Hutzla

Dialäkt: Schwäbisch

Hutzla (döörti Bire schwizertütsch, Kletze im bairisch-östriichische Sprochruum) send Bira, mo mr trocknat hot. Se werdat zom Beispierl en dr Schwäbischa Kiche verwendet.

Hutzla em Lada

Nama

Dr Nama kommt aus em mittelhochdeutsch "verhützeln" ond moint "kloi werra".

Bschreibong

Zu Hutzla nemmt mr kloine Bira, wo ma net gern isst, beischbielsweis Holzbira, Palmischbira (Würteberg) oder d Rote Pichlbira (Oberöstriich). Vor ällem so alte Sorta, dia ma nemme apflanzt, dia aber a raues Klima guat abkennat.

Dia Birna sottet reif sei, aber net iberreif. Da Stil ond da Butza sott ma wegnemma. D Schal bleibt dra. Danoch werdet se trocknet. Am oifachsta isch, se en dr Luft z drockna, entwedr auf ara Hurt odr auf Fäda aufzoga. In dr Steiermark send früher d Birna, wo ma drus d Kletze macht, „geklözt“ (gspalte) wora, heut wörend si ganz ond samt em Stil trocknet.

Vrwendong

• Hutzelbrod
• Hutzelklös
• Hutzelsupp

Qualidäd

Wemma Hutzla selbr machat, no wois mr, dass se natierle gwachsa send ond koi Chemie druff isch. Wemma se kauft, send se oft gschwäflt, damit se bessr haltat. Manchmol wurd sogar Öl dazua geba, dami se net ananander klebat. Weisse Krischtall auf de Hutzla kommat vom Zucker.

Weblink

• Döörti Bire i de Datebank vom Kulinarische Erb vo de Schwiz