis 2019 mit em SPD-Bolitiker un ehmolige Bundesdagsabgornete] Hans-Joachim Hacker ghyrote gsii. Mit ihm het si ne Suhn, wu anne 2000 uf d Wälkt chuu isch.[2] Si isch evangelisch-lutherischer Konfession.[3]
Bolitik
ändereAnne 1982 isch d Lambrecht in d SPD yydrätte un isch vu 1985 bis 2001 Mitglid vu dr Stadtverorneteversammlig Viernheim gsii, vu 1997 bis 2001 isch si Vorsitzeri dervu gsii. Vu 1989 bis 1997 isch si au Mitglid vum Kraisdag vum Landkrais Bergstraße gsii.
Vu 1998 bis 2021 isch d Lambrecht Mitglid vum Dytsche Bundesdag gsii. Aafangs (1998 un 2002) het si s Diräktmandat im Wahlkrais Bergstraße gwunne, derno (2005, 2009, 2013 un 2017) isch si iber d Landeslischt in Bundesdag yyzoge. Zue dr Bundesdagswahl 2021 isch si nimi aadrätte.[4]
In ire erschte Legislaturperiod (1998–2002) isch si Mitglid im Rächts-, Sport- un Untersuechigsuusschuss gsii. Derzue het si si im Arbeitskrais vu dr SPD-Bundestagsfrakzion zur Umsetzig vum Atomuusstig engaschiert. In dr Frakzion het si dr Barlemäntarische Linke aaghert.[5]
In dr 15. Legislaturperiod vum Bundesdag (2002–2005) isch d Lambrecht Mitglid vum Rächtsuusschuss un Sprächeri fir Wahlbreifig, Immunitet un Gschäftsornig gsii. Derzue isch si stellverdrättendi rächtsbolitischi Sprächerin vu dr SPD-Bundesdagsfrakzion gsii. In dr Wahlperiod druf (2005–2009) isch d Lambrecht Mitglid im Elteschterot vum Dytsche Bundesdag gsii.
Vu 2009 bis 2011 isch si rächtsbolitischi Sprächerin vu dr SPD-Bundesdagsfrakzion gsii. Im April 2011 isch si derno zur stellverdrättende Vorsitzeri vu dr SPD-Bundesdagsfrakzion gwehlt wore un isch syt Mai 2011 derzue im Vermittligsuusschuss verdrätte gsii.
No dr Bundesdagswahl 2013 un dr Koalizionsverhandlige zwische SPD un CDU/CSU isch d Lambrecht im Dezämber 2013 mit 95,1 Brozänt vu dr SPD-Bundesdagsfrakzion zur Erschte Barlemäntarische Gschäftsfiereri vu dr Frakzion gwehlt wore.
Vu 2007 bis 2017 isch si Vorsitzeri vum SPD-Unterbezirk Bergstraße un Mitglid vum Landesvorstand vu dr SPD Hessen gsii un vu 2009 bis 2019 stellverdrättendi Vorsitzeri vum SPD-Bezirk Hessen-Süd.[6]
Anne 2019 isch si Noofolgeri vu dr Katarina Barley as Bundesjuschtizminischteri wore.[7] Wu d Franziska Giffey as Bundesminischteri fir Familie, Seniore, Fraue un Juged entloo woren isch, het d Lambrecht am 20. Mai 2021 au des Ressort ibernuu.
Uf Vorschlag vum Bundeschanzler Olaf Scholz het dr Bundesbresidänt Frank-Walter Steinmeier d Lambrecht am 8. Dezämber 2021 zur Bundesminischteri vu dr Verdaidigung im Kabinett Scholz ernänntr. Im Jänner 2023 isch si as Verdaidigungsminischteri zruggdrätte.[8] Si isch si meefach fir iri Amtsfierig kritisiert wore.
Ire Noofolger asd Verdaidigungsminischter isch dr Boris Pistorius wore.
Gsellschaftli Engaschmänt
ändereVu 2010 bis 2018 isch d Lambrecht ehrenamtligi Vizebresidänti vu dr THW-Bundesverainigung gsii.[9]
Weblink
ändere
Commons: Christine Lambrecht – Sammlig vo Multimediadateie- Christine Lambrecht – Bundesministerin der Verteidigung uf dr Websytevu dr Bundesregierig
- Biographie beim Deutschen Bundestag
- Christine Lambrecht uf abgeordnetenwatch.de
- Christine Lambrecht in der Internet Movie Database
Fueßnote
ändere- ↑ Trauerportal Archiv - Mannheimer Morgen. Abgruefen am 1. Januar 2022.
- ↑ www.taz.de.
- ↑ Biographie beim Deutschen Bundestag
- ↑ Christine Lambrecht kandidiert nicht mehr für den Bundestag. In: Der Spiegel, 7. Septämber 2020.
- ↑ Mitglieder der Parlamentarischen Linken. Abgruefen am 9. Juni 2018.
- ↑ Christine Lambrecht, MdB. Bundesministerium für Finanzen, 14. März 2018, abgruefen am 26. April 2019.
- ↑ BMJV begrüßt neue Ministerin. Bundesministerium der Justiz und für Verbraucherschutz, 27. Juni 2019. Abgerufen am 21. Mai 2021.
- ↑ Juri Auel, Martin Tofern, Mike Szymanski: Verteidigungsministerin Lambrecht will offenbar kommende Woche zurücktreten. In: Süddeutsche Zeitung. Abgruefen am 13. Januar 2023.
- ↑ Führungswechsel bei der THW-Bundesvereinigung. In: Bundesanstalt Technisches Hilfswerk. 17. April 2018, abgruefen am 16. August 2019.