Diano Marina

Diano Marina isch en italienischi Hafestadt a de ligurische Küste i de Provinz Imperia, a de Bluemeriviera, i de Nöchi vo Monaco.

Gschicht

D Umgebig vo Diano Marino isch scho i de Altstaizit bisidlet gsii. Nochdem Ligurie vo de Römer underworfe worre isch, isch de Ort as Lucus Bormani („Hain vom Bormo“) bikannt gsii. De hüttig Name het de Ort aber vo de römische Göttin Diana. Im Ort hend sich scho im 1. Jh.n. Chr. Christe niderloo. Im Mittelalter hend d Lüt vom Ort, wo Olive aabaut het, under sarazenische Pirate glitte. 1861 isch de Ort zum Königriich Italie cho. 1887 het e gwaltigs Erdbebe de Ort völig verwüestet und vili Mensche sind umcho

I de 50er Joor vom 20. Jh. hend de Selvarajan Yesudian und Elisabeth Haich e Yoga-Summerschuel z Diano Marina uftue.

Hüt isch nebetem Aabau vo Olive, Basilikum, Tomate, Frücht, Gmües und Blueme de Tourismus e wichtige Wertschaftszwiig vo Diano Marina.

Weblink

Commons: Diano Marina – Sammlig vo Multimediadateie

Websiite vo Diano Marina (uf Italienisch)