Planka
Planka (amtlich Planken) isch di klinscht Gmänd vu Liachtastä und lit ober Schaa. Si ghört no zum Oberland. Bekonnt worre isch s duerch d Ski-Olympiasiegerin Hanni Wenzel.
| Planken | |
|---|---|
 | |
| Basisdata | |
| Staat: | Fürschtetum Liechtestaan |
| Wahlkreis: | Oberland |
| Gmoandsummere: | 7006 |
| Poschtloatzahl: | 9498 |
| Koordinate: | 759588 / 228208 |
| Höhi: | 786 m ü. M. |
| Flächi: | 5.3 km² |
| Iiwohner: | 479 (30. Juni 2020)[1] |
| Bevölkerigsdichti: | 90.4 Iiwohner pro km² |
| Uusländeraatoal: | 26,6 % (30. Juni 2017)[2] |
| Website: | www.planken.li |
| Karte | |
 | |
| Dialäkt: Liechtestänisch |
Geografi
änderePlanka lit uf ra Terrasse über em Rhiital unter em Drei-Schwestra-Massiv.
Gschicht
ändereDr Dorfname Planke wird vom romanische Wort plaunca abgleitet, wo mit Halde übersetzt wird. Die romanischi Bevölkerig us Schaan und Vaduz het s Gebiet vom hütige Dorf nämlig schon grodet gha, bevor d Walliser vermuetlig gege s Ändi vom 13. Johrhundert dört iigwanderet si und no wiiteri Fleche an de obere Bärghäng grodet hai. Die ersti urkundligi Erwähnig vo Planke isch für s Johr 1361 als Planken dokumentiert. Zwei grossi Chriegsplünderige het s Dorf erlitte: 1499, wo d Eidgenosse über Planke nach Frastanz marschiert si, wo si am 20. April dr Schwöbisch Bund besiigt hai, und 1799 vo de Franzose, nochdäm si die kaiserlige Truppe vertriebe hai, wo z Planke iiquartiert gsi si.
1868 isch Planke an s Strossenetz agschlosse worde, so dass au grossi Fuehrwärk ins Dorf hai könne ko, und es nit nume meh über Trampelpfad het könne erreicht wärde. Noch eme Grossbrand vo 1869 het s e starki Abwanderig ge. So het s Dorf 1901 nume no 56 Iiwohner gha. Mit dr Grundzämmelegig 1961-1981 und ere verbesserete Infrastruktur het sich d Lag vo Planke wider besseret.
Der esoterischi Poet Martin Smyrk het im 19. Johrhundert z Planke gläbt.
Bevölkerig
ändere| Johr | 1812 | 1852 | 1901 | 1950 | 2000 |
| Iiwohner | 135 | 157 | 56 | 110 | 355 |
Politik
ändereGmeindevorstehar isch dr Rainer Beck (VU).
Religion
ändereVo dr 367 Iiwohner sin im Johr 2000 76,8 % römisch-katholisch gsii und 9,5 % evangelisch-reformiert.[3]
Sehenswiirdigkeite
ändere- hischtorischi Walser-Hiiser
- Josefskapell (1768)
Weblink
ändere
Commons: Planka – Sammlig vo Multimediadateie- Offizielle Internetsita vo dr Gmänd Planka
- Ulrike Mayr, Oliver Stahl: Planken. In: Historischs Lexikon vom Förschtatum Liachtastaa.
- Arthur Brunhart: Planken. In: Historisches Lexikon vo dr Schwiiz.
Fuessnote
ändere- ↑ Bevölkerungsstatistik 30. Juni 2020. (PDF; 2,0 MB) In: llv.li. Amt für Statistik (AS), Fürstentum Liechtenstein, S. 14, abgruefen am 21. März 2021.
- ↑ Bevölkerungsstatistik. (PDF; 913 kB) 30. Juni 2017. Amt für Statistik (AS), Fürstentum Liechtenstein, S. 15, abgruefen am 31. Januar 2018.
- ↑ Amt für Statistik Liechtenstein: Religionszugehörigkeit der Bevölkerung in Liechtenstein 2000 nach Gemeinden.
