Ella Rumpf

D Ella Rumpf (* 4. Februar 1995 z Paris) isch e schwyzerisch-franzeesischi Schauspiileri.

Lääbe un Wiirke

D Ella Rumpf isch anne 1995 as Doochter vun eme Schwyzer un ere Franzeesi z Paris uf d Wält chuu un isch zwoosproochig z Züri ufgwagse. Ire Schauspiildebüt het si 2011 in ere chlaine Roll in s Friederike Jehns Filmdrama Draussen ist Sommer gee. Des het si motiviert, Schauspiileri z gee, un si isch uf London gange un het deert am Giles Foreman Centre for Acting Schauspiil studiert.^[1]^[2]

No in dr Zyt vu ire Uusbidlig het si dr Duurbruch as Schausspiileri ghaa im Coming-of-Age-Drama Chrieg, wu si di rebellisch 19-jeerig Ali gspiilt het. Fir die Roll isch si as Beschti Nääbedaarstelleri fir dr Schwyzer Filmbryys nominiert woore.^[3]

No ire Uusbilgi het si 2016 e Näberoll im Lozärner Tatort ghaa un im nämlige Joor e Hauptroll as kannibalistischi Studänti im franzeesische Horrorfilm Raw. Im Film Tiger Girl vum Jakob Lass het si 2017 d Hauptroll vu dr schlaagfeertige Lääbeschinschtleri Tiger gspiilt. Im Summer 2017 het si im Schwyzer Drama Die göttliche Ordnung unter dr Reschy vu dr Petra Biondina Volpe e jungi Frau in dr Schwyz vum Joor 1971 gspiilt, wu wäge «uukonväntionällem Verhalte» inhaftiert wird.

In dr Joor 2018/19 het si di wyyblig Hauptroll in dr Netflix-Serie Freud iber dr eeschtryychisch Grinder vu dr Psychoanalys gspiilt, wu anne 2020 uusgstraalt wooren isch. 2018 het si au in Lindenberg! Mach dein Ding (Reschy: Hermine Huntgeburth) d Juugedliebi vum Udo Lindenberg gspiilt.

Filmografy

2012: Draussen ist Sommer
2013: Chrieg
2016: Tatort: Kleine Prinzen
2017: Für dich dreh ich die Zeit zurück
2017: Die göttliche Ordnung
2016: Raw (Grave)
2017: Tiger Girl
2018: Asphaltgorillas
2018: Beast
2018: Sympathie pour le diable
2018: Gut gegen Nordwind
2018–2019: Freud (Fäärnsehserie)
2018: Lindenberg! Mach dein Ding
2020: Tokyo Vice (Fäärnsehserie)

Musikvideo:

2016: Ausgebombte Herzen – Swiss und die Andern

Uuszaichnige

2020: European Shooting Star 2020 bi dr 70. Berlinale
2019: Publikumspryys Beschti wyybligi Nääberoll bim Jean Carmet Festival fir Sympathie pour le diable
2018: Uuswaal fir Révelation César fir Grave/Raw
2017: New Faces Award Beschti Noowugsschauspiileri 2017

Weblink

Commons: Ella Rumpf – Sammlig vo Multimediadateie

d Ella Rumpf bi dr Agentur Spielkind
Ella Rumpf in dr Internet Movie Database
Ella Rumpf bi filmportal.de
Ella Rumpf bi swissfilms.ch

Fueßnote

↑ Ella Rumpf @ SPIELKIND. In: SPIELKIND. (spiel-kind.com [abgerufen am 1. April 2017]).
↑ Schauspielerin Ella Rumpf: So lebt sie in London. Schweizer Radio und Fernsehen SRF, abgruefen am 1. April 2017 (Schwiizer Hochtüütsch).
↑ Interview mit Shootingstar Ella Rumpf. In: Interview mit Shootingstar Ella Rumpf | annabelle.ch. (annabelle.ch [abgerufen am 1. April 2017]).

[1] Ella Rumpf @ SPIELKIND. In: SPIELKIND. (spiel-kind.com [abgerufen am 1. April 2017]).

[2] Schauspielerin Ella Rumpf: So lebt sie in London. Schweizer Radio und Fernsehen SRF, abgruefen am 1. April 2017 (Schwiizer Hochtüütsch).

[3] Interview mit Shootingstar Ella Rumpf. In: Interview mit Shootingstar Ella Rumpf | annabelle.ch. (annabelle.ch [abgerufen am 1. April 2017]).

[1]

[2]

[3]