Frànzescha Schtraitkräfta

Dialäkt: Mìlhüüserdiitsch

D’ Frànzeescha Schtraitkräfta (uff Frànzeesch Forces armées françaises [fɔʁs(ə)z‿aʁme fʁɑ̃sɛz], àui Armée française [aʁme fʁɑ̃sɛz]) sìnn s’ Militäär vu dr Frànzeescha Repüblik un zeehla züa da schlààgkräftigschta vu dr Walt. Sìe sìnn noh da Schtraitkräfta vu da Verainigta Schtààta s’ zwaitschtärkschta Militäär vu dr NATO. Üsserdam ìsch Frànkrììch s’ ainziga-n-Àtoommàcht ìnnerhàlb vu dr Öiropäischa Unioon. Dr frànzeescha Schtààtspresidànt ìsch mìt’m Tìtel „chef des armées“ Owerbefahlshààwer vu da Schtraitkräfta; ar schtällt d’ owerschta Beheerda fìr militäärischa-n-Ààglaagahaita dàr un ìsch dr ainziga, wo dr Befahl fìr a Àtoomààgrìff därft gah. Sitter Jüüni 2009 ìsch Frànkrììch wììder Vollmìtglììd vu dr NATO, nohdam àss’s sìch ànna 1966 üss dr militäärischa Schtrüktüür vum Bìndniss z’ruckgezooga ghàà hàt. Dr frànzeescha Vertaidigungsbüdschä ìsch vu 49,7 Milliàrda-n-Öiro gsìì un ìsch domìt dr fìmftheechschta vu dr Walt gsìì — dàs ìsch 1,9 Prozant vum BIP vu Frànkrììch gsìì.

D’ Frànzeescha Schtraitkräfta bschtehn üss verschììdena unterschììdliga Tailberaich. Dr greeschta drvu ìsch d’ Armée de terre (Heer) mìt äbb 115.000 Soldààta. Naawadràà sìnn d’ Luftschtraitkräfta (Armée de l’air & de l’espace) mìt da Flugzigger Dassault Mirage un Dassault Rafale, wo ìn Frànkrììch äntwìckelt worra sìnn. D’ frànzeescha Nàzionààlmàrina ìsch geegawartig d’ greeschta Màrina ìn Wäschtöiropà un bsìtzt a nukleààr betrììwena Flugziggtraager, so wia-n-a nukleààr betrììwena U-Boot-Flotta.

Ànna 2018 sìnn ìn da frànzeescha Schtraitkräfta 270.746 Litt gsìì; drvu sìnn 206.317 àktiiwa Soldàtinna un Soldààta gsìì, un 67.700 ziwila Mìtàrwaiterinna un Mìtàrwaiter. Drzüa sìnn 63.700 Resärwìschta. Üsserdam zeehla züa da Schtraitkräfta-n-àui noch 102.269 Ààgheeriga vu dr Gendarmerie Nationale, 8.550 Pàriiser Pumpié un 2.423 Màrinapumpié vu Marseille.

D’ frànzeescha Schtraitkräfta sìnn em frànzeescha Vertaidigungsminìschterium untergoordent, wo sii Sìtz ìm Hexagone Ballard un ìm Hôtel de Brienne z’ Pàriis hàt. Dr geegawartiga Vertaidigungsminìschter ìsch dr Sébastien Lecornu.

Weblìnks

 Commons: Frànzeescha Schtraitkräfta – Sammlig vo Multimediadateie

Ainzelnoohwiisa

Dä Artikel basiert uff ere fräie Übersetzig vu dere Version vum Artikel „Französische_Streitkräfte“ vu de hochdütsche Wikipedia. E Liste vu de Autore un Versione isch do z finde.