Eberhard Peter Flamm

Dr Eberhard Peter Flamm (* 1957 z Känzinge) isch e dytsche Handelslehrer un Coach.

Lääbe

Dr Flamm isch z Wyhl ufgwagse. No dr Schuel het dr Flamm vu 1976 bis 1978 e Lehr zum Bankchaufmann gmacht un derno an dr Universitet Mannem Bedriibswirtschaftslehr un Pedagogik studiert un as Diplom-Handelslehrer abgschlosse. Vu 1983 bis 1986 het er bi dr Wirtschaftsbriefigsgsellschaft Price Waterhouse z Frankfurt am Main gschafft un vu 1986 bis 1997 as Laiter Personalentwicklig un Uusbildigsverantwortlige vu dr Duale Hochschuel. Syter anne 1997 isch er sälbschtständig as Trainer un Coach fir Fierigschreft un Uusbilder.

Wun er in dr 1980er Johr e baar Johr z Hameln z Nidersachse gläbt het, het dr Flamm aagfange im Kaiserstieler Alemannisch schrybe. Är het uusgläseni Gedicht un Gedanke anne 1994 unter em Titel „Vu ganzem Herze“ publiziert, derzue het er au Gedicht puliziert in verschidene Anthologie. Zäme mit dr Lore Haag vu Wiswil, dr Carola Mutschler vu Kiechlischbärge un em Harald Noth vu Rothwil het er im Biechli „Mogge Mogge Nuss ... un dü bisch duss“ traditionälli Chindervärsli zämegstellt. Anne 2014 het er e alemannischi Ibersetzig vum Markus-Evangelium vereffetligt. Anne 1996 het dr Flamm aagfange as „Reblüs“ e alemannisch Kolumne „D Reblüs“ in dr Gratis-Wuchezytig Reblandkurier z schrybe. Vier Johr lang het er fir dr Radiosänder SWR4 as „Manni vum Kaiserstuehl“ Gschichtli vum Chaiserstuel verzellt.

Dr Flamm wohnt im Neiburger Stadtdail Zienke.

Wärch

Fachliteratur

• Kontrolle als Motivationsinstrument. Mit Sicherheit besser führen. tredition, Hamburg 2016. ISBN 978-3-7323-5515-0
• Gute Briefe sind kein Zufall. Übungsbuch für moderne Geschäftskorrespondenz. Kiehl, Ludwigshafen (Rhein) 2004. ISBN 978-3-470-52991-2
• zäme mit dr Anna Katharina Flamm: So bilde ich erfolgreich aus. Aus der Praxis eines Ausbildungsbeauftragten. Verlag für praktische Bildung Andrea E. Flamm 2021. ISBN 978-3-9804001-3-8

Literarischs

• Vu ganzem Herze… Gedichte und Gedanken in Kaiserstühler Alemannisch. Verlag Andrea E. Flamm, Müllheim-Hügelheim 1994; 2. Auflage 1995. ISBN 3-9804001-0-7
• S Markus-Evangelium uf alemannisch - in dr Kaiserstiahler Dialekt iwersetzt vum Eberhard Peter Flamm. Neuenburg 2014. ISBN 978-3-9804001-2-1
• zäme mit dr Lore Haag, dr Carola Mutschler un em Harald Noth: Mogge Mogge Nuß – un dü bisch duß. Verlag Andrea E. Flamm, Müllheim-Hügelheim 1995. ISBN 3-9804001-1-5

Derzu Gedicht in verschidene Anthologie, unter anderem in weleweg selleweg.

Weblink

• Websyte vum Eberhard Flamm
• dr Eberhard Flamm uf dr Websyte vu dr Muetersproch-Gsellschaft
• dr Eberhard Flamm uf dr Websyte vum Harald Noth
• Gedicht vum Eberhard Flamm uf dr Websyte vu dr Drachtegruppe Dodtnauberg