Nikandros

De Nikandros (altgriech. Νίκανδρος) isch e König vo Sparta gsii usem Gschlecht vo de Eurypontide.

De Nikandros isch de Soo vom Charilaos und Vatter vom Theopompos. Er hett Chrieg gege de Eratos vo Argos gfüert und sich debii mit de Hafestadt Asine verbündet. D Argiver hend wege dem d Stadt Asine zerstört und d Asinäer vertribe. Die sind uf Lakonie gfloche und hend weleweg s lakonische Asine gründet. Spööter, nochem End vom Erste Messenische Chrieg hend so vo de Spartaner Land z Messenie öberchoo, wo si s messenische Asine gründet hend.

Quelle

• Herodot: Historie 8.131
• Pausanias: Raise z Griecheland 2.36.4f., 3.7.4; 4.14.3

Literatur

Mischa Meier: Nikandros. In: Der Neue Pauly (DNP). Band 8, Metzler, Stuttgart 2000, ISBN 3-476-01478-9, Sp. 897.