Eschbach (Usingen)
Eschbach isch e Stadtteil vu Usingen im Hochtaunuschrais z Hesse. D Sidlig am Nordrand vu de Usingr Becken, wo fascht numme vo d Landwirtschaft läbt, isch 1280 zum erste Mol in re Urkunde in de Grafschaft Cleeberg unter de Namme Ketteneschbach erwähnt woorde.[1] Dr jetzig Usingr Stadtteil isch scho früeih wit über d Taunus usse dur guet Choscht bikannt woorde, spööter dur de Waldzeltplatz und d Wuchenend-Sidlig unter de Eschbachr Chlippen.
| Wappe | Dütschlandcharte | |
|---|---|---|
.png)
|
| |
| Basisdate | ||
| Dialekt: | Rhifränkisch | |
| Hauptvariante: | Hessisch | |
| Bundesland: | Hesse | |
| Höchi: | 314 m ü. NHN | |
| Flächi: | 0,8 km² | |
| Iiwohner: | 2128 | |
| Bevölkerigsdichti: | 2660 Iiwohner je km² | |
| Poschtleitzahl: | 61250 | |
| Ortgliderig: | 7 Ortsbezirk | |
Geography
ändereDe Ort lit am glychnammige Bach am nördliche Rand vom Usingr Becki. Dodemit an de nordoschtliche Rand vu de Taunus glege, isch er umgee vo Mischwäldr, Acher und Äckern un Matte. Er lit 2 km nördlich vu Usingen un 32 km nördlich vu Frankfurt am Main.
Im Norde gränzt Michelbach, im Oschte Wernborn, im Süde Usingen un im Weschte de Bundsstrooß 456 uf Grävenwiesbach un Weilburg an Eschbach.
Gschicht
ändere
Di erscht urkundliche Erwähnig nennt Eschbach im Johr 1280 ass e Teil vu de Grafschaft Cleeberg. Bis zur Reformationszit hät s chilchlich un rechtlich zue Grävenwiesbach ghört. Mit de Reformation isch Eschbach Sitz von ere unäbhängige Pfarrei woorde. 1596 isch Eschbach zue Nassau-Usingen choo. 1933 hett de Ort 907 liwohner. Sit de Gäureform z Hesse zum 1. Auguscht 1972 isch Eschbach e Ortsteil vo Usingen.[2]
Sehenswürdigkeite
ändereEvangelischi Chilche
ändere1843-1846 isch noo Plän vom Weilburgr Baumeischter Eduard Bautzer an de Stell vom 1388 erwähnte vorige Bauwerch di evangelisch Chilche im neoromanischen Stil baut woorde.[3] In de Chilchegmei sin nebe Eschbach au Michelbach un Wernborn un sii hät e unäbhängige Gemeihuus. Partnergemei isch Wandersleben.
Alti Schuel
ändere
Uf em Gländ vom früenere Hattsteinr Hof isch 1828 e Schuel mit zwoo Klasse, Lehrerwohnig un Schuelgarte baut woorde.[4] Hüt isch sii e ufgfrüscht Fachwerchhuus un e Hiilueger in de Ortsmitti un hät e Doktor.
Herrschaftlichr Hof
ändere
De Herrschaftlich Hof isch e hüt eso gnennt Gsindhuus un Wohnhuus, wo um 1700 uf em Hof vom Fürscht Walrad vo Nassau-Usingen für si Frau Maria Isabella vo Croy gchaufte Land baut woorde isch.[5]
Eschbachr Klippe
ändere
D Eschbachr Klippe, urschprunglich „Buchsteifelsen, um um 1910 au „Kaiserin-Friedrich-Klippe“ gnannt,[1] stöhn eweng nördlich vo Eschbach un sin bis z 12 Meter hoch. D Klippe sin e Teil vo vom e öbbe 6 km lange Quarzgang, wo dur s Usadal bis zuem Wormstei im Usingr Stadtwald goht. Er isch geologisch gseh e Querverwerfig, wo bi de Uffaltig vo de Gebirg entstande isch. De hert Quarz cha an menggi Stelle em Wetter widerstoh un isch hüt an vyl Ort im Taunus z seh. Weschtlich vo de Klippe isch, uf de ander Sitte vo de Chraisstraße Usingen-Michelbach eweng im Wald glege, e „Schwöschterfelse“, de Saienstei. Am südliche End vo de Klippe isch früehner e Freiliechtbühni gsi, ewo de mr no Rescht devo cha seh. Au hüt git s hie eimol im Johr e in de Umgäbig beliebt „Klippekonzert“.
Chletterer batte de Steilwand zuem Training, s git guet gsichereti Toure mit Felshooke mit Grad I-VII, bsunders d Südwand vo de Klippe isch beliebt.
Kultur
ändereFescht
ändere- Samschdig vor em Fastnachtsmändig: Fastnachtsfescht „Klippebebe“ im Burgerhuus
- Aafangs Juni: Eschbacher Flohmärkt mit Hilf vom Gewerbeverein un em Turn- und Spielverein Eschbach 1901 e. V.
- Endi Septämber: Oktooberfescht vo de Freiwilligen Feuerwehr Eschbach
- Adventszit: Chripfespiil in de Evangelische Chilche
Verein
ändere- Brieftaubenverein Luftbote Eschbach e. V.
- EFC Klippenadler Eschbach 99 e. V.
- Freiwillige Feuerwehr Eschbach
- Gewerbeverein Eschbach
- MSC-Rund um die Klippen e. V.
- Rassegeflügel-Zuchtverein e. V. Eschbach
- Reit-& Fahrverein Usingen-Eschbach e. V.
- Schachclub Eschbach 1947 e. V.
- Schützenverein 1900 Eschbach e. V.
- Sängervereinigung 1839 Eschbach/Ts. e. V.
- Tisch-Tennis-Club Eschbach e. V.
- Turn- und Spielverein Eschbach 1901 e. V.
- Vogelschutzgruppe Eschbach e. V.[6]
Wirtschaft un Infrastruktur
ändereVerchehr
ändereEschbach lit an de Landesstrooß L3270. 2 km weschtlich vo de Ortsmitti isch e Verbindig zue de Bundesstrooß 456 un 12 km oschtlich e Verbindig zue de A5 über Ober-Mörlen.
Eschbach het e Busverbindig in Richtig Usingen, Michelbach und Wernborn.
Aalag
ändere- Chindergarte Tabaluga
- Grundschuel Buechfinkeschuel
- Freiwilligi Füürwehr
- Burgerhuus
- Spiilplätz, Bolzplatz
- Kickplätz, Tennisplätze
- Campingplatz un e Damm (Schwimmbad)
- Hundsplatz
Undernehme
ändereZ Eschbach git s e Beck, zwee Metzger un zwoo Beize (Eschbacher Katz un Zum Deutschen Haus). Nebe mengge chleine Undernehme git s vyl Ritte- un Buurehöf.
Bekanndi Lüt
ändereAdolf Korell (1872–1941), liberale Minischter für Arbet un Wirtschaft im Volchsstaat Hesse, Pfarrer in Eschbach un isch 1941 au doo gstorbe.
Quelle
ändere- ↑ 1,0 1,1 Eberhard Schrimpf: Bilder einer Stadt - Usinger Straßen, Plätze und Gebäude im Wandel der Zeit. Hrsg.: Stadt Usingen. Zweiter Bildband. Usingen Juli 2015, S. 80.
- ↑ Statistisches Bundesamt (Hrsg.): Historisches Gemeindeverzeichnis für die Bundesrepublik Deutschland. Namens-, Grenz- und Schlüsselnummeränderungen bei Gemeinden, Kreisen und Regierungsbezirken vom 27. 5. 1970 bis 31. 12. 1982. W. Kohlhammer GmbH, Stuttgart und Mainz 1983, ISBN 3-17-003263-1, S. 379.
- ↑ Informationstafel des Geschichtsvereins Usingen e. V. und des Rotary Clubs Usingen an der Außenwand am Frontaleingang
- ↑ Informationstafel an de Vorderfront vom Geschichtsverein Usingen e. V. und em Rotary Club Usingen
- ↑ Informationstafel an der Vordersite vom Gschichtsverein Usingen e. V. und em Rotary Club Usingen
- ↑ Gewerbeverein-Eschbach. In: gewerbeverein-eschbach.de. Abgerufen am 4. September 2016.