Hauptmenü ufmache
dr Ephraim Katzir (1977)

Dr Ephraim Katzir (hebräisch ‏אפרים קציר‎; aigetli Ephraim Katchalski[1]; * 16. Mai 1916 z Kiew, Russischs Ryych; † 30. Mai 2009 z Rechowot[2]) isch en israelische Naturwisseschaftler (Biophysiker) un Bolitiker vu dr Mapai („Israelischi Arbetsbartei“) gsii. Vum 24. Mai 1973 bis zum 19. April 1978 isch dr Katzir dr vierte Staatsbresidänt vu Israel gsii.

LääbeBearbeite

Dr Ephraim Katchalski isch e Suhn vum Jehuda Katchalski un syre Frau Tzila gsii. Sy Brueder isch dr Brofässer fir Physikalischi Chemy, Aharon Katzir, gsii, wu 1972 bim Massaker am Flughafe Lod ermordet woren isch.

D Familie vum Katchalski isch anne 1925 uf Paleschtina uusgwanderet un het si z Jerusalem nidergloo. Noch em Schuelabschluss am Gimnasium Rehavia 1932 het dr Ephraim an dr Hebräischen Universitet z Jerusalem Botanik, Zoology, Chemy un Bakteriology studiert. S Studium het er anne 1938 mit em Master of Science abgschlosse un derno 1941 promoviert. Är het syni Studie an dr Columbia University un an dr Harvard University furtgsetzt un isch derno uf Israel retuurchuu. Är isch vu 1951 bis 1973 Laiter vu dr biophysikalischen Abdailig vum Weizmann-Inschtitut z Rechowot un vu 1966 bis 1968 wisseschaftlige Schefberooter vu dr israelischen Armee gsii.

Anne 1973 het en d Golda Meïr gfrogt, eb är wett dr negscht Staatsbresidänt vu Israel wääre. Am 10. Merz 1973 isch er vu dr Knesset zum neie Bresidänt gwehlt wore. In sy Amtszyt isch dr Jom-Kippur-Chrieg un d Operation Entebbe (1976) gsii. Im Novämber 1977 het er mit em Anwar as-Sadat zum erschte Mol e Staatsoberhaupt vun eme arabische Land z Israel empfange.

Dr Katzir isch ghyrote gsii mit dr Nina geb. Gottlieb. Si hän häme ne Suhn ghaa un zwoo Dechtere. Wäg dr Chranket vu syre Frau het dr Ephraim Katzir 1978 uf e zwooti Amszyt verzichtet. Sy Noofolger isch dr Jitzchak Nawon woore.

Uuszaichnige un MitgliidschafteBearbeite

Anne 1985 isch em dr Japan-Bryys fir syni Laischtigen uf em Biet vu dr Biotächnology zuegsproche wore. Är isch Mitgliid vu dr Dytschen Akademy vu dr Naturforscher Leopoldina gsii, syt 1966 Uuswärtig Mitgliid vu dr American Academy of Arts and Sciences, syt 1977 Uuswärtig Mitgliid vu dr Royal Society un ab 1989 Uuswärtig Mitgliid vu dr Académie des sciences.

Dr Katzir het uf em Biet vu dr Peptidchemy gschafft, vor allem zue Polypeptid.[3] Doderby het er unter anderem mit em Michael Sela zäme gschafft.[4]

WeblinkBearbeite

FueßnoteBearbeite

  1. Ephraim Katzir in der Jewish Virtual Library (englisch).
  2. vgl. Israel’s fourth president Ephraim Katzir dies, aged 93 bi haaretz.com, 30. Mai 2009.
  3. Elkan Blout: To honor Ephraim Katchalski-Katzir. In: Biopolymers. Band 26, S0, 1987, S. Siii–Siiv, doi:10.1002/bip.360260003 (englisch, PDF).
  4. Michael Sela: Ephraim Katzir—My mentor and friend. In: Biopolymers. Band 26, S0, 1987, S. Sv-Svi, doi:10.1002/bip.360260004 (englisch, PDF).