Argeia (Tochter des Autesion)

D Argeia (altgriech. Ἀργεία) isch i de griechische Mythologi d Stammuetter vo de Könige vo Sparta.

D Argeia isch d Töchter vom thebanische König Autesion und d Schwöster vom Theras. Wo ere Vatter wegeme Orakelspruch Thebe verloo hett, isch si mitem Aristodemos verhürootet wore. No wo si schwanger gsii isch, isch de Aristodemos vom Strool töödlich troffe wore. Si hett Zwilling uf d Welt broocht, de Eurysthenes und de Prokles. Di beede sind di erste König vo Sparta wore und vo dene stammed d Agiade und Eurypontide ab. De Theras isch de Vormund vo de unmündige Buebe gsii und het as Regent öber Sparta gwaltet.

Quelle

• Herodot: Historie 6.52
• Apollodor: Bibliotheke 2.173
• Pausanias: Raise z Griecheland 3.1.7; 4.3.4

Literatur

• Fritz Graf. In: Der Neue Pauly (DNP). Band 1, Metzler, Stuttgart 1996, ISBN 3-476-01471-1, Sp. 1059–Argeia.
• Edward Tripp: Reclams Lexikon der Antike Philipp Reclam jun. Stuttgart (1991), 5. Uuflaag. Lemma: Argeia, S. 73.