Cornelia Boesch
D Cornelia Boesch (* 7. Juni 1975)[1], siit ihre Hochziit äigetlich Cornelia Wild, isch e Schwiizer Färnsähjournalistin und Moderatorin vo de Tagesschau.
Si hät ihri Karriere als Redaktorin bim Radio Zürisee aagfange, wo si föif Jahr defür gschaffet hät. Dena isch si zue Radio Z gwächslet und isch na Reporterin bim Radio DRS 1 worde. Ab Juli 2004 hät si für s Schwiizer Färnsäh gschaffet und hät dört d Nachtuusgab vo de Tagesschau moderiert. Siit Septämber 2005 moderiert si als Stellverträtterin au d News-Sändig 10vor10, zum erschte Mal isch si dört iigsprunge für d Susanne Wille i de Ziit vo däre ihre Babypause.[2] Im Summer 2011 isch d Boesch Moderatorin vo de Hauptuusgab vo de Tagesschau worde.[3]
Privat singt d Cornelia Boesch siit de 1990er Jahr i de Bluesband Soul Jam. Si isch siit 2011 ghirate mit em Thomas Wild, em Musikchef vo Radio SRF Musikwelle. Si hät mit ihrem Maa ne Suhn und läbt mit ihre Familie z Züri.[4][5]
Fuessnote
ändere- ↑ Schweizer Familie: Das sagen Ihre Sterne Archivlink (Memento vom 28. Novämber 2014 im Internet Archive). Schweizer Familie 23/2014, S. 86
- ↑ Schweizer Fernsehen. Cornelia Boesch moderiert «10vor10» (Site cha nüme abgrüeft wärde; Suche im Webarchiv) . Prässemittäilig vom 5. Septämber 2005
- ↑ Tages-Anzeiger. Christine Maier neu bei «10vor10», Cornelia Boesch bei der «Tagesschau» (Memento vom 29. Novämber 2014 im Internet Archive). 8. Juni 2011
- ↑ Stefan Büsser: Moderatorin Cornelia Boesch: Nach «10 vor 10» geht die Musik ab. Blick, 27. Oktober 2005
- ↑ Sie heisst Wild und ist lockig. Blick, 10. Novämber 2014
|
Dä Artikel basiert uff ere fräie Übersetzig vu dere Version vum Artikel „Cornelia_Boesch“ vu de dütsche Wikipedia. E Liste vu de Autore un Versione isch do z finde. |