Dr Daniel Leupi (* 23. Novämber 1965 z Cham) isch e Schwiizer Politiker vo de Grüene.

Läbe ändere

Dr Leupi hät z Luzärn d Kanti psuecht und vo 1985 bis 1994 a dr Uni Bärn Wirtschaft und Geografy gstudiert. Er hät für Stedt und anderi Partner Projäkt vom Langsamvercheer duregfüert. Sid 1995 woont er z Züri.

Vo 2002 bis 2010 isch er im Zürcher Gmäindraat gsi. Am 7. Merz 2010 hät en s Stimmvolch vo dr Stadt Züri in Stadtraat gwäält. Am 17. Mai 2010 hät er s Polizeidepartemänt übernaa. Ane 2013 isch er Vorsteher vom Finanzdepartemänt worde,[1] und nach de Waale 2018 hät en dr Stadtraat i däm Amt bestätiget.

Dr Leupi isch Presidänt vom Stiftigsraat vo dr Pänsionskasse vo dr Stadt Züri, Mitgliid vom Vorstand vo Pro Natura Züri, und er isch vo 2008 bis 2011 im Vorstand vom Veräin für s Chindertheater PurPur gsi, wo a dr Grütlistraass z Züri dihäi isch.[2]

Weblink ändere

Fuessnoote ändere

  1. Limmattaler Zeitung: Daniel Leupi übernimmt Finanzdepartement
  2. Website vom Theater PurPur