Diskussion:Pseudogottheit

dr wärt vom en ardikel über psoidogotthäite

i gsee dr grooss underschiid zwüsche götter, götze, psöidogotthäite u.s.w. nid. i verstand au nid wie s götter git wo vo forscher as echt historisch aagluegt wärde. cha öbber hälfe? Andi d (Diskussion) 08:35, 15. Apr. 2023 (MESZ)

@Andi d:

Ìch bìì kää Schpeziàlìscht, àwwer ìch hàà vìlliicht a Ärkläärung:

A „echt historischer Gott“ ìsch a Gott, wo vun’ra Religioon verehrt wìrd bzw. verehrt worra ìsch.

A „Psöidogott“ ìsch a Gott, wo vu’ma Forscher bschrììwa worra ìsch, àwwer wo tààtsachlig nia verehrt worra ìsch. Dr Forscher hàt a Fahler gmàcht un hàt domìt a Gotthait bschrììwa, wo nìt era histoorischa Verehrung äntschprìcht — zem Biischpììl wial’r a histoorischa Kwalla nìt güat verschtànda hàt.

Jetz a Biischpììl:

Dr Iuppiter ìsch a „echt historischer Gott“, wial’r vu da Reemer ìm Àltertumm verehrt worra ìsch.

D’ Ostara ìsch a „Psöidogättin“, wial sa nia vun’ra Religioon verehrt worra ìsch. Numma dr Jacob Grimm hàt sìe bschrììwa, àwwer ar hàt a Fahler gmàcht, wial’r a histoorischa Kwalla nìt güat verschtànda hàt. D’ maischta Religioonsforscher sààga, àss d’ Ostara nia vun’ra Gruppa vu Glàuiwiga verehrt worra ìsch.

Dr Unterschììd zwìscha’ma „echt historischer Gott“ un ema „Psöidogott“ kààt mànckmol unklààr sìì — zem Biischpììl bii da Religioona, womm’r nìt güat kännt, wial m’r numma weeniga Kwalla doo drìwwer hàt.

A „Götze“ ìsch noch äbbis ànderes... „Götze“ ìsch a Bezaichnung fìr a främder Gott, womm’r ìn dr aigana Religioon nìt därft vereehra. Zem Biischpììl ìsch dr Iuppiter a „Götze“ ìn da Àuiga vu da Chrìschta, àwwer ìn da Àuiga vu da Moslämer kààt àui dr Jesüs Chrìschtüs a „Götze“ sìì.

Grüass,

— Mathieu Kappler (Diskussion) 23:54, 15. Apr. 2023 (MESZ)

Ich verstoo's äänlig wie de Mathieu: E Pseudogottheit isch eini, wo nie datsächlig vo öberem verehrt worde isch oder öber dra glaubt het, aber einewäg in de Literatur oder de Forschig usw uffdaucht. --Terfili (Diskussion) 08:22, 17. Apr. 2023 (MESZ)