Hauptmenü ufmache
Dialäkt: Baseldütsch

Dr Engeler Verlag isch e literaarische Buechverlag mit Sitz z Schupfart im Aargau. Früener hed er Sitz z Holderbank SO und z Soledurn ka.

Vo 1997 bis 2009 heds e Vorgängerverlag mit em Naame Urs Engeler Editor gää, wo z Basel und z Wiil am Rhii gsi isch. Dr Verleger Urs Engeler hed au en Label, wo Roughbooks haisst.

Inhaltsverzeichnis

Gschicht und KonzeptionBearbeite

Dr Schwerpunkt vom Verlagsprogramm lit im Beriich vo dr Lyrik, dr Poesii/Poetik und uf litraturtheoretisch-filosofische Abhandlige. Dr Gründer Urs Engeler het Vergliichendi Litraturwüsseschaft bim Hans-Jost Frey an dr Universidät Züri studiert. Drbii isch d Idee entstande, e Zitschrift für Poesii und ihri Poetik uusezgee: Sit 1992 git dr Urs Engeler d Lyrik-Zitschrift Zwischen den Zeilen uuse. Die het d Grundlag für d Gründig vom Verlag Urs Engeler Editor bildet. Sit 1995 hat dä mit dr Understützig vo Mezene meh as 60 Autore us Dütschland, Östriich, dr Schwiz, Frankriich, de USA und Italie uusebrocht, bis dr Mezen sich 2009 zruggzoge het. Dr Engeler het dr Verlag zuedoo, macht aber mit däm siiner Backlist und äinzelne Brojekt witer.[1]

2010 het dr Engeler mit em Herstelligs- und Verdriibskonzept roughbooks aagfange, wo hütige Määrtgsetz genauso grächt sött wärde wie aaspruchsvolle Inhalt. D Ditel, wo kommerziell erfolgriicher si, wärde em Handel über dr nöi gründeti Engeler Verlag aabote, die andere Lyrik-Bänd bietet Roughbooks via Internet im Diräktverdriib aa: Chliiuflage im Digitaldruck, ohni ISBN, zum Däil under starker Mithilf vo de Autore.[2]

AutoreBearbeite

ÜbersetzigeBearbeite

RäihjeBearbeite

  • Sammlig Urs Engeler Editor
  • Theorii: z. B. im Felix Christen si Eine andere Sprache, e Wärk zum Friedrich Hölderlin siiner groosse Pindar-Überdraagig
  • Wärkusgoobe: z. B. Michael Donhauser

UszäichnigeBearbeite

  • 2008: Dr Bade-Württebärgisch Landesbriis für literarisch ambitionierti chliineri Verläg[3]
  • 2007: Dr Förderbriis vo dr Kurt Wolff Stifdig
  • 2003: Dr Dütschi Hörbuechbriis für Fümms bö wö tää zää Uu. Stimmen und Klänge der Lautpoesie. Hrsg. Christian Scholz und Urs Engeler
  • 2002: Dr Karl-Zillmer-Briis vo dr Hamburgische Kulturstifdig an Urs Engeler für verdienstvolls verlegerischs Handle
  • 1999: dr Kulturbriis vo dr Stadt Basel

LitraturBearbeite

  • Theo Breuer: Urs Engeler Editor. In: Ders., Aus dem Hinterland. Lyrik nach 2000. Edition YE 2005, S. 150–151.

WeblinggBearbeite

FuessnooteBearbeite