Foorschtligi Versuechs- un Foorschigsaaschtalt Baade-Wiirttebäärg

Dialäkt: Undermarkgreflerisch

D Foorschtli Versuechs- un Foorschigsaaschtalt Baade-Wiirttebäärg (FVA) mit Hauptsitz z Fryburg isch as Ressortfoorschigsinschtitut vu dr Landesfoorschtverwaltig (LFV) em Minischterium fir Ländlige Ruum un Verbruucherschutz (MLR) z Stuegert zuegoornet.

Hauptgebei vu dr FVA in dr Wonnhaldestr. 4, 79100 Fryburg

UfgaabeBearbeite

S Foorschigsinschtitut het di gsetzli Ufgaab, „der Forst- und Holzwirtschaft rationelle Möglichkeiten zur Erfüllung der vielfältigen Funktionen des Waldes aufzuzeigen und die ökologischen Beziehungen zwischen Wald und Umwelt zu untersuchen”.[1] Bi däne Untersuechige goot s um alli Waldflechene un Waldfunkzioone vum Land Baade-Wiirttebäärg: s Holz mache, di vylfältige Schutzfunkzioone vum Wald un au sy Bedytig as Erhooligsruum fir dr Mänsch.

E Meerkmool vum foorschtlige Versuechswääse isch s langfrischtig, reegelmääßig Erfasse vu wiichtige Ablaif in dr Wald-Ekosischteem wie z. B. Baumwagsduum, Boodenentwicklige un Veränderige vu dr Bflanze- un Dierwält.[2]

S Foorschigsinschtitut luegt no däne Ufgaabe dur praxisorientierti Foorschig, Entwicklig, Monitoringsischteem, Berootig un Uus- un Fuurtbildig. E bsunderi Stellig het doderby dr Transfer vum Wisse, go neii Erkänntniss erfolgryych in d Praxis z transportiere. S Inschtitut bedrybt s foorschtli Versuechsgländ Liliedaal un isch fir s Wolfsmonitoring z Baade-Wiirttebäärg zueständig.[3][4]

GschiichtBearbeite

D FVA isch am 18. Juni 1958 us dr Fusion vu dr Baadische Foorschtlige Versuechsaaschtalt un dr Wiirttebäärgische Foorschtlige Versuechsaaschtalt fiirigange.

Di Baadisch FVA isch anne 1873 z Charlsrue unter em Minischterium vum Innere grindet un 1875 em Gschäftsberyych vu dr Grooßhärzooglige Domäänedirekzioon im Finanzminischterium unterstellt wore. Di Wiittebäärgisch FVA isch anne 1872 as Inschtitut an dr Landwiirtschaftlige Akademy Hohheim bi Stuegert grindet woore. Mit dr ganze Forschtwisseschaft isch si 1881 an d Universitet Dibenga aagschlosse wore.

Wu im Joor 1920 im e Staatsverdraag zwische Baade un Wiirtebäärg bschlosse wooren isch, ass d Foorschtwisseschaft vum Polytechnikum Charlsrue un dr Universitet Dibenga zämeglait wääre un an dr Universiteet Fryburg verlaageret wääre, isch au di Baadisch FVA uf Fryburg chuu, di Wiirtebäärgisch FVA isch bliibe un an d Forschtdiräkzioon z Stuegert aagliideret woore. No 1945 het d Foorschtdiräkzioon vu Siiwiirtebäärg-Hauezollre drei Versuechsaaschtalte mit unterschiidlige Schwäärpinkz z Hächenga, z Renga un z Fraidestadt yygriichtet ghaa.

Im Joor 1958 sin derno die ganze Versuechsaaschtalte fusioniert woore. D Standoort het mer aagfangs no bhalte, im Lauf vu dr Joor sin si aber noodisnoo zuegmacht woore. D Hauptverwaltig isch im eerschte Joor no z Stuegert gsii, aber bal au uf Fryburg verlait woore. Syter 1986 sin di friejer uf verschiideni Standoort verdailte Abdailige vu dr FVA in eme nei ufgriichetet Hauptgebei in dr Wonnhaldestrooß veraint.[5]

KooperaziooneBearbeite

Mit dr Fakulteet fir Foorscht- un Umwältwisseschafte vu dr Universiteet Fryburg bstoot e ängi un aarbetsdailig Zämenaarbet im Rame vum sognännte „Fryburger Modäll”. Zue däre Kooperazioon gheere unter anderem gmainsaami Kolloquie, e gmainsaami Schrifteraie un d Duurfierig vu gmainsaame Foorschigsprojäkt.[6] Mitarbaiter*ne vum Foorschigsinschtitut wiirke derzue au reegelmääßig in dr universiteere Leer an dr Fryburger Foorschtfakulteet mit.

S Foorschigsinschtitut isch in dr nazionaale un internazionaale Foorschigslandschaft äng vernetzt. Im April 2009 isch an dr FVA e Regionaalbiro vum European Forest Institute (EFI) yygriichtet woore. Derzue isch d FVA Mitrusgeeberi vu dr internazionaale Websyte waldwissen.net, wu em Transfer vu foorschtligem Wisse dient.

WeblinkBearbeite

FueßnoteBearbeite

  1. LWaldG für Baden-Württemberg in der aktuellen Fassung auf Landesrecht BW.
  2. Badische Zeitung: Wildkatzen bei Schwanau entdeckt.
  3. Transfer- und Kommunikationsprojekt zum Umgang mit Großraubtieren in Baden-Württemberg
  4. Sabrina Streif: Wildtiermonitoring und Wildtierbeauftragte – Aufgaben und Herausforderungen
  5. 50 Jahre Forstliche Versuchs- und Forschungsanstalt – ein Rückblick
  6. Jahrringstrukturanalysen an Buchen.
  Dä Artikel basiert uff ere fräie Übersetzig vu dere Version vum Artikel „Forstliche_Versuchs-_und_Forschungsanstalt_Baden-Württemberg“ vu de dütsche Wikipedia. E Liste vu de Autore un Versione isch do z finde.