Eurypontide

D Eurypontide (altgriech. Εὐρυπωντίδαι, Eurypontidai) sind ais vo de baide Königshüser z Sparta gsii, s ander sind d Agiade gsii. Z Sparta hend nemmli immer zwee König gliichzittig gherrscht.

Abstammig

Baid Familene hend sich as Noofaare vom Herakles aaglueget, und zwoor öber de Hyllos, Kleodaios, Aristomachos und Aristodemos. De söll mit sinene Brüedere Temenos und Kresphontes d Heraklide i d Peloponnes gfüert haa. Si hend s Land underworffe und uuftailt. Debii hett de Aristodemos Lakonie öberchoo. De Aristodemos isch mit de Argeia ghüroote gsii hett Zwilling ghaa, de Eurysthenes, de Stammvatter vo de Agiade, und de Prokles, de Stammvatter vo de Eurypontide. Binamst wore sind d Eurypontide nochem Eurypon, em Soo vom Soos und Enkel vom Prokles.

Eurypontide wo König gsii sind

• Prokles, Soo vom Aristodemos.
• Soos, Soo vom Prokles. Er feelt i de Liste vom Herodot.
• Eurypon, Soo vom Soos.
• Prytanis, Soo vom Eurypon, Chrieg gege Argos.
• Eunomos, Soo vom Prytanis. Fride z Sparta.
• Polydektes, Soo vom Eunomos. Fride z Sparta.
• Charillos, Soo vom Polydektes. Chrieg gege Tegea.
• Nikandros, Soo vom Charillos. Chrieg mit Argos.
• Theopompos, Soo vom Nikandros. 1. Messenische Chrieg.
• Zeuxidamos, Enkel vom Theopompos.
• Anaxidamos oder Anaxandridas I., Soo vom Zeuxidamos. 2. Messenische Chrieg.
• Archidamos I., Soo vom Anaxidamos.
• Agasikles (Mitti 6. Jh. v. Chr.), Soo vom Archidamos I.
• Ariston (Mitti 6. Jh. v. Chr.), Soo vom Agasikles.
• Damaratos (510-491 v. Chr.). Soo vom Ariston.
• Latychidas (491-469 v. Chr.), Soo vom Menares, em Enkel vom Hippokratidas. Schlacht vo Mykale.
• Archidamos II. (469-427 v. Chr.), Enkel vom Latychidas. S Erdbebe vo Sparta, Helotenufstand, Aafang vom Peloponnesische Chrieg. Vatter vo de Kyniska, de erst wiibliche Olympioniki.
• Agis II. (427-400 v. Chr.), Soo vom Archidamos II. Chrieg gege Elis.
• Agasilas II. (400-360 v. Chr.), Halbbrüeder vom Agis II.
• Archidamos III. (360-338 v. Chr.), Soo vom Agasilas II.
• Agis III. (338-331 v. Chr.), Soo vom Agasilas II. Isch im Chrieg gege Makedone gfalle.
• Eudamidas I. (331-305 v. Chr.), Soo vom Archidamos III.
• Archidamos IV. (305-275 v. Chr.), Soo vom Eudamidas I.
• Eudamidas II. (275-244 v. Chr.), Soo vom Archidamos IV.
• Agis IV. (244-241 v. Chr.), Soo vom Eudamidas II.
• Eurydamidas oder Eudamidas III. (241 v. Chr.).
• Archidamos V. (228-227 v. Chr.), Soo vom Eudamidas II.
• Eukleidas (227-222 v. Chr.).
• Lykourgos (219-211 v. Chr.).
• Pelops (211-207 v. Chr.), Soo vom Lykourgos.
• Nabis (207-192 v. Chr.), Soo vom Damaratos.

Stammbomm

Stammbomm vo de Agiade und Eurypontide noch Eurypontiden. In: Paulys Realencyclopädie der classischen Altertumswissenschaft (RE). Band III,1, Stuttgart 1897, Sp. 0065–0068.

Quelle

• Pausanias: Raise z Griecheland 3.7-10.
• Herodot 6.51, 8.131

Literatur

• Karl-Wilhelm Welwei: Eurypontidai. In: Der Neue Pauly (DNP). Band 4, Metzler, Stuttgart 1998, ISBN 3-476-01474-6, Sp. 302.