Eunomos (Sparta)

De Eunomos (altgriech. Εὔνομος) isch e König vo Sparta gsii usem Huus vo de Eurypontide. Er isch nöd historisch.

D Raiefolg i de spartanische Königsliste isch nöd aihaitlich. Nochem Pausanias isch de Eunomos de Soo vom Prytanis und de Vatter vom Polydektes und de Groossvatter vom Charillos. Bim Herodot sind de Eunomos und de Polydektes vertuuscht. De Chronograph Eusebius loot de Polydektes ewegg.

De Plutarch gitt i sinnere Biographii öber de spartanischi Gsetzgeber e gnaueri Genealogii aa: Noch em isch de Eunomos de Soo vom Prytanis und er hett mit sinnere erste Frau de Polydektes zügt und spööter mit de Dionassa de Gsetzgeber Lykurg.

De Eunomos hett i Fride gherrscht und isch bimene Tumult miteme Chuchimesser erstoche wore.

Quelle

• Herodot: Historie 8.131
• Plutarch: Lykurg 1-3.
• Pausanias: Raise z Griecheland 3.7.2

Literatur

• René Bloch: Eunomos. In: Der Neue Pauly (DNP). Band 4, Metzler, Stuttgart 1998, ISBN 3-476-01474-6, Sp. 255–256.