Diskussion:Romanistik

Rätoromanisch

Hoi Ark001 – zeerscht emaal vile Dank für dëë schöön Artikel! E chlyni Aamërkig hett i: Du schrybsch i der Uuflyschtig vo de romaanische Spraache «s Rätoromanisch i de Forme Surselvisch, Sutselvisch, Surmeirisch und Ladin […] s Ladynisch, s Friaulisch». I de Romanischtik bruucht me «Rätoromanisch» aber as Oberbigriff für Bündnerromanisch, Ladynisch und Friaulisch, nöd as Oberbigriff für Surselvisch, Sutselvisch, Surmeirisch und Ladin. Soo staat das au im Bosson, wo du zitiersch. Ja, ich wäiss, i der alemanische Wikipedia ghäisst der Artikel über s Bündnerromanisch «Rätoromanische Sprache». Das cha me scho so mache, wä-me wott volchstümlich sy; i de Schwyz säged mer ja au würkli esoo. Aber im Artikel «Romanistik» wuur i mi na de romanistische Tërminology richte. En liebe Gruez vom --Freiguet (Diskussion) 18:28, 31. Aug. 2018 (MESZ)

Lombardisch

Ich frööge mi au, wurum du s Lombardisch as äigeni Spraach uufzelscht, aber zum Byspil s Piemonteesisch nööd. Das tunkt mi äidwäders i di äint oder di ander Richtig inkonsequänt. Oder wänn du s Frankoprowänzaalisch as äigeni Spraach nimsch, wurum dänn nöd au s Asturisch und s Aragoneesisch? Luut em Bosson isch ja grad s Aragoneesisch rächt sälbschtändig. Ich wäisch scho, das d Abgränzige daa schwëër sind. Aber wänn du s äint nimsch und s ander nööd, au wänn d Situazioon ganz en Ëënlichi isch, dänn chum i nüme rächt druus. --Freiguet (Diskussion) 18:34, 31. Aug. 2018 (MESZ)

Antwort

Für die Reakzion und d Frooge beschte Dank. Es isch mer nume drum ggange emol es baar erschti Sache zu däm guete und wyte Thema yzstelle, wo’s leider bis jetz i däm Projäkt nid ggä het; und es fröit mi wenn anderi öppis drzue schrybe, wie’s jo do üblech isch. Im erschten Entwurf hani druf verzichtet gnau uf alli die Sproochen yzgoo, wil do drfür dr Hauptartikel tänkt isch. I probiere nodisno d Lischte z verbessere. E Gruess--Ark001 (Diskussion) 19:15, 31. Aug. 2018 (MESZ)

Merci. :-) --Freiguet (Diskussion) 19:43, 31. Aug. 2018 (MESZ)

Extärni Link gänderet

Sali Mitautore,

Ich haa 1 extärni Link uf Romanistik gänderet. Nämen ich bittschen e Momänt un luege no mym Edit. Wänn Ihr Froge hän, oder wänn dr Bot d Link oder di ganz Syte soll ignoriere, gehen bitte uf die FaQ-Syte fir mee Infiormatione. Ich haa die Änderige gmacht:

• s Archiv https://web.archive.org/web/20120114141530/http://ala.u-strasbg.fr/index2.php?page=accueil in http://ala.u-strasbg.fr/index2.php?page=accueil yygfiegt

Wänn Ihr fertig sin mit em dureluege vu myne Änderige, chennen er no dr Aawysige in dr Vorlag unte no Fähler flicke.

Cheers.—InternetArchiveBot (Fehler melden) 05:42, 5. Okt. 2019 (MESZ)

Extärni Link gänderet

Sali Mitautore,

Ich haa 1 extärni Link uf Romanistik gänderet. Nämen ich bittschen e Momänt un luege no mym Edit. Wänn Ihr Froge hän, oder wänn dr Bot d Link oder di ganz Syte soll ignoriere, gehen bitte uf die FaQ-Syte fir mee Infiormatione. Ich haa die Änderige gmacht:

• s Archiv https://web.archive.org/web/20180928075301/http://dialectologie.unistra.fr/ in http://dialectologie.unistra.fr/ yygfiegt

Wänn Ihr fertig sin mit em dureluege vu myne Änderige, chennen er no dr Aawysige in dr Vorlag unte no Fähler flicke.

Cheers.—InternetArchiveBot (Fehler melden) 18:45, 5. Okt. 2019 (MESZ)