weleweg selleweg isch e Anthology mit alemannischer Dialäktliteratur, wu anne 1996 vum Markus Manfred Jung, em Hanspeter Wieland un em Wendelinus Wurth im Name vu dr Muettersproch-Gsellschaft im Drey-Verlag uusegee woren isch.

s Buech ändere

S Buech versammlet 33 Autor*ne, wu um des Zyt gläbt un in eme sidbadische Alemannisch gschribe hän.

Noch ere Widmig vum Klaus Poppen, em domolige Bresidänt vu dr Muettersproch-Gsellschaft, un eme Vorwort vum Markus Manfred Jung cheme di uusgwehlte Gedicht un Prosatäxt gornet noch em Härchumftsort vu dr Autor*ne dr Rhy aabe vum Bodesee bis in d Ortenau. E jedes Kapitel fangt aa mit eme Schwarz-Wyss-Foto vum Autor/vu dr Autori un ere churze, sälber gschribeni Vorstellig un het derno alliwyl fimf Syte mit Gedicht, Liedtäxt un Verzellige. Ganz am Änd vum Buech het s no bibliografischi Aagabe zu dr ainzelne Autor*ne.

weleweg selleweg isch di viert Anthology mit Dialäktliteratur gsii, wu d Muettersproch-Gsellschaft useegee het, no „Alemannische Geschichten“, zämegstellt vum Richard Gäng, „S lebig Wort“, zämegstellt vum Karl Kurrus, un „D Hailiecher“, zämegstellt vum Markus Manfred Jung.

Derwylscht mer in dr erschte boode Anthologie vu dr Muettersproch-Gsellschaft („Alemannische Geschichten“ un „S lebig Wort“) no Miei gee het, alli läbige Autor*ne ufznee, isch in dr 1990er Johr s Uuswahl eso groß gsii, ass di drei Rusgeber no aigene Aagabe sonigi uusgläse hän, wu „in der Mundart literarisch gute und eigenständige Texte“ gschribe hän.

dr Inhalt ändere

Uusgaab ändere

  • weleweg selleweg. Eine Anthologie mit Texten von 33 zeitgenössischen Mundartautoren aus Baden. Hrsg. für die Muettersproch-Gsellschaft. Redaktion: Markus Manfred Jung, Hanspeter Wieland, Wendelinus Wurth. Drey-Verlag, Gutach 1996. ISBN 3-9804636-2-1