Fernando de Noronha

Fernando de Noronha isch e brasilianischi Inselgrubbe im Atlantik. Iire Ursprung isch vulkanisch. D Insle ligge öbbe 350 km östlig vom brasilianische Festland und ghööre zum Bundesstaat Pernambuco. Dr Naame vom Archipel chunnt vom portugiisische Händler Fernão de Noronha, wo d Insle vo dr portugiisische Chrone gschänkt überchoo het für sini Verdienst um e Holzimport us Brasilie.

Fernando de Noronha
Luftbild Luftbild
Gwässer	Atlantik
Geografischi Lag	3° 51′ S, 32° 25′ W-3.853825-32.418655555556
Karte von Fernando de Noronha
Zahl vo de Insle	13 (+8 Klippe)
Hauptinsle	Fernando de Noronha
Gsamtflechi	26 km²
Iiwohner	3000
Charte vo de Insle Charte vo de Insle

Geografii

D Inselgrubbe bestoot us 21 separate Landflechene mit ere Gsamtflechi vo 26 km². D Hauptinsle, won dr gliich Naame wie dr Archipel het, isch die grössti Insle und die äinzigi, wo bewoont isch. Si het e Flechi vo 17 km². Dr Morro do Pico isch die höggsti Erhebig uf dr Insle und isch 321 m hooch.

Näbe dr Hauptinsle het s non e baar chliini Insle:

Ilha Rata Ilha da Conceição (do Morro de Fora) Ilha de São José Ilha do Chapéu do Nordeste

Ilha Trinta-Réis Ilha Rasa Ilha Chapéu do Sueste Ilho dos Ovos

Ilha do Meio Ilha do Lucena Ilha do Cuscuz Ilha Cabeluda

S Klima

S Klima isch s ganze Joor lang dropisch häiss. Die durchschnittligi Tämpratur isch 28 °C. Es git zwäi Jooreszite, d Drochezit (September bis Februar) und d Räägezit (Merz bis August).

D Bevölkerig

D Hauptinsle isch sit öbbe 400 Joor besiidlet und het jetz fast 3'000 Iiwooner. Die mäiste lääbe im Hauptort Vila dos Remédios.

D Wirtschaft

Vor zää Joor het d Bevölkerig no fast usschliesslig vom Fischfang und vo dr Landwirtschaft gläbt. Hüte schaffe nume no öbbe 40 Persone in dene Beriich, wäärend 500 im Turismussektor beschäfdigt si.

Kwelle

• Almeida,F.F.M.: The Fernando de Noronha archipelago. Hrsg.: Schobbenhaus, C.; Campos, D. A.; Queiroz, E. T.; Winge, M.; Berbert-Born, M. 2000. 

Weblingg

•  Commons: Fernando de Noronha – Sammlig vo Multimediadateie
• Iidrag in der Wälterbliste vo dr UNESCO uf Änglisch und uf Französisch
• Offizielli Site (portugiisisch, englisch (Site cha nüme abgrüeft wärde; Suche im Webarchiv)[1] [2] Vorlage:Toter Link/www.noronha.pe.gov.br)
• Lage des Nationalparks (Memento vom 13. Dezämber 2007 im Internet Archive)

Dä Artikel basiert uff ere fräie Übersetzig vum Artikel „Fernando_de_Noronha“ vu de dütsche Wikipedia. E Liste vu de Autore un Versione isch do z finde.