Alemannische Wikipedia

Daniele Ganser

Schwizer Historiker

Dr Daniele Ganser (* 29. Augschte 1972 z Lugano) isch e Schwyzer Publizischt un Hischtoriker. Är isch vor allem bekannt wore dur e Dissertation iber e „NATO-Ghaimarmee“ un derfir, ass er Verschwerigstheoryye zum 11. Septämber 2001 ufgryft un sich doodrmit vom wisseschaftliche Konsens dischtanziert.

Daniele Ganser (2018)

Lääbe

ändere

Dr Ganser isch uf d Rudolf-Steiner-Schuel z Basel gangen un het derno 1992 d Matura am Holbein-Gimnasium gmacht.[1] Er het Militerdienscht bi dr Schwyzer Armee gleistet. Noch em Dienst het er an dr Universitete Basel un Amsterdam un an dr London School of Economics and Political Science Gschicht, Philosophy un Änglisch met Schwerpunkt Internationali Beziehige studiert[2]. Noch sym Studienabschluss 1998 het dr Ganser drei Johr z London gforscht un isch im Septämber 2001 bim Georg Kreis an dr Universitet Basel mit insigni cum laude iber s Thema NATO-Geheimarmeen und inszenierter Terrorismus in Europa im Kalten Krieg promoviert wore.[3][4]

Vu 2001 bis 2003 isch dr Ganser Senior Researcher bim wirtschaftsliberale Think Tank Avenir Suisse gsii, vu 2003 bis 2006 am Center for Security Studies vu dr ETH Züri. Vu 2007 bis 2010 het dr Ganser am Historische Seminar vu dr Universitet Basel s Forschigsprojäkt „Peak Oil“ zum globalen Kampf um Ärdel un zur Versorgigssicherhait vu dr Schwyz glaitet.[5] Är isch Mitglid im wisseschaftlige Byrot vum Wirtschaftsverband Swisscleantech.[6]

Anne 2011 het er d Aktiegsellschaft SIPER Swiss Institute for Peace and Energy Research AG grindet, wu Vordreg, Ufsetz, Biecher un Interview vun em aabietet. Vu 2012 bis 2017 isch dr Ganser Dozänt an dr Universitet St. Galle gsii.

In syre Dissertation het er d These ufgstellt, ass d Nato Ghaimorganisation gha het, wu im Fall vun ere sowjetische Invasion e Guerillachrieg hätte solle fiere. Die Ghaimarmee seie zum Dail an Staatsterrorismus bedailigt gsii. Die Theorie vum Ganser sin vu dr Bolitikwisseschaftler Philip Davies[7] un Leopoldo Nuti[8] un dr Hischtoriker Peer Henrik Hansen,[9] Olav Riste,[10] Charles G. Cogan,[11] Pascal Girard,[12] Tobias Hof[13] un Christopher Gunn[14] as Verschwerigstheorie aglueget wore.

Syt 2005 zwyflet dr Ganser di offiziälle Ursache vu dr Terroraaschleg am 11. Septämber 2001 aa. E Bedailigung vu dr US-Regierig an dr Aaschleg sei nit uuszschließe.[15] Dr Hischtoriker Carlo Moos vu dr Universitet Züri het sonigi These vum Ganser as absurd zruckgwise.[16] D Laiter vu dr ETH-Forschigsstell un dr Universitet Züri, wu dr Ganser aagstellt gsii isch, hän betont, ass em Ganser 9/11-Uussage Privatasichte seie un nit zue syne wisseschaftlige Ufgabe ghere.[17] Sy Verdrag an dr ETH Züri isch bal derno uusglofe.[3] Wu dr Ganser zum zehnte Johresdag vu dr Aaschleg anne 2011 e Gaschtvordrag an dr Universitet Basel ghalte het un s Universitetslogo derfir brucht ghaa het, het dr Rektor vu dr Universitet, dr Antonio Loprieno, em Ganser d Verwändig vum Logo un Vorläsige in dr Universitet untersait. Ass er derzue au no verpflichtet woren isch, in sym aktuälle Lehrufdrag nit uf s Thema 9/11 yyzgoh, het er 2014 as Beleg derfir ufgfiert, ass „er […] dra ghinderet wird, verdeckti Operationen ufzdecke“. Sy Yystufig as Verschwerigstheoretiker sei Diffamierig vu Kritik an de amerikanische Ussepolitik.[3]

Dr Daniele Ganser het e Dochter un e Suhn. Är läbt mit syre Familie in dr Nechi vu Basel.[18]

Publikatione (Uuswahl)

ändere
  • Reckless Gamble: The Sabotage of the United Nations in the Cuban Conflict and the Missile Crisis of 1962. University Press of the South, New Orleans 2000, ISBN 1-889431-72-9.
deutsch: Die Kubakrise – UNO ohne Chance. Edition Zeitgeschichte. Kai Homilius Verlag, Berlin 2006, ISBN 3-89706-863-X.
  • mit Uwe Wagschal, Hans Rentsch: Der Alleingang: Die Schweiz 10 Jahre nach dem EWR-Nein. Orell Füssli, Zürich 2002, ISBN 3-280-05041-3.
  • Brauchen wir eine Ökonomie des Friedens? Eine Schweizer Perspektive auf die Verbindung der Wirtschaft mit Gewaltkonflikten. In: Die Friedens-Warte 79 (2004), S. 57–74
  • NATO's secret armies. Operation Gladio and terrorism in Western Europe. Routledge, 2005, ISBN 0-7146-5607-0
deutsch: NATO-Geheimarmeen in Europa: Inszenierter Terror und verdeckte Kriegsführung. Orell Füssli, Zürich 2008, ISBN 978-3-280-06106-0
  • The "Strategy of Tension" in the Cold War Period. In: David Ray Griffin, Peter Dale Scott (Hrsg.): 9/11 and American Empire. Intellectuals Speak Out, Band 1. Olive Branch Press, Ithaca NY 2006, S. 79–99
deutsch: Die „Strategie der Spannung“ in der Zeit des Kalten Krieges, peace-press.org
  • The CIA in Western Europe and the Abuse of Human Rights. In: R. Gerald Hughes, Len Scott (Hrsg.): Intelligence, Crises and Security: Prospects and Retrospects. Routledge, 2007, ISBN 0-415-46430-7, S. 108–129 (Iigschränkti Vorschau uf books.google.de)
  • Die dunkle Seite des Westens: Verdeckte Terroraktivitäten der NATO. Kai Homilius, Berlin 2009, ISBN 978-3-89706-206-1 (Video-DVD, 60 Minuten).
  • Beyond Democratic Checks and Balances: The «Propaganda Due» Masonic Lodge and the CIA in Italy's First Republic. In: Eric Wilson (Hrsg.): Government of the Shadows: Parapolitics and Criminal Sovereignty. Pluto Press, 2009, ISBN 0-7453-2623-4, S. 256-276
  • Peak Oil: Erdöl im Spannungsfeld von Krieg und Frieden. In: Phillip Rudolf von Rohr, Peter Walde, Bertram Battlog (Hrsg.): Energie. vdf Hochschulverlag an der ETH Zürich, Zürich 2009, ISBN 978-3-7281-3219-2 (online)
  • NATO’s Secret Armies in Europe. In: Cihan Aksan, Jon Bailes (Hrsg.): Weapon of the Strong. Conversations on US State Terrorism. Pluto Press, 2012, ISBN 0-7453-3241-2
  • “America is Addicted to Oil”: U.S.Secret Warfare and Dwindling Oil Reserves in the Context of Peak Oil and 9/11. In: Eric Wilson (Hrsg.): The Dual State: Parapolitics, Carl Schmitt and the National Security Complex.Ashgate, 2012, ISBN 978-1-4094-3107-7 (4. Kapitel)
  • Europa im Erdölrausch: Die Folgen einer gefährlichen Abhängigkeit. Orell Füssli, Zürich 2012, ISBN 978-3-280-05474-1.
  • Illegale Kriege: Wie die NATO-Länder die UNO sabotieren. Eine Chronik von Kuba bis Syrien. 2. Auflage, Orell Füssli, Zürich 2016, ISBN 978-3-280-05631-8.
ändere

Fueßnote

ändere
  1. ↑ Leonie Scheidegger: Daniele Ganser. Ein ehemaliger Schüler im Portrait und Interview (Memento vom 4. Septämber 2017 im Internet Archive). In: Jahrbuch Gymnasium Leonhard 2009/2010. S. 52 f.
  2. ↑ Profil: Daniele Ganser, Center for Security Studies. Archiviert vom Original am 27. Mai 2006; abgruefen am 7. März 2017.
  3. ↑ 3,0 3,1 3,2 Andreas Maurer (Schweiz am Sonntag, 14. Februar 2015): Die Ganser-Verschwörung.
  4. ↑ Olav Riste: „Stay Behind“: A Clandestine Cold War Phenomenon. Journal of Cold War Studies 16, Heft 4 (2014), S. 37
  5. ↑ Daniele Ganser: Lebenslauf. Archiviert vom Original am 10. Juni 2016; abgruefen am 1. Dezember 2018.
  6. ↑ Swisscleantech: Wissenschafts-Beirat Archivlink (Memento vom 23. Juni 2016 im Internet Archive)
  7. ↑ Philip Davies: Review of Ganser, NATO's Secret Armies. In: Journal of Strategic Studies 28, Nr. 6, 2005, S. 1064–1068. doi:10.1080/01402390500448524.
  8. ↑ Leopoldo Nuti: The Italian 'Stay-Behind' network – The origins of operation 'Gladio'. In: Journal of Strategic Studies 30, Nr. 6, 2007, S. 955–980. doi:10.1080/01402390701676501.
  9. ↑ Peer Henrik Hansen: Daniele Ganser. NATO’s Secret Armies: Operation Gladio and Terrorism in Western Europe. Archiviert vom Original am 26. August 2007; abgruefen am 3. Juli 2016.. In: Journal of Intelligence History 5, Nr. 1, 2005, doi:10.1080/16161262.2005.10555113, S. 111; Peer Henrik Hansen: Falling Flat on the Stay-Behinds. In: International Journal of Intelligence and CounterIntelligence Band 19, Ausgabe 1, 2006, doi:10.1080/08850600500332656, S. 182–186.
  10. ↑ Olav Riste: Review of Ganser, NATO's Secret Armies. In: Intelligence and National Security 20, Nr. 3, September 2005, S. 550–551. doi:10.1080/02684520500340357; Olav Riste: „Stay Behind“: A Clandestine Cold War Phenomenon. In: MIT/Harvard Press (Hrsg.): Journal of Cold War Studies 16, Nr. 4, Herbst 2014, S. 35–59. doi:10.1162/JCWS_a_00515
  11. ↑ Charles G. Cogan: 'Stay-Behind' in France: Much ado about nothing? In: Journal of Strategic Studies 30, Nr. 6, 2007, S. 937-954. doi:10.1080/01402390701676493.
  12. ↑ Pascal Girard: Conspiracies and visions of conspiracies in France and Italy after the Second World War. In: European Review of History: Revue européenne d'histoire 15, Nr. 6, 2008, S. 749–765, hier S. 754. doi:10.1080/13507480802500707.
  13. ↑ Tobias Hof: Daniele Ganser: Nato-Geheimarmeen in Europa. In: Sehepunkte. Rezensionsjournal für die Geschichtswissenschaft. Band 9, Nr. 4, 2009
  14. ↑ Christopher Gunn: 1960 Coup in Turkey: A U.S. Intelligence Failure or a Successful Intervention? In: Journal of Cold War Studies. 17, Nr. 2, 2015, S. 103–139, doi:10.1162/JCWS_a_00550.
  15. ↑ Daniele Ganser: The "Strategy of Tension" in the Cold War Period. In: David Ray Griffin, Peter Dale Scott (Hrsg.): 9/11 and American Empire. Intellectuals Speak Out, Band 1, 2006, S. 79–99
  16. ↑ Alexander Sautter (SonntagsBlick, 17. September 2006): Verschwörungs-Theoretiker: Amerikaner wehren sich (Memento vom 24. April 2015 im Internet Archive)
  17. ↑ Christian Maurer, Andrea Bleicher: ETH und Uni gehen auf Distanz zu Verschwörungstheoretiker. In: SonntagsZeitung vom 17. September 2006, S. 7.
  18. ↑ Biografy uf dr Websyte vu dr SIPER AG
Vun "https://als.wikipedia.org/w/index.php?title=Daniele_Ganser&oldid=1032990"