Erzbischefli Ordinariaat Fryburg
S Erzbischefli Ordinariaat z Fryburg isch dr Verwaltigssitz vu dr Erzdiezeese Fryburg un isch Härbärg fir di glyychnamig Chilchebeheerde in dr Schoferstrooß, vis-à.vis vum Erzbischeflige Prieschterseminar Collegium Borromaeum in dr Nechi vum Fryburger Minschter. Architäkt vum Gebei isch dr Erzbischefli Böuroot Raimund Jeblinger (1853–1937) gsii.
Gschiicht
ändereVoorgschiicht
ändere
Uf em Gländ vum Gebei isch syter anne 1700 s Auguschtiner-Choorheere-Stift Allerhailige in dr Pfaffegass (hite Heerestrooß), wu ne Opfer vu dr Säkularisazioon wooren isch. D Chlooschtergebei sin vum baadische Grooßherzoog dr evangeelische Gmai ibergee woore. Am 26. Juli 1807 isch deert dr eerscht evangeelisch Gottesdienst im Stadtbiet vu Fryburg abghalte woore, nodäm s scho im 17. Joorhundert unter schweedisch-weimarischer Bsatzig e baar stattgfunde ghaa hän. No dr Yyriichtig vu dr Ludwigschilche bis 1839 sin d Ryym langi Zyt fascht vollständig läär gstande. Anne 1851 sin si zum Militeerspitaal umgstaltet un ab 1871 as Kasäärne bruucht woore. Wu dr Eerbgrooßherzoog-Friedrich-Kasäärne anne 1895 feertiggstellt wooren isch, isch s Gebei, wu jetz Buurgkasäärne gnännt wooren isch, in stedtische Bsitz iibergange.[1]
Boublaanig bis hite
ändereIm Jänner 1900 hän d Blaanige fir e Ordinariaatsneiböu aagfange. Wu di kadoolisch Chilche s Gländ 1902 gchauft ghaa het, sin d Chlooschtergebei abbroche woore. Im Februar 1902 het dr nei Laiter vu, Erzbischeflige Böuamt, dr Raimund Jeblinger, en eerschte Blaansatz mit Cheschtevooraaschlaag voorglait. Im Juni 1903 het mer mit dr Böuaarbete aagfange, mit dr Fundamäntierig. Im Dezämber 1904 isch dr Dachstuel gsetzt woore, im Juli 1905 sin d Fassaadeverchlaidige mit Landstueler Sandstai feertiggstellt woore. Im Novämber 1906 het dr Böuheer Erzbischof Thomas Nörber s Gebei yygweit. Vorhäär isch d Ordinariaat deert gsii, wu hite s Fryburger Stadtarchiv sy Sitz het.[2]
Noch eme Bumbedräffer im Februar 1945 het s Gebei mieße nei renoviert wääre. Dooderbyy sin d Fassaade un s Dach dailwyys umgstaltet woore. Aafangs 1960er Joor isch s Dach uusböue woore, was dr Gsamtyydruck nomool veränderet het. Dr Yygang zum Gebei isch vu 1933 bis 2005 in dr Heerestrooß gsii. Syt Jänner 2006 chunnt mer in s Gebei wider dur dr uurspringli Hauptyygang in dr Schoferstrooß. Dodermit sään d Bsuecher au wider s bsundersch ryych gstaltet Hauptstäägehuus.
Böuschtiil
ändere_0833.jpg)
S Gebei isch im Schtiil vum Spoothischtorismus gstaltet, wu Elemänt vu dr Spootromantik mit byzantinisierende Elemänt verbunde woore sin. Bi dr Ornamäntikl sin au Juugedschtiilmotiiv yygsetzt woore.[3] Vum Jeblinger sin faarbigi un vergoldeti Ornamänt vorgsääne gsii, wu aber wäge Yywänd vum Domkapitel uf s Inner bschränkt bliibe sin. Uusgmoolt het dr Inneruum dr Fryburger Chinschtler Franz Schilling.
Literatuur
ändere- Peter Kalchthaler: Freiburg und seine Bauten. Ein kunsthistorischer Stadtrundgang. Freiburg 1991, ISBN 3-923288-12-3, Nr. 35.
- Christoph Schmider (Bearb.), Erzbischöfliches Ordinariat Freiburg (Hrsg.): Das Erzbischöfliche Ordinariat Freiburg. Großer Kunstführer, Bd. 221. Schnell & Steiner, Regensburg 2007. ISBN 978-3-7954-1795-6.
Weblink
ändere
Commons: Erzbischöfliches Ordinariat Freiburg – Album mit Multimediadateie- Websyte vum Erzbischeflige Ordinariaat
- Bschryybig vum Gebei (PDF-Datei; 811 kB)
Fueßnote
ändere- ↑ Paul Hartung: Militärische Gebäude. In: Badischer Architecten- und Ingenieur-Verein, Oberrheinischer Bezirk (Hrsg.): Freiburg im Breisgau. Die Stadt und ihre Bauten. H. M. Poppen & Sohn, Freiburg im Breisgau 1898, S. 588 (Scan – Wikisource).
- ↑ Adolf Poinsignon: Geschichtliche Ortsbeschreibung der Stadt Freiburg im Breisgau Rombach, Freiburg im Breisgau 1978, ISBN 3-7930-0105-9, S. 234 f.
- ↑ Alt-Freiburg. Abgruefen am 27. August 2010.
Koordinate: 47° 59′ 41,8″ N, 7° 51′ 15,7″ O
|
Dä Artikel basiert uff ere fräie Übersetzig vu dere Version vum Artikel „Erzbischöfliches_Ordinariat_Freiburg“ vu de dütsche Wikipedia. E Liste vu de Autore un Versione isch do z finde. |