Erzbischtum Vadoz
S Erzbischtum Vadoz (latiin. Archidioecesis Vadutiensis) umfasst geografisch s Staatsbiet vum Firschtetum Liechtestaa, dodermit isch s ais vu dr chlaischte Erzbischtimer vu dr remisch-katholische Chilche.
| Karte | |
| |
| Basisdate | |
|---|---|
| Staat | Liechtestaa |
| Chilcheprovinz | Immediat |
| Diözesanbischof | Wolfgang Haas |
| Generalvikar | Markus Walser |
| Flechi | 160 km² |
| Pfaareje | 10 (2010 / AP 2011) |
| Yywohner | 34.603 (2010 / AP 2011) |
| Katholike | 27.239 (2010 / AP 2011) |
| Aadeil | 78,7 % |
| Diözesanprieschter | 23 (2010 / AP 2011) |
| Ordensprieschter | 11 (2010 / AP 2011) |
| Katholiken je Priester | 801 |
| Ordensbrieder | 11 (2010 / AP 2011) |
| Ordensschweschtere | 52 (2010 / AP 2011) |
| Ritus | Remische Ritus |
| Liturgiisproch | Latynisch, Dytsch |
| Kathedrale | St. Florin |
| Aaschrift | Erzbischöfliche Kanzlei Im Dorf 56 9488 Schellenberg |
| Internetufftritt | www.erzbistum-vaduz.li |
Gschicht ändere
S Erzbischtum Vadoz isch am 2. Dezämber 1997 vum Papscht Johannes Paul II. mit dr Aposchtolische Konschtitution Ad satius consulendum yygrichtet wore.[1] Dervor isch s Biet as Dekanat Liechtestaa' e Dail vum Bischtum Kuur gsii. Dr effetlig un fyrli Vollzug het am 21. Dezämber 1997 in dr zuen ere Kathedral ghobene Pfaarchilche St. Florin vu Vadoz stattgfunde. D Erzdiezese isch diräkt em Hailige Stuel unterstellt un ghert in kainere Bischofskonferänz aa. D Grindig vum Erzbischtum het s megli gmacht, ass dr Bischof vum Bischtum Kuur, dr Wolfgang Haas, wu vu Liechtestaa stammt un in syym Bischtum umstritte gsii isch, uf Vadoz het chenne versetzt wäre.
Patron ändere
D Hauptpatroni vum Erzbischtum isch di hailig Jumpferte un Gottsmueter Maria, un zwar unter em Titel „Mariä Geburt“ (8. September). Näbenpatron sin dr hailig Märtyrer Luzius un dr hailig Florinus.
Struktur ändere
Bischtumsgliderig ändere
S Erzbischtum Vaduz bstoht us zwelf Pfaareie:[2]
Bischtumslaitig ändere
Dr Wohnsitz vum Erzbischof, di Erzbischeflig Kanzlei un s Sekretariat sin im Frauechloschter vu dr Schwestere vum Choschbere Bluet (SPPS) z Schellebärg, S Erzbischefli Generalvikariat dergege z Vadoz.
Weblink ändere
- Offiziälli Websyte vum Erzbischtum Vaduz
- Yytrag zue Erzbistum Vaduz uf catholic-hierarchy.org (englisch)
Fueßnote ändere
- ↑ Ioannes Paulus II: Const. Apost. Ad satius consulendum, AAS 90 (1998), n. 1, S. 8f.
- ↑ Pfarreien uf dr Websyte vum Erzbischtum Vadoz
|
Dä Artikel basiert uff ere fräie Übersetzig vum Artikel „Erzbistum_Vaduz“ vu de dütsche Wikipedia. E Liste vu de Autore un Versione isch do z finde. |